ۆەدومستۆو باسشىسى اۋە رەيستەرىنىڭ كەشىگۋى مەن اۋىستىرىلۋى, سونىمەن بىرگە بيلەتتەردىڭ تاپشىلىعىنا بايلانىستى الاڭداۋشىلىق بىلدىرگەن. كەزدەسۋ بارىسىندا مينيستر جاڭا اۋە كەمەلەرىن جەتكىزۋ ءۇردىسىن جەدەلدەتۋدى جانە رەيستەردىڭ كەشىگۋى كەزىندە جولاۋشىلاردىڭ قۇقىقتارى بۇزىلماۋىن قاداعالاۋدى تاپسىردى.
«مەنىڭ تاپسىرمام بويىنشا جىل سوڭىنا دەيىن 5 جاڭا ۇشاق ساتىپ الىنادى دەپ كۇتىلۋدە. اتاپ ايتقاندا, Fly Arystan اۋە كومپانياسىنىڭ اۋە كەمەلەرى پاركى 2 ۇشاقپەن, Air Astana - 3 سامولەتپەن تولىقتىرىلادى. جالپى 2025 جىلعا دەيىن 24 جاڭا ۇشاق, ونىڭ ىشىندە 3 Boeing 787 Dreamliner ۇشاعى كەلەدى دەپ كۇتىلۋدە», دەپ جازدى ق.وسكەنباەۆ.
ءمينيستردىڭ ايتۋىنشا, اۆياكومپانيا باسشىسى مىندەتتەمەلەردى ورىنداۋ ءۇشىن ءتيىستى بارلىق شارا قابىلداناتىنىن ايتىپ سەندىرگەن. كەزدەسۋدى قورىتىندىلاي كەلە, يدم باسشىسى اۋە كەمەلەرى پاركىن ۇلعايتۋ جانە قازاقستاندىق اۆياكومپانيالاردىڭ تاسىمالداۋ سىيىمدىلىعىن ارتتىرۋ ارقىلى حالىققا وڭتايلى جاعداي جاساۋ پرەزيدەنتىمىزدىڭ ۇنەمى نازارىندا ەكەنىنە ەرەكشە نازار اۋداردى.
