تەننيس • 12 تامىز، 2022

گوزال اينيتدينوۆا وسكەمەن ءتۋرنيرىنىڭ جارتىلاي فينالىنا ءوتتى

37 رەت كورسەتىلدى

قازاقستاندىق گوزال اينيتدينوۆا جەكەلەي سىندا وسكەمەن ITF W25 - Kazzinc Open ءتۋرنيرىنىڭ جارتىلاي فينالىنا ءوتتى، دەپ حابارلايدى Egemen.kz.

قازاقستاندىق سپورتشى شيرەك فينالدا ۇندىستاندىق اشميتا ەشۆارامۋرتيمەن شەبەرلىك بايقاستى.

ءبىرىنشى پارتيادا گ.اينيتدينوۆا 5:1 ەسەبىمەن العا كەتكەننەن كەيىن قارسىلاسى ماتچتى جالعاستىرۋدان باس تارتتى.

گوزال فينالعا شىعۋ ءۇشىن رەسەيلىك تاتيانا باركوۆامەن تالاسادى. ول شيرەك فينالدا الەمنىڭ 311-ءىنشى، جارىستىڭ 1-راكەتكاسى، وتانداسى ەكاتەرينا كازيونوۆانى ۇتىپ كەتتى – 6:3، 6:1.

تاعى ءبىر قازاقستاندىق سپورتشى جىبەك قۇلامباەۆا جۇپتىق سىندا ە.كازيونوۆامەن بىرگە جارتىلاي فينالعا شىقتى. ولار قازاقستاندىق، 14 جاستاعى ماليكا امىرعاليەۆا مەن قىرعىزستاندىق ۆلاديسلاۆا اندرەەۆسكايانى 6:4، 6:1 ەسەبىمەن تىزە بۇكتىردى.

ج.قۇلامباەۆا مەن ە.كازيونوۆا جارتىلاي فينالدا رەسەيلىك پولينا ياتسەنكو – بەلارۋس وكىلى داريا شاۋحامەن كۇش سىناسادى.

سوڭعى جاڭالىقتار

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار