«قارجى ءمينيسترىنىڭ بۇيرىعىمەن دانيار ەرەنعالي ۇلى جانالينوۆ قارجى ۆيتسە-ءمينيسترى قىزمەتىنەن بوساتىلىپ, قارجى مينيسترلىگى مەملەكەتتىك كىرىستەر كوميتەتىنىڭ توراعاسى بولىپ تاعايىندالدى», دەلىنگەن حابارلامادا.
دانيار جانالينوۆ 1975 جىلى الماتى وبلىسىندا دۇنيەگە كەلگەن. قازاق كولىك جانە كوممۋنيكاتسيا اكادەمياسىن بىتىرگەن.
ماماندىعى - ينجەنەر-ەكونوميست.
ەڭبەك جولىن 2000 جىلى تالدىقورعان قالاسى بويىنشا سالىق كوميتەتىنىڭ زاڭدى تۇلعالار سالىق ءاۋديتى سەكتورىنىڭ سالىق ينسپەكتورى قىزمەتىنەن باستاعان.
2002-2008 جج. الماتى وبلىسى بويىنشا سالىق كوميتەتىندە ءتۇرلى قىزمەتتەر اتقارعان.
2008-2010 جج. - الماتى وبلىسى بويىنشا سالىق دەپارتامەنتى باستىعىنىڭ ورىنباسارى.
2010-2014 جج. - قارجى مينيسترلىگى سالىق كوميتەتىنىڭ قۇرىلىمىندا باسشىلىق قىزمەتتە بولعان.
2014-2018 جج. - قارجى مينيسترلىگى مەملەكەتتىك كىرىستەر كوميتەتىنىڭ سولتۇستىك قازاقستان وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى.
