«قالا تۇرعىندارى مەن بيزنەس وكىلدەرى ءۇشىن تۇرعىن ءۇي-كوممۋنالدىق شارۋاشىلىق ۇيىمدارىنىڭ قىزمەتتەرىن الۋدى جەڭىلدەتۋ كەرەك. سول ءۇشىن دە تاراز قالاسىنىڭ تابيعي مونوپوليالار سۋبەكتىلەرى قىزمەتتەرى مەن سەرۆيستەرىن اۆتوماتتاندىرۋ ماڭىزدى بولىپ وتىر», دەيدى وبلىستىق تسيفرلاندىرۋ باسقارماسىنىڭ باسشىسى رۋسلان نوقرابەكوۆ ماسەلەنىڭ مانىسىنە ءۇڭىلىپ.
ونىڭ ايتۋىنشا, ۇلتتىق جوبانى ىسكە اسىرۋ ءۇشىن دە تابيعي مونوپوليالار سۋبەكتىلەرى ۇسىناتىن قىزمەتتەردى اۆتوماتتاندىرۋدىڭ ماڭىزى زور. جوبا اياسىندا «تۇرعىن ءۇي – كوممۋنالدىق سەكتور» ءمودۋلىن ەنگىزۋ ارقىلى گەوپورتال الاڭىندا ىسكە اسىرۋ مۇمكىندىگى قاراستىرىلۋدا. جوبانى ىسكە اسىرۋدىڭ ءبىرىنشى كەزەڭىندە, ياعني 2022 جىلى تاراز قالاسى بويىنشا 13 قىزمەتتى اۆتوماتتاندىرۋ جوسپارلانعان.
«اتقارىلاتىن جۇمىستار ناقتى ماقساتتارعا نەگىزدەلگەن. تمس قىزمەتكەرلەرىنىڭ اۆتوماتتاندىرىلعان جۇمىس ورىندارى حالىققا قولايلى جاعداي تۋعىزۋى كەرەك. سونىمەن قاتار تاراز قالاسىنىڭ تابيعي مونوپوليالار سۋبەكتىلەرىنىڭ قالالىق قىزمەتتەر كورسەتۋ سالاسىنداعى سىبايلاس جەمقورلىقتىڭ تاۋەكەلدەرىن بولدىرماۋعا جۇمىس ىستەيمىز. سونداي-اق تاراز قالاسىندا IT-ماماندار ءۇشىن بىرقاتار جاڭا تۇراقتى جۇمىس ورنى قۇرىلادى», دەيدى ر.نوقرابەكوۆ.
باسقارما باسشىسىنىڭ سوزىنە سۇيەنسەك, قىزمەتتەر اۆتوماتتاندىرىلعان جاعدايدا حالىقتىڭ دا جۇمىسى جەڭىلدەيدى.
«سەرۆيس 13 كوممۋنالدىق (قالالىق) قىزمەت بويىنشا بەلگىلى ءبىر ۋاقىت ىشىندە ءبىر جەردە كەڭەس الۋعا جانە ءوتىنىم بەرۋگە, بىرنەشە ۇيىمنىڭ بولىمشەلەرىنە بارماي-اق قىزمەتتەر كورسەتۋگە ءوتىنىم جاساۋعا جانە سەرۆيس ارقىلى ۇيدەن شىقپاي شارت جاساسۋعا, كىرىس وتىنىمدەرى مەن ۇسىنىلعان جاۋاپتاردىڭ وڭدەلۋىنە مونيتورينگ جانە تالداۋ جۇرگىزۋگە مۇمكىندىك بەرەدى.
وسىلايشا قىزمەتتەر كورسەتۋ ساپاسىن جاقسارتادى. جۇمىس جوسپارعا سايكەس اتقارىلعان كەزدە: جەكە تۇلعالار ءۇشىن تۇرمىستىق تۇتىنۋشىنى جىلۋ ەنەرگياسىمەن جابدىقتاۋ بويىنشا قىزمەت كورسەتۋگە, كوپپاتەرلى تۇرعىن ءۇي كەشەنىندەگى پاتەرگە شارت جاساسۋ; جەكە تۇلعالار ءۇشىن تۇرمىستىق تۇتىنۋشىنى جىلۋ ەنەرگياسىمەن جابدىقتاۋ بويىنشا قىزمەت كورسەتۋگە, جەكە قايتالاما وبەكتىگە شارت جاساسۋ; جاڭا نىسانعا جىلۋ ەنەرگياسىمەن جابدىقتاۋ بويىنشا قىزمەتتەر كورسەتۋگە ارنالعان شارتقا قوسىمشا كەلىسىم جاساسۋ; جۇكتەمەنى ارتتىرۋ/ازايتۋ ءۇشىن جىلۋ ەنەرگياسىمەن جابدىقتاۋ بويىنشا قىزمەتتەر كورسەتۋ شارتىنا قوسىمشا كەلىسىم جاساسۋ, زاڭدى تۇلعالار ءۇشىن سۋمەن جابدىقتاۋ جانە/نەمەسە سۋ بۇرۋ قىزمەتتەرىن كورسەتۋگە شارت جاساسۋ; اۆتونومدى جىلىتۋعا تەحنيكالىق شارتتار بەرۋ; جەكە تۇلعالار ءۇشىن قاتتى-تۇرمىستىق قالدىقتاردى (قتق) شىعارۋ بويىنشا قىزمەت كورسەتۋگە شارت جاساسۋ; زاڭدى تۇلعالار ءۇشىن قاتتى-تۇرمىستىق قالدىقتاردى (قتق) شىعارۋ بويىنشا قىزمەت كورسەتۋگە شارت جاساسۋ سەكىلدى ماسەلەلەر وزدىگىنەن شەشىمىن تاباتىن بولادى», دەيدى باسقارما باسشىسى.
ءبىرشاما ۋاقىت بۇرىن مەملەكەت باسشىسى قاسىم-جومارت توقاەۆ 2025 جىلعا دەيىن ەلىمىز بويىنشا 100 مىڭنان استام IT-ماماندارىن قۇرۋ قاجەتتىگىن اتاپ وتكەن بولاتىن. وڭىردە بۇل باعىتتا دا اۋقىمدى جۇمىستار اتقارىلىپ جاتىر. ناتيجەسىندە, وتكەن جىلى ون تۇراقتى جۇمىس ورنى قۇرىلسا, 2022 جىلى تسيفرلاندىرۋ سالاسىندا 35 جاڭا جۇمىس ورنى اشىلادى دەگەن جوسپار بار.
«تسيفرلاندىرۋ سالاسىندا قولعا الىنعان جۇمىستاردى دەر كەزىندە ىسكە اسىرۋدىڭ ماڭىزى زور. ويتكەنى بۇگىندە سەرۆيستەردى اۆتوماتتاندىرۋ ارقىلى كوپتەگەن جۇمىس جەدەل تۇردە ىسكە اسادى. سول باعىتتاعى جۇمىسىمىزدى جانداندىرا تۇسەمىز», دەيدى ر.نوقرابەكوۆ.
جامبىل وبلىسى
