قوعام • 07 تامىز، 2022

قارا جول قاتەلىكتى كەشىرمەيدى

52 رەت كورسەتىلدى

جولدا وپات بولعاندار سانى ازايار ەمەس. ءيا، وسىدان ءبىرشاما ۋاقىت بۇرىن كۇيىك اسۋىنا جاقىن ماڭدا 15 اۆتوكولىكتىڭ قاتىسۋىمەن ورىن العان جول-كولىك وقيعاسى سالدارىنان 12 ادام زارداپ شەكسە، ءبىر ازامات باقيعا اتتانىپ كەتە بارعان. ال شىلدە ايىندا «باتىس ەۋروپا – باتىس قىتاي» اۆتوجولىندا بولعان جول اپاتى كەزىندە ءۇش ادام ومىرمەن قوش ايتىسسا، تاعى ءۇش ازامات اۋرۋحانا توسەگىنە تاڭىلعان ەدى.

بار بولعانى التى ايدىڭ بەدە­رىندە 700-دەن استام جول-كولىك وقي­عاسى تىركەلىپتى. وبلىستىق پوليتسيا دەپارتامەنتى كەلتىرگەن دەرەكتەرگە زەر سالساق، جول-كولىك وقيعاسى سالدارىنان 128 ادام ومىرمەن قوش ايتىسسا، 1 100-دەن استام ءوڭىر تۇرعىنى ءارتۇرلى جاراقات الىپتى. بۇل كولىك جۇرگىزۋشىلەرىنىڭ جول ەرەجەسىن ءجيى بۇزاتىنىن ايقىنداي تۇسسە كەرەك.

قۇزىرلى ورگان قىزمەتكەرلەرى سان ءتۇرلى ءتۇسىندىرۋ جۇمىستارىن جۇيەلى تۇردە جۇرگىزگەنىنە قاراماستان، جول-كولىك وقيعالارىنىڭ سيرەيتىن ءتۇرى جوق. قايتا ءورشىپ بارادى. وتكەن جىل­دىڭ ەسەپتى مەرزىمىمەن سالىستىرا قا­راساق، جول-كولىك وقيعالارىنىڭ سانى قورداي، تۇرار رىسقۇلوۆ، مەركى، جۋالى، مويىنقۇم جانە جامبىل اۋداندارىندا ايتارلىقتاي وسكەن.

دەرەكتەرگە زەر سالساق، كوپ جاع­دايدا كولىك جۇرگىزۋشىلەرى كىنالى بو­­لىپ شىعادى. مامانداردىڭ ايتۋىن­شا، وقيعالاردىڭ 99 پايىزىنا جۇر­گىزۋشىلەر ايىپتى ەكەن. ولار كوبىنەسە جىلدامدىقتى شامادان تىس ارتتىرادى، جول قيىلىستارىندا ەرەجە بۇزادى. ودان بولەك ءوزارا ارا قاشىقتىقتى ساقتاۋعا كەلگەن­دە دە بەيقامدىق تانىتاتىندار از ەمەس. ال اۆتوكولىكتى ماس كۇ­يىن­دە جۇرگىزەتىندەردىڭ قاراسى ءتىپ­تى كوپ. رۋلگە ماس كۇيىندە جارماسا­تىن­داردىڭ كەسىرىنەن زارداپ شەك­كەندەردىڭ دە قاتارى ارتا تۇسكەن.

ءتارتىپ ساقشىلارىنىڭ جەدەل ارە­كەتتەرىنىڭ ناتيجەسىندە كولىكتى ماس كۇيىندە جۇرگىزگەن ازاماتتار لايىق جازالارىن الىپ جاتىر. وبلىستىق پوليتسيا دەپارتامەنتى كەلتىرگەن دەرەكتەرگە سۇيەنسەك، بۇگىنگە دەيىن ىشىمدىك ءىشىپ كولىك جۇرگىزگەن 396 ازامات انىقتالعان. ولار 15 تاۋ­لىككە قامالعان، سونداي-اق 7 جىل بويى كولىكتى باسقارۋ قۇقىعىنان ايىرىلعان. جارتى جىلدىڭ بەدەرىندە 400-گە جەتەعابىل ازاماتتىڭ قۇقىق بۇزۋشىلىق جاساعانى ويلاندىرماي قويمايدى. ول از دەسەڭىز، جولدىڭ قارسى باعىتىنا شىعىپ كەتكەن 112 جۇرگىزۋشى 6 اي مەرزىمگە كولىك جۇرگىزۋ قۇقىعىنان شەكتەلگەن ەكەن.

وكىنىشكە قاراي، قاتەلىكتەن ساباق الىپ، قورىتىندى شىعاراتىندار بار­شىلىق بولعانىمەن، 16 ازامات كولىكتى ماس كۇيىندە قايتادان قايمىقپاي باسقارعان. زاڭعا با­عىن­باعان الگىندەي ازاماتتار ءتيىستى دەڭ­گەيدە قىلمىستىق جاۋاپ­كەرشىلىككە تارتىلعان.

«ناقتىراق ايتار بولساق، جول-كولىك وقيعالارى جۇرگىزۋشىلەر مەن جاياۋ جۇرگىنشىلەردىڭ تارتىپكە باس يمەۋ سالدارىنان ارتىپ وتىرعانى راس. ءوز تاراپىمىزدان قايعىلى جاع­دايلاردىڭ الدىن الۋ ماقساتىندا تاراز قالاسى جانە قالا سىرتىنداعى رەسپۋبليكالىق ماڭىزى بار اۆتوموبيل جولدارىندا قىزمەت ەتەتىن پوليتسيا جاساقتارىنىڭ كەستەسىن قاي­تا قاراپ، بۇگىندە باتالون باس­شى قۇرامدارىنىڭ ەسەبىنەن اۆتو­پاترۋلدەردىڭ قاتارىن كوبەيتتىك. جال­پى العاندا، جىل باسىنان بەرگى تەكسە­رىس كەزىندە شەتەلدەردە ەسەپتە تۇرعان جالعان كۋالىگى بار 22 كولىك انىقتالدى. اتالعان دەرەككە قاتىستى قىلمىستىق كودەكستىڭ 385-بابى بويىنشا سوتقا دەيىنگى تەرگەۋ امالدارى باستالىپ، كولىكتەر ايىپ تۇراعىنا قويىلدى. جول-كولىك وقيعالارىنىڭ جيىلەۋىنە الماتى، شىمكەنت قالاسى، تۇركىستان، جامبىل، الماتى وبلىستارىندا ترانزيتتىك كولىك جۇرگى­زۋشىلەرىنىڭ كوبەيگەنى دە اسەر ەتەدى. وبلىستاعى رەسپۋبليكالىق اۆتوجولداردا تاۋلىگىنە ەكى باعىتتا 43 مىڭعا جۋىق اۆتوكولىك ءجۇرىپ جاتىر. ونىڭ ىشىندە جەڭىل اۆتوكولىكتەر سانى 36 مىڭعا جۋىق جانە 7 مىڭنان استامى اۋىر جۇك كولىكتەرى ەكەنىن ايتا كەتكەن ءجون. بىلتىرعىمەن سالىستىرعاندا ترانزيتتىك كولىك سانى 34 مىڭعا كوبەيگەن. وسى جىلى پوليتسيا دەپارتامەنتى جەرگىلىكتى اتقارۋ­شى ورگاندارمەن بىرلەسىپ، وبلىستىڭ اۆتوموبيل جولدارىنا 1 083 تەكسە­رۋ جۇمىستارىن جۇرگىزدى. ناتيجەسىن­دە، جول قوزعالىسىنا كەرى اسەر ەتەتىن 8 336 كەمشىلىك بەلگىلى بولدى»، دەيدى وب­لىستىق پوليتسيا دەپارتامەنتى ­باس­­تىعىنىڭ ءبىرىنشى ورىنباسارى ەربول تايبەكوۆ جاعدايدى ءتۇسىندىرىپ.

جول قاتەلىكتى كەشىرمەيتىنىن بىلە تۇرا، ەرەجەنى ءجيى بۇزاتىندار ازايار­ ەمەس. سالدارىنان ادام ءولىمى دە جىل وتكەن سايىن ارتا تۇسكەن. قىسقا­سى، كولىك جۇرگىزۋشىلەرى باۋىرجان مو­مىش­ ۇلىنىڭ: «تارتىپكە باس يگەن قۇل بول­مايدى، ءتارتىپسىز ەل بولمايدى»، دەگەن ءسوزىن قاپەردە ۇستاماسا، ماسەلەنىڭ ۋشىعا بەرەتىنى تۇسىنىكتى.

 

جامبىل وبلىسى

سوڭعى جاڭالىقتار

سەمەي قالاسىنىڭ اكىمى تاعايىندالدى

تاعايىنداۋ • بۇگىن، 10:42

مەسسي جەڭىسكە جەتەلەي المادى

فۋتبول • بۇگىن، 07:35

شيرەك فينالعا ءوتتى

تەننيس • بۇگىن، 07:33

ءتورتىنشى ورىنعا تۇراقتادى

تەننيس • بۇگىن، 07:32

جۇلدەنىڭ اۋىلى الىس ەمەس

سپورت • بۇگىن، 07:28

بارىمتاعا – «قارىمتا»

قوعام • بۇگىن، 07:25

اسىق اتۋدان الەم چەمپيونى

ۇلتتىق سپورت • بۇگىن، 07:24

ادام كاپيتالىن ارتتىرۋعا ارنالادى

ەكونوميكا • بۇگىن، 07:20

جاڭا رەفورماعا سەنىم زور

پىكىر • بۇگىن، 07:16

ءۇمىت ءسوزى

پىكىر • بۇگىن، 07:12

بۇل – بولاشاقتىڭ تاڭداۋى

پىكىر • بۇگىن، 07:08

اشىقتىقتى ارتتىراتىن يگى ىستەر

قازاقستان • بۇگىن، 07:05

قۇقىق ۇستەمدىگى – كەلىسىم كەپىلى

قازاقستان • بۇگىن، 07:03

ەرتەڭىمىز ءۇشىن ۇتىمدى شەشىم

ساياسات • بۇگىن، 07:00

كاسىپ كوزى – ءناسىپ كوزى

ەكونوميكا • كەشە

ۇقساس جاڭالىقتار