ۇكىمەت «اتامەكەن» ۇكپ-مەن تىعىز ارەكەتتەستىكتە «تازا پاراقتان باستاپ» رەتتەۋدى بيزنەسكە ارتىق اكىمشىلىك جۇكتەمەنى ازايتۋ جانە كاسىپكەرلىك قىزمەتتى جۇرگىزۋگە نەعۇرلىم قولايلى جاعدايلار جاساۋ ءۇشىن ەنگىزىپ جاتىر. وسى جۇمىس اياسىندا بۇگىندە رەتتەۋشى اكتىلەردىڭ بارلىعى قايتا قارالىپ جاتىر.
كەڭەسكە قاتىسۋشىلار جەر قاتىناستارى, اقپارات جانە بايلانىس, كومپيۋتەرلىك باعدارلامالاۋ, قۇبىرجول كولىگى قىزمەتى, قاتتاۋ جانە تاۋ-كەن ونەركاسىبى سالالارىندا تالداۋ جۇرگىزۋ بارىسىن تالقىلادى.
پرەمەر-مينيستر مەملەكەتتىك ورگانداردىڭ وسى جۇمىستى جۇرگىزۋ كەزىندە ۇيلەستىرۋدى كۇشەيتۋ قاجەتتىگىن اتاپ ءوتىپ, ءتيىستى جوسپار-كەستەگە تالداۋ جۇرگىزىلمەگەن سالالاردى ەنگىزۋدى تاپسىردى.
«بۇل جاڭا قازاقستاننىڭ ەكونوميكالىق ساياساتىنىڭ نەگىزگى رەفورمالارىنىڭ جانە ۇكىمەت جۇمىسىنىڭ نەگىزگى باعىتتارىنىڭ ءبىرى. بيزنەسكە قويىلاتىن تالاپتار تۇسىنىكتى ءارى ايقىن بولۋى كەرەك. بيزنەس تىنىش جۇمىس ىستەۋى ءتيىس», دەدى ءاليحان سمايىلوۆ.
سونىمەن قاتار كەڭەسكە قاتىسۋشىلار مەملەكەتتىك باقىلاۋ جۇيەسىن اۆتوماتتاندىرۋ بارىسىن قاراستىردى.
ماسەلەن, قازىرگى ۋاقىتتا ءتسدياوم سالالىق اقپارات جۇيەلەرىنىڭ بار-جوعىن تەكسەرىپ, 57 قىزمەت تۇرىنە تالداۋ جاساپ, مەملەكەتتىك باقىلاۋ سالالارىن رەينجينيرينگتەن وتكىزۋ بويىنشا ۇيىمداستىرۋ-راسىمدىك ءىس-شارالار كەستەسىن ازىرلەۋدە.
ۇكىمەت باسشىسى اۆتوماتتاندىرۋدىڭ ارقاسىندا تەكسەرۋشىلەر تەك ەلەۋلى بۇزۋشىلىقتارعا جول بەرەتىن كاسىپكەرلىك سۋبەكتىلەرىنە عانا تەكسەرىسپەن بارۋى قاجەت ەكەنىن ايتتى.
«بيزنەسكە قويىلاتىن نەگىزسىز, قاجەتسىز, وزەكتى ەمەس تالاپتاردى قىسقارتۋ وتە ماڭىزدى. ءبىز قازىر جاڭا جاعدايدا ءومىر ءسۇرىپ جاتىرمىز, سوندىقتان بيزنەستى تەكسەرۋگە موراتوري كۇشىن جويعان كەزدە مەملەكەتتىك باقىلاۋ جانە قاداعالاۋ جۇيەسى ءادىل جانە وبەكتيۆتى بولۋى كەرەك», دەدى ءاليحان سمايىلوۆ.
پرەمەر-مينيستر ەگەر باقىلاۋ اۆتوماتتاندىرىلماسا, قانداي دا ءبىر تيىمدىلىك تۋرالى ءسوز قوزعاۋ ورىنسىز ەكەنىن اتاپ ءوتتى.
«وسى ماقساتقا قول جەتكىزۋ مەملەكەتتىك ورگاندارعا – ءاربىر سەكتور بويىنشا ءاربىر مينيسترگە, ءاربىر ۆيتسە-مينيسترگە تىكەلەي بايلانىستى. قوعام وزگەرىستى سەزىنۋى ءۇشىن بۇل جۇمىستى ادال اتقارۋ كەرەك. ايتپەسە, مەن كادر ماسەلەسىن قايتا قارايتىن بولامىن», دەپ تۇيىندەدى ول.
