«2022 جىلدىڭ 30 شىلدەسى كۇنى وبلىس اۋماعىندا جالپى COVID-19 دەرتىنىڭ 28 215 جاعدايى تىركەلدى. 100 مىڭ تۇرعىنعا شاققاندا اۋرۋشاڭدىلىق كورسەتكىشى 2 451-ءدى قۇرادى. پنەۆمونيانىڭ 8 661 جاعدايى تىركەلگەن (100 مىڭ تۇرعىنعا شاققانداعى كورسەتكىش – 752,4). ال وتكەن تاۋلىكتە كوروناۆيرۋس دەرتىنە شالدىققانداردىڭ 101 جاعدايى انىقتالدى, پنەۆمونيا اۋرۋىن جۇقتىرعان ازامات تىركەلگەن جوق. جالپى, بۇگىنگە دەيىن 26 738 ازامات دەرتىنەن ساۋىعىپ شىقتى», دەيدى وبلىس اكىمدىگى دەنساۋلىق ساقتاۋ باسقارماسىنىڭ باسشىسى اسەت قاليەۆ.
باسقارما باسشىسىنىڭ ايتۋىنشا, قازىرگى كەزدە سىرقاتقا شالدىققانداردى ينفەكتسيالىق ستاتسيونارعا ورنالاستىرۋ بويىنشا ەشقانداي ماسەلە جوق. بۇگىنگى تاڭدا وڭىردە 261 توسەكتىك ورنى بار بولسا, ونىڭ 29 پايىزى عانا دەرت جۇقتىرعان ازاماتتارمەن تولعان. ونىڭ ىشىندە 8 ازامات جانساقتاۋ بولىمىندە ەم قابىلداپ جاتىر. بۇل قاراستىرىلعان توسەكتىك ورىننىڭ 28 پايىزىن قۇراپ وتىر.
جالپى, وبلىس بويىنشا 23 بمسك ۇيىمدارىندا 45 ەگۋ پۋنكتى بار, ولاردىڭ 16-سى قالادا ورنالاسقان بولسا, 29-ى – اۋدانداردا.
2021 جىلدىڭ 1 اقپانىنان باستاپ وبلىسقا 380 440 دوزا QazCovid-in – وتاندىق ۆاكتسيناسى (190 220 ادامعا), 843 590 دوزا سپۋتنيك V (421 795 ادامعا), 60 مىڭ دوزا (30 مىڭ ادامعا) حايات ۆاكس, 34 مىڭ دوزا (17 مىڭ ادامعا) كوروناۆاك, 303 مىڭ (151 500 تۇلعاعا) ارنالعان Veroسell سينوفارم, 10 مىڭ دوزا سپۋتنيك لايت, 333 450 دوزا Pfizer (سشا) ۆاكتسيناسى جەتكىزىلگەن بولاتىن.
«وڭىردە 638 897 ازامات ۆاكتسينانى (101,2%) ءبىرىنشى كومپونەنتىمەن, 633 121 ادام ەكىنشى كومپونەنتىن (100,3%) سالدىردى. ۆاكتسينا قابىلداعاننان كەيىن دەرتتىڭ اسقىنۋ جاعدايى تىركەلگەن جوق. بۇگىنگى تاڭدا 18 جاستان اسقان ازاماتتاردى ۆاكتسينالاۋ ءۇشىن ەكىنشى كومپونەنت بويىنشا 2 313 دوزا ۆاكتسينا قالدى. رەۆاكتسينالاۋدان وتكەن ازاماتتاردىڭ سانى 408 984 ادامدى قۇراپ وتىر. فايزەر ۆاكتسيناسىنىڭ ءبىرىنشى كومپونەنتىمەن 133 531 ادام (بۇل 139 230 ادامنىڭ 95,9%-ى), ەكىنشى كومپونەنتىمەن 129 233 ادام (92,6%) قامتىلعان. ونىڭ ىشىندە 113 936 (103.4%) ءجاسوسپىرىم, 4 441 (57,4%) جۇكتى ايەل جانە 15 154 (71,2%) بالا ەمىزەتىن ايەل قامتىلدى», دەيدى ءا.قاليەۆ جاعدايدى ءتۇسىندىرىپ.
ونىڭ سوزىنە سۇيەنسەك, وڭىردە كوروناۆيرۋس ينفەكتسياسىمەن كۇرەس قالىپتى دەڭگەيدە جۇرگىزىلىپ جاتىر. ماماندار قاۋىپتى دەرتتىڭ الدىن الۋدا ايانباي ەڭبەك ەتۋدە. ايتكەنمەن, تۇرعىندار ساقتىق شاراسىن ساقتاعانى ءلازىم. اتالعان دەرتكە شالدىققانداردىڭ قاراسى ارتقان جاعدايدا, ولاردى قابىلداۋ ءۇشىن رەزەرۆتە تۇرعان قوسىمشا توسەكتىك ورىندار جەتكىلىكتى.
«جالپى, وڭىردەگى جاعداي باقىلاۋدا. دەگەنمەن تۇرعىندار ساقتىق شاراسىن ساقتاعاننان ۇتىلمايدى. ازاماتتار وسىنى قاپەردەن شىعارماسا ەكەن», دەيدى ءوڭىردىڭ باس دارىگەرى.
جامبىل وبلىسى
