كەزدەسۋدە العاش ءسوز العان وبلىستىق ارداگەرلەر كەڭەسىنىڭ توراعاسى ەركىنبەك سولتىباەۆ وڭىردەگى اعا بۋىن وكىلدەرىنىڭ, زەينەتكەرلەردىڭ تىنىس-تىرشىلىگى جايلى وي قوزعادى. ونىڭ ايتۋىنشا, وبلىستا 128 مىڭ زەينەتكەر بار. بۇل ءوڭىر حالقىنىڭ 11,5 پايىزىن قۇرايدى. ولاردىڭ ىشىندە ۇلى وتان سوعىسى ارداگەرلەرىنىڭ سانى نەبارى 23, ال تىل ارداگەرلەرىنىڭ ەڭ جاسى قازىر 85 جاسقا جەتكەن.
باسقوسۋدا ءسوز العان مەملەكەت باسشىسىنىڭ كەڭەسشىسى بيىلعى جىلدىڭ ساياسي رەفورمالارعا تولى بولعانىن اتاپ ءوتىپ, ەل ومىرىندەگى ماڭىزدى وقيعا – رەفەرەندۋمعا جامبىلدىقتاردىڭ سەكسەن پايىزدان استامى قاتىسىپ, ولاردىڭ باسىم كوپشىلىگى قولداۋ بىلدىرگەنىن تىلگە تيەك ەتتى. سونداي-اق ول جامبىلدىق اقىن-جازۋشىلاردىڭ, قالامگەرلەردىڭ شىعارمالارىمەن ەتەنە تانىس ەكەنىن جەتكىزدى.
كەزدەسۋ بارىسىندا وبلىستىق ءارحيۆتىڭ ديرەكتورى, قالامگەر كوسەمالى ءساتتىباي ۇلى ءسوز سويلەدى. ول ءوز سوزىندە قازىرگى تاڭدا ارحيۆ عيماراتىنىڭ ەسكىرگەنىن, ول ءۇشىن تاراز قالاسىنداعى 15-ءشى شاعىن اۋدان اۋماعىنان 1,5 گەكتار جەر سۇراعانىن, قازىرگى تاڭدا قيىندىقتار تۋىنداپ وتىرعانىن تىلگە تيەك ەتتى. سونىمەن قاتار ول ساياسي قۋعىن-سۇرگىن قۇرباندارىن تولىعىمەن اقتاۋ ماسەلەسىن كوتەردى. جازۋشى-دراماتۋرگ ەلەن ءالىمجان, ارداگەر ازىمبەك تىلەشوۆ كولىك قۇرالدارىن تەحنيكالىق باقىلاۋدان وتكىزەتىن ورىنداردىڭ جەكەشەلەنىپ كەتكەنىن ايتىپ, دابىل قاقتى.
كەزدەسۋ بارىسىندا ءسوز سويلەگەن ارداگەر كۇلاش نازاربەكوۆا جەرگىلىكتى ەمحانالاردا ارداگەرلەرگە مەديتسينالىق قىزمەت ءتيىستى دەڭگەيدە كورسەتىلمەيتىنىن ايتتى. وبلىس اۋماعىنداعى شيپاجايلاردىڭ بارلىعى جەكەمەنشىك بولعاندىقتان ارداگەرلەردىڭ ەمدەلۋگە قالتاسى كوتەرمەيتىنىن, سوندىقتان زەينەتكەرلەرگە ارنالعان ارنايى پانسيونات قاجەت ەكەنىن ءسوز ەتتى. قازاقستاننىڭ قۇرمەتتى ءجۋرناليسى بەكەت مومىنقۇل الەۋمەتتىك جەلىلەردە ەل ىشىنە ىرىتكى سالىپ, اباي مەن باۋىرجان مومىش ۇلى سەكىلدى ۇلت تۇلعالارىنا نەگىزسىز ءتىل تيگىزىپ, جاستاردىڭ ساناسىن ۋلاپ جۇرگەن بلوگەرلەرگە زاڭمەن شەكتەۋ قويۋدى تالاپ ەتتى.
كەزدەسۋدە وزگە دە بىرقاتار ازامات وزەكتى ماسەلەلەردى قوزعادى. جيىن سوڭىندا ءسوز العان مالىك وتارباەۆ ءاربىر ماسەلەنى ءجىتى نازارعا الىپ, شەشىلۋ جولدارىن قاراستىرىپ, ەل پرەزيدەنتىنە جەتكىزۋگە ۋادە ەتتى.
جامبىل وبلىسى
