«قازگيدرومەت» رمك مالىمەتىنشە, دەمالىس كۇندەرى ەلىمىزدىڭ وڭتۇستىك جانە وڭتۇستىك-شىعىسىندا اپتاپ ىستىق جالعاسادى.
«رەسپۋبليكا اۋماعىنىڭ باسىم بولىگىندە ءالى دە تۇراقسىز اۋا رايى ساقتالادى — جاڭبىر جاۋادى. 25 شىلدەدە ەلدىڭ سولتۇستىك-باتىسىندا قاتتى جاڭبىر جاۋىپ, نايزاعاي, داۋىل, بۇرشاق كۇتىلەدى. ەلىمىزدىڭ وڭتۇستىك-شىعىسىندا عانا جاۋىن-شاشىنسىز اۋا رايى ساقتالادى, ال قازاقستاننىڭ وڭتۇستىگىندە شاڭدى داۋىل بولجانادى», دەلىنگەن حابارلامادا.
اتاپ ايتقاندا, كۇندىزگى ۋاقىتتا رەسپۋبليكانىڭ باتىس جارتىسىندا اۋا تەمپەراتۋراسى +27 +42°س-تان +23 +35°س-قا دەيىن تومەندەيدى.
ەلدىڭ سولتۇستىك-باتىس, ورتالىق وڭىرلەرىندە اۋا تەمپەراتۋراسىنىڭ ازداپ كوتەرىلەدى: مۇندا تەرمومەترلەر + 25 +38°س بەلگىسىنە جەتەدى.
رەسپۋبليكانىڭ سولتۇستىگىندە, شىعىسىندا تەمپەراتۋرالىق فون +22 +30°س-قا جەتەدى.
ەلىمىزدىڭ وڭتۇستىگىندە, وڭتۇستىك-شىعىسىندا +34 + 46°س دەيىنگى قاتتى ىستىق جالعاسادى.
