مينيستر بۇگىنگى تاڭدا اتىراۋ وبلىسىندا 9,5 مىڭنان استام كاسىپورىن مەن ۇيىم جۇمىس ىستەيتىنىن, ولاردا 278 مىڭ جالدامالى قىزمەتكەر ەڭبەك ەتەتىنىن ايتتى. ءوڭىر كومپانيالارىمەن 242 مىڭ جۇمىسكەردى قامتي وتىرىپ, جۇمىس ورىندارىن ساقتاۋ بويىنشا 3,7 مىڭ مەموراندۋم جاسالدى. ءىرى جانە ورتا كاسىپورىنداردىڭ 97,8% - ى ءوز قىزمەتكەرلەرىمەن ۇجىمدىق شارتتار جاساستى. وبلىستىڭ 109 كاسىپورنى 108 مىڭ جالاقىسى تومەن قىزمەتكەرلەردىڭ جالاقىسىن 5-تەن 50% - عا دەيىن كوتەردى.
بۇل رەتتە وڭىردە ەڭبەك جانجالدارىنىڭ تۋىنداۋ قاۋپى بار كاسىپورىندار دا بار.
«جەرگىلىكتى اتقارۋشى ورگاندار ەڭبەك جانجالدارىنىڭ الدىن الۋ جانە ولارعا جول بەرمەۋ بويىنشا تۇراقتى نەگىزدە جۇمىس جۇرگىزۋى قاجەت. جۇمىس بەرۋشىلەردىڭ ۇجىمدىق شارتتار مەن مەموراندۋمدار بويىنشا جۇمىس ورىندارىن ساقتاۋ بويىنشا العان مىندەتتەمەلەرىن ورىنداۋىنا تۇراقتى مونيتورينگ جۇرگىزۋ ماڭىزدى. جۇمىسشىلاردىڭ ەڭبەك جاعدايلارى مەن جالاقى دەڭگەيىنە قاناعاتتانۋشىلىعىنا ۇنەمى ساۋالناما جۇرگىزۋ قاجەت», دەدى تامارا دۇيسەنوۆا.
سونداي-اق ەحاقم باسشىسى وبلىستاعى 9 كاسىپورىندا جالپى سوماسى 34 ملن تەڭگەنى قۇرايتىن ەڭبەكاقى بويىنشا بەرەشەك بار ەكەنىن اتاپ ءوتتى.
«اكىمدىك اۋماقتىق پروكۋراتۋرا, قارجى جانە ادىلەت ورگاندارىمەن بىرلەسىپ, جالاقى جانە الەۋمەتتىك اۋدارىمدار بويىنشا بەرەشەكتى وتەۋ بويىنشا ەگجەي-تەگجەيلى جوسپار-كەستە ازىرلەۋى قاجەت. جالاقى جانە جۇمىسكەرلەردى جۇمىستان بوساتۋ بويىنشا ىقتيمال بەرەشەكتى انىقتاۋ بويىنشا جۇمىستى الەۋمەتتىك اۋدارىمداردى تولەۋدى تومەندەۋىنە مونيتورينگ جۇرگىزۋ ارقىلى جۇرگىزگەن ءجون», دەپ ۇسىندى تامارا دۇيسەنوۆا.
مينيستر سونداي-اق شەتەلدىك جۇمىس كۇشىن تارتاتىن جۇمىس بەرۋشىلەردى تەكسەرۋ بارىسىندا انىقتالعان بۇزۋشىلىقتاردى اتاپ ءوتتى. تامارا دۇيسەنوۆا بۇزۋشىلىقتارعا جول بەرگەن جۇمىس بەرۋشىلەرگە پارمەندى شارالار قابىلداي وتىرىپ, وبلىس اكىمى باسقاراتىن وڭىرلىك ۇشجاقتى كوميسسيادا تەكسەرۋ ناتيجەلەرىن قاراۋدى ۇسىندى.
سونىمەن قاتار مينيستر بيىل وڭىردە وندىرىستە 21 قىزمەتكەر زارداپ شەككەنىن, ونىڭ 3-ەۋى قازا تاپقانىن اتاپ ءوتتى.
«وبلىس اكىمدىگى ەڭ كوپ جازاتايىم وقيعالارعا جول بەرگەن ءاربىر جۇمىس بەرۋشىمەن قاۋىپسىز ەڭبەك جاعدايلارىن قامتاماسىز ەتۋ جونىندەگى ءىس-شارالار جوسپارىن ازىرلەپ, ولاردىڭ ورىندالۋىن مىندەتتى تۇردە باقىلاي وتىرىپ بەكىتۋى قاجەت. مەملەكەتتىك ەڭبەك ينسپەكتورلارى وندىرىستىك جاراقاتتانۋدى ازايتۋ ماقساتىندا كاسىپورىندارعا بارۋ ارقىلى پروفيلاكتيكالىق باقىلاۋ جۇمىستارىن كۇشەيتۋى قاجەت», دەپ تۇيىندەدى تامارا دۇيسەنوۆا.
