«جالپى, ۇكىمەتتىڭ جۇمىسىنا ورتاشا دەگەن باعا بەرۋگە بولادى. ۇكىمەت تاباندىلىق تانىتۋعا تىرىسۋدا. بىراق, قازىرگى كەزەڭدە بوساڭسۋعا بولمايدى. جۇمىس قارقىنىن بارىنشا كۇشەيتۋ قاجەت. جاڭا, تىڭ ءادىس-تاسىلدەردى قولدانۋ كەرەك», دەدى مەملەكەت باسشىسى ۇكىمەتتىڭ كەڭەيتىلگەن وتىرىسىندا.
ونىڭ ايتۋىنشا, ۇكىمەت جەدەل ارەكەت ەتەتىن وپەراتيۆتىك شتاب قانا ەمەس, ناقتى رەفورمالاردى ۇسىناتىن جانە جۇرگىزەتىن باستى مەملەكەتتىك مەكەمە بولۋى كەرەك.
«قازاقستاندا ەكونوميستەر, كاسىپكەرلەر كوپ. شەتىنەن ءبىلىمدى, دارىندى. بىراق, ولاردىڭ ناقتى ۇسىنىستارى از, ءتىپتى, جوق دەپ ايتۋعا بولادى. كۇزگە قاراي, مۇمكىن, كادرلىق شەشىمدەر قابىلداۋ كەرەك بولادى. ەرەكشە داعدارىس جاعدايىندا بۇل وتە قاجەت ەكەنى تۇسىنىكتى», دەدى ول.
