ايماقتار • 07 شىلدە، 2022

جالعاسىن تاپقان ءداستۇر

63 رەت كورسەتىلدى

ەل دامۋىندا ەكونوميكامەن قاتار ونەر مەن مادەنيەتتىڭ دە الار ورنى ەرەكشە. وسىدان دا كەزىندە «ەل ءىشى – ونەر كەنىشى» اتتى بايقاۋ ۇيىمداستىرىلىپ، وعان ءىرى ورتالىقتاردان شالعاي جاتقان اۋىل تۇرعىندارى قاتىساتىن. وسى اۋەسقويلاردىڭ اراسىندا كاسىبي مامانداردان كەم تۇسپەي جاتاتىن ونەرپازدار دا كەزدەسىپ قالاتىن ەدى. ايتەۋىر، وسى بايقاۋدىڭ اۋىلدىقتاردى تاعى ءبىر قىرىنان تانىتىپ، ەلدى رۋحاني تاربيەلەۋگە قوساتىن ۇلەسى ۇلكەن بولاتىن.

جۋىردا قىزىلوردا قالالىق مادە­نيەت جانە تىلدەردى دامىتۋ ءبولىمى ەل جادىنان وشە باستاعان وسى جاقسى ءداستۇردى جانداندىرىپ، قالا ماڭىنداعى اۋىل ونەرپازدارى قالالىقتار الدىندا ونەر كورسەتتى.

– قالالىق مادەني-دەمالىس پاركىن­دە 13-30 ماۋسىم ارالىعىندا  وتكەن باي­قاۋدىڭ قاتىسۋشىلارى وبلىس ورتا­لىعىنا جاقىن ورنالاسقان ەلدى مەكەندەر تۇرعىندارى بولدى. ەلدىڭ رۋحاني دۇنيەتانىمىن جاڭعىرتىپ، ۇلتتىق قۇندىلىقتاردى دارىپتەۋدى ماقسات تۇتقان بايقاۋدى قالا اكىمدىگى قولداپ، اۋىل ونەرپازدارى ەرەجەگە ساي كونتسەرتتىك باعدارلاما ازىرلەپ، كىتاپ جانە قولونەر كورمەسىن جاسادى، – دەيدى قالالىق مادەنيەت جانە تىلدەردى دامىتۋ ءبولىمىنىڭ باسشىسى جاعىپار ءتاجماحانوۆ. 

بايقاۋعا قازىلىق جاساعاندار قىزىل­جارما اۋىلدىق مادەنيەت ءۇيىنىڭ  ونەرپازدارى كوپتىگىن جانە كونتسەرتتىك باعادارلاما بويىنشا ءار ءتۇرلى جانردا ونەر كورسەتكەنىن، تاسبوگەت كەنتىندەگى س.مايقانوۆا اتىنداعى مادەنيەت ءۇيى ونەرپازدارى جۇلدەگەر اتانعان ونەرپازداردان شەرۋ جاساپ ەرەكشەلەنگەنىن ايتىپ وتىر. ال قاراوزەك اۋىلدىق مادەنيەت ءۇيىنىڭ كونتسەرتتىك باعدارلاماسى كوركەمدىك جاعىنان ۇتىمدى ۇيىمداستىرىلىپ، وسى اۋىلداعى مادەنيەت ءۇيىنىڭ مەڭگەرۋشىسى ايدوس بايكەنوۆتىڭ ونەر سايىسىندا العاش رەت ورىندالعان «ەل ءىشى – ونەر كەنىشى» اتتى ءانى بايقاۋدىڭ باستى تابىسى بولدى.

ەكى اپتادان استام ۋاقىت قالالىق پارككە جينالعاندارعا ونەر كەشىن سىيلاعان بايقاۋدىڭ باس جۇلدەسىن قىزىلجارما اۋىلدىق مادەنيەت ءۇيى السا، ءبىرىنشى ورىن تاسبوگەت كەنتىندەگى س.مايقانوۆا اتىنداعى مادەنيەت ءۇيى ۇجىمىنا بۇيىردى. ەكىنشى ورىندى قاراوزەك اۋىلدىق كلۋبى ونەرپازدارى، ءۇشىنشى ورىن جۇلدەسىن بەلكول كەنتىنىڭ كلۋبى مەن اقسۋات اۋىلدىق مادەنيەت ءۇيى يەلەندى. اباي اۋىلىنداعى مادەنيەت ۇيىنە، تالسۋات جانە قاراۋىلتوبە اۋىلدىق كلۋبتارىنا ىنتالاندىرۋ سىيلىعى تابىس ەتىلدى. قايتا جاڭعىرعان بايقاۋ قورىتىندىسىندا جەكەلەگەن قاتىسۋشىلار دا ءتۇرلى اتالىمدار بويىن­شا ماراپاتتالدى. 

 

قىزىلوردا

سوڭعى جاڭالىقتار

شەكارانىڭ شەبى بەرىك

قازاقستان • كەشە

باقىت مينيسترلىگى

قوعام • كەشە

ەلەكتر جەلىلەرى توزىپ تۇر

ەكونوميكا • كەشە

ۇلت ۇستازىنىڭ ۇلاعاتى

احمەت بايتۇرسىن ۇلى • كەشە

«قىلمىسكەر» قالام

ونەر • كەشە

ۇقساس جاڭالىقتار