«تاۋەلسىز قازاقستان مەملەكەتى وتىز جىلدان استام ۋاقىت بەدەرىندە دامۋدىڭ دۇرىس باعىتىن تاڭداي ءبىلدى. سوندىقتان دا ەلدە قولعا الىنىپ جاتقان ساياسي رەفورمالاردى ءبىزدىڭ ۇيىم قوس قولداپ قولدايدى. بۇگىن مەملەكەت باسشىسى قاسىم-جومارت توقاەۆپەن كەزدەسۋدىڭ ءساتى ءتۇستى. جۇزدەسۋ بارىسىندا پرەزيدەنت ەلدە تاۋەلسىز مەملەكەتتى دامىتۋ جولىندا اتقارىلىپ جاتقان جۇمىستاردىڭ ماڭىزىن ءتۇسىندىرىپ, العا قويعان ماقساتتارىمەن ءبولىستى. ەلدەگى جالپىحالىقتىق رەفەرەندۋمنىڭ ءساتتى وتكەنىنەن دە حاباردارمىز. قىسقاسى, بۇۇ قازاقستانداعى قولعا الىنعان بارلىق جۇمىستى قۋاتتايدى.
ەلدەگى ساياسي رەفورمالار جيىنتىعى ادام قۇقىقتارى بويىنشا حالىقارالىق نورمالار مەن ستاندارتتارعا ساي جۇزەگە اسىرىلاتىندىعىنا سەنەمىن. بيلىك ازاماتتىق قوعاممەن بىرلەسىپ, اۋقىمدى جۇمىستاردى جۇزەگە اسىرۋى كەرەك. ويتكەنى ازاماتتىق قوعاممەن بايلانىس قاي كەزدە دە ۇزىلمەۋى ءتيىس», دەدى بۇۇ باس حاتشىسىنىڭ ءبىرىنشى ورىنباسارى ءوز ويىن ءبىلدىرىپ.
كەزدەسۋ بارىسىندا وزگە دە ماسەلەلەر بويىنشا پىكىر بىلدىرگەن امينا مۇحامماد ەلدەگى رەفورمالار قازاقستاندىقتاردىڭ كوڭىلىنەن شىعاتىندىعىنا سەنىم ءبىلدىردى.
