ماڭعىستاۋ وبلىسىنداعى «الاتوو» قىرعىز ەتنومادەني ورتالىعى قاشاندا قايىرىمدى ىستەردىڭ ورتاسىنان تابىلادى. جەتەكشىسى قۇربانالى گازىبەكوۆ بىلگىر باعبان, بەساسپاپ اگرونوم. كوك وسىمدىككە جۇتاڭ قالادا كوشە بويىن اباتتاندىرۋ, جەكە تۇرعىن ۇيلەردىڭ ماڭىنا اعاش, گۇل وتىرعىزۋ ىسىندە قۇربانالى اعايعا جولىقپايتىن ادام سيرەك.
كوڭىلى دارحان قۇربانالى ەشكىمنەن قولقايىرىن اياعان ەمەس. ءتىپتى, قۇربان ايت, ناۋرىز تويى مەرەكەلەرىندە تۇرمىسى تومەن وتباسىلارعا ءوز ەگىنجايلارىندا وسكەن جەمىس-جيدەك, كوكونىس تۇرلەرىن تەگىن تاراتىپ جۇرەتىندىگىنەن دە حاباردارمىز. قايىرىمدىلىق كومەك جاساۋدى ساۋاپتى ءىس, ازاماتتىق مىندەت دەپ قانا ەمەس, ۇلتارالىق تاتۋلىقتى باستى ورىنعا قويعان مەملەكەتتىك ساياساتتىڭ وركەندەۋىنە, تاۋەلسىز قازاقستاننىڭ دامۋىنا قوسقان ۇلەس دەپ ەسەپتەيتىن ول ۇنەمى جاقسى باستامالاردىڭ ۇيىتقىسى. ءوزارا تاتۋ, ءبىرىن-ءبىرى ءىشتارتا سىيلاعان ءوزى باسقاراتىن «الاتوو» ەتنومادەني بىرلەستىگى مۇشەلەرىن ءبىر كىسىدەي جۇمىلدىرعان ق.گازىبەكوۆ تاعى دا جۇرت ءسۇيسىنگەن جاقسى ءىستى باستاپ كەتتى. ولار بۇل جولى قايىرىمدىلىق شارانى اقتاۋ قالاسىنداعى وتباسى ۇلگىسىندەگى بالالار اۋىلىنىڭ اۋلاسىن اباتتاندىرۋعا ارناپتى.
ءبىز اتالمىش اۋىلعا اتباسىن تىرەگەندە ايىر قالپاقتى قىرعىز اعايىندار كولىكتەن ءتۇپ-ءتۇپ اعاش كوشەتتەرى مەن قۇرال-سايماندارىن ءتۇسىرىپ جاتىر ەكەن. ءاپ-ساتتە 49 بالا تاربيەلەنىپ جاتقان 7 ءۇيدىڭ اۋلاسىنا ءبولىنىپ, جۇمىستى قىزدىرىپ اكەتتى. جاس-كارىسى, ەر مەن ايەل ارالاس 20-شاقتى ادام جۇمىسقا ءبىر كىسىدەي بىلەك سىبانا كىرىستى. جاستار جاعى جەر قازسا, وزگەلەرى شىبىقتى ۇستاپ, ءۇشىنشىسى ءتۇبىن كومىپ دەگەندەي تىرلىكتەرى جاراسىم تابا قالدى. ەڭبەك ىرعاعىن كوزىمەن قاداعالاپ, قاجەتتى جەرىندە ءتيىستى تاپسىرماسىن, اقىل-كەڭەسىن بەرىپ تىنىم تاپپاي جۇرگەن ق.گازىبەكوۆتى سوزگە تارتتىق.
– 50 ءتۇپ راۋشان گ ۇلىن, 25 ءتۇپ جەمىس جانە 25 ءتۇپ جاپىراقتى اعاشتاردى, سيرەن كوشەتتەرىن الىپ كەلدىك. مۇنداعى بالالار اتا-انا قامقورلىعىنسىز قالىپ, تاعدىردىڭ قيىندىعىنا تاپ بولعاندار. الايدا, مەملەكەتىمىز ولاردى اش-جالاڭاش قالدىرماي, تەنتىرەتپەي باعىپ-قاعىپ وسىرۋدە, لايىقتى ءبىلىم الۋدا. ەلباسى نۇرسۇلتان نازارباەۆ باستاعان وسى ادەمى ۇردىسكە ءۇن قوسىپ, قولداۋ كورسەتۋ ماقساتىندا قايىرىمدىلىق شاراسىن وتكىزۋدى, بالالار ءۇيىنىڭ اۋلاسىنا اعاشتار وتىرعىزىپ بەرۋدى دۇرىس دەپ تاپتىق. بۇل شارانى استانا قالاسىندا وتكەن قازاقستان حالقى اسسامبلەياسىنىڭ سەسسياسىنا جانە الدا كەلە جاتقان قازاقستان حالىقتارى ءبىرلىگى كۇنى مەرەكەسىنە ارنايمىز, – دەيدى ول.
وتباسى ۇلگىسىندەگى بالالار اۋىلىن دا – دوستىق ۇياسى دەۋگە بولادى. وسىدان 9 جىل بۇرىن اشىلىپ, وسى جىلدار ءىشىندە 50 بالانى كامەلەتتىك جاسقا تولعان ازامات رەتىندە ۇلكەن ومىرگە قوسقان اۋىلدا قازىر قازاق, ورىس, ازەربايجان, لەزگين بالالارى تاتۋ-ءتاتتى تۇرىپ جاتىر. ولار قىرعىز اعا-اپالارىنا كومەكتەسىپ زىر جۇگىرىپ ءجۇر. اعاش وتىرعىزىپ, ىقىلاس تانىتقان «الاتوو» قىرعىز ەتنو-مادەني بىرلەستىگىنە, قازاقستان حالقى اسسامبلەياسىنىڭ ماڭعىستاۋ وبلىستىق حاتشىلىعىنا العىسىن بىلدىرگەن اتالمىش اۋىل ديرەكتورىنىڭ ورىنباسارى ب.ولجابيقىزى مۇنىڭ ءبارى دوستىقتىڭ, تىنىشتىقتىڭ ناتيجەسى ەكەندىگىن ايتىپ, ەلىمىزدە مەرەكەلى تىرلىكتىڭ ءتىنى سوگىلمەۋىنە تىلەكتەستىگىن ءبىلدىردى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
–––––––––––––––––––––––––
سۋرەتتى تۇسىرگەن
ۆيكتوريا دەكتياروۆا.
كوڭىلى دارحان قۇربانالى ەشكىمنەن قولقايىرىن اياعان ەمەس. ءتىپتى, قۇربان ايت, ناۋرىز تويى مەرەكەلەرىندە تۇرمىسى تومەن وتباسىلارعا ءوز ەگىنجايلارىندا وسكەن جەمىس-جيدەك, كوكونىس تۇرلەرىن تەگىن تاراتىپ جۇرەتىندىگىنەن دە حاباردارمىز. قايىرىمدىلىق كومەك جاساۋدى ساۋاپتى ءىس, ازاماتتىق مىندەت دەپ قانا ەمەس, ۇلتارالىق تاتۋلىقتى باستى ورىنعا قويعان مەملەكەتتىك ساياساتتىڭ وركەندەۋىنە, تاۋەلسىز قازاقستاننىڭ دامۋىنا قوسقان ۇلەس دەپ ەسەپتەيتىن ول ۇنەمى جاقسى باستامالاردىڭ ۇيىتقىسى. ءوزارا تاتۋ, ءبىرىن-ءبىرى ءىشتارتا سىيلاعان ءوزى باسقاراتىن «الاتوو» ەتنومادەني بىرلەستىگى مۇشەلەرىن ءبىر كىسىدەي جۇمىلدىرعان ق.گازىبەكوۆ تاعى دا جۇرت ءسۇيسىنگەن جاقسى ءىستى باستاپ كەتتى. ولار بۇل جولى قايىرىمدىلىق شارانى اقتاۋ قالاسىنداعى وتباسى ۇلگىسىندەگى بالالار اۋىلىنىڭ اۋلاسىن اباتتاندىرۋعا ارناپتى.
ءبىز اتالمىش اۋىلعا اتباسىن تىرەگەندە ايىر قالپاقتى قىرعىز اعايىندار كولىكتەن ءتۇپ-ءتۇپ اعاش كوشەتتەرى مەن قۇرال-سايماندارىن ءتۇسىرىپ جاتىر ەكەن. ءاپ-ساتتە 49 بالا تاربيەلەنىپ جاتقان 7 ءۇيدىڭ اۋلاسىنا ءبولىنىپ, جۇمىستى قىزدىرىپ اكەتتى. جاس-كارىسى, ەر مەن ايەل ارالاس 20-شاقتى ادام جۇمىسقا ءبىر كىسىدەي بىلەك سىبانا كىرىستى. جاستار جاعى جەر قازسا, وزگەلەرى شىبىقتى ۇستاپ, ءۇشىنشىسى ءتۇبىن كومىپ دەگەندەي تىرلىكتەرى جاراسىم تابا قالدى. ەڭبەك ىرعاعىن كوزىمەن قاداعالاپ, قاجەتتى جەرىندە ءتيىستى تاپسىرماسىن, اقىل-كەڭەسىن بەرىپ تىنىم تاپپاي جۇرگەن ق.گازىبەكوۆتى سوزگە تارتتىق.
– 50 ءتۇپ راۋشان گ ۇلىن, 25 ءتۇپ جەمىس جانە 25 ءتۇپ جاپىراقتى اعاشتاردى, سيرەن كوشەتتەرىن الىپ كەلدىك. مۇنداعى بالالار اتا-انا قامقورلىعىنسىز قالىپ, تاعدىردىڭ قيىندىعىنا تاپ بولعاندار. الايدا, مەملەكەتىمىز ولاردى اش-جالاڭاش قالدىرماي, تەنتىرەتپەي باعىپ-قاعىپ وسىرۋدە, لايىقتى ءبىلىم الۋدا. ەلباسى نۇرسۇلتان نازارباەۆ باستاعان وسى ادەمى ۇردىسكە ءۇن قوسىپ, قولداۋ كورسەتۋ ماقساتىندا قايىرىمدىلىق شاراسىن وتكىزۋدى, بالالار ءۇيىنىڭ اۋلاسىنا اعاشتار وتىرعىزىپ بەرۋدى دۇرىس دەپ تاپتىق. بۇل شارانى استانا قالاسىندا وتكەن قازاقستان حالقى اسسامبلەياسىنىڭ سەسسياسىنا جانە الدا كەلە جاتقان قازاقستان حالىقتارى ءبىرلىگى كۇنى مەرەكەسىنە ارنايمىز, – دەيدى ول.
وتباسى ۇلگىسىندەگى بالالار اۋىلىن دا – دوستىق ۇياسى دەۋگە بولادى. وسىدان 9 جىل بۇرىن اشىلىپ, وسى جىلدار ءىشىندە 50 بالانى كامەلەتتىك جاسقا تولعان ازامات رەتىندە ۇلكەن ومىرگە قوسقان اۋىلدا قازىر قازاق, ورىس, ازەربايجان, لەزگين بالالارى تاتۋ-ءتاتتى تۇرىپ جاتىر. ولار قىرعىز اعا-اپالارىنا كومەكتەسىپ زىر جۇگىرىپ ءجۇر. اعاش وتىرعىزىپ, ىقىلاس تانىتقان «الاتوو» قىرعىز ەتنو-مادەني بىرلەستىگىنە, قازاقستان حالقى اسسامبلەياسىنىڭ ماڭعىستاۋ وبلىستىق حاتشىلىعىنا العىسىن بىلدىرگەن اتالمىش اۋىل ديرەكتورىنىڭ ورىنباسارى ب.ولجابيقىزى مۇنىڭ ءبارى دوستىقتىڭ, تىنىشتىقتىڭ ناتيجەسى ەكەندىگىن ايتىپ, ەلىمىزدە مەرەكەلى تىرلىكتىڭ ءتىنى سوگىلمەۋىنە تىلەكتەستىگىن ءبىلدىردى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
–––––––––––––––––––––––––
سۋرەتتى تۇسىرگەن
ۆيكتوريا دەكتياروۆا.
