بۇل مەموراندۋم اقپاراتتىق باعىتتاعى ءوزارا ءىس-قيمىلدى ءارى قاراي جەتىلدىرۋ ءۇشىن تاراپتار اراسىندا ىنتىماقتاستىق ورناتۋدى كوزدەيدى. سونداي-اق قۇجاتتا ادام جانە ازامات قۇقىقتارىن قورعاۋ سالاسىندا تاجىريبە الماسۋ, ازاماتتىق جانە مادەنيەتارالىق ديالوگتىڭ ءتيىمدى جولدارىن ازىرلەپ, ولاردى ىسكە اسىرۋ جۇمىستارى دا قامتىلعان.
سونىمەن قاتار مەموراندۋم ەكى تاراپتىڭ ەلىمىزدەگى ادام قۇقىقتارىنا قاتىستى جاعدايلار مەن ەتنوسارالىق احۋال بويىنشا اقپارات الماسۋىنا جول اشادى. سول ارقىلى دەرەكتەرگە مونيتورينگ جۇرگىزۋ جانە ولاردى تالداۋ جۇمىسى جۇرگىزىلمەك. ودان بولەك, اسسامبلەياعا ازاماتتاردان, شەتەلدىكتەردەن, ازاماتتىعى جوق ادامداردان ادام قۇقىقتارىنىڭ بۇزىلۋى تۋرالى وتىنىشتەر كەلىپ تۇسكەن جاعدايدا ادام قۇقىقتارى جونىندەگى ۇلتتىق ورتالىقتى دەرەۋ حاباردار ەتۋ, ادام قۇقىقتارىن قورعاۋ سالاسىندا ءتۇرلى ءىس-شارا وتكىزۋ سياقتى بىرلەسكەن ءىس-قيمىلدار دا قاراستىرىلعان.
مەموراندۋمعا ءوزارا ءىس-قيمىلدىڭ نەگىزگى ماسەلەلەرىن تالقىلاۋ ناتيجەسىندە قول قويىلعانىن اتاپ وتكەن ءجون.
