اقپاراتتار اعىنى

● الماتىلىقتار قازاق­ستان حالقىنىڭ بىرلىگى كۇ­نىن ۆەلوجارىسپەن اتاپ وتە­دى. ءساۋىردىڭ 26-سىندا ۇيىم­داس­تىرىلاتىن شارا سونداي-اق ماۋسىمنىڭ اشىلۋىنا ارنالادى. مارەگە الدىمەن جەتكەندەرگە ەستەلىك سىيلىقتار مەن سىي-سىياپاتتار تاپسىرىلادى. ● شىعىس قازاقستان وبلىسىندا «بولاشاقتىڭ ەنەرگيا­سى» جوباسى كونكۋرسىنىڭ قورىتىندىسى شىقتى. وبلىس اكىمىنىڭ ءبىرىنشى ورىنباسارى ەرمەك كوشەرباەۆتىڭ باسقارۋىنداعى كوميسسيا 86 جوبانى تاڭداپ الدى. ولاردىڭ اراسىنان 21 اتالىم بويىنشا جەڭىمپازدار انىقتالدى. ● سولتۇستىك قازاقستاندا بيىل جاستار تاجىريبەسىنە 1,6 ملن. تەڭگە قارجى ءبولىندى.  جاستار ءىسى جونىندەگى باسقارما باسشىسى ۆ.مولودوۆسكيدىڭ ايتۋىنشا, ايماقتا ۇستىمىزدەگى جىلى 53 الەۋمەتتىك ماڭىزدى جوبانى ىسكە اسىرۋ جوسپارلانسا, ولاردىڭ 12-ءسىن جاستار ساياساتى جونىندەگى باسقارما جۇزەگە اسىرادى. ● پاۆلوداردا شاكەن ايمانوۆتىڭ 100 جىلدىعىنا ارنالعان كينو اپتالىعى باس­تالدى. وبلىس ورتالىعىندا وسىعان وراي 21-25 ءساۋىر كۇندەرى  «تاقيالى پەرىشتە», «جامبىل», «اتاماننىڭ اقىرى» سياقتى فيلمدەر كورسەتىلەدى. اپتالىقتىڭ جابىلۋىندا ەستاي اتىنداعى قالالىق مادەنيەت سارايىندا كينوكونتسەرت وتەدى. وعان وتاندىق كينو ونەرىنىڭ تانىمال تۇلعالارى قاتىسادى. ● قاراعاندى وبلىسىنداعى كوكپەكتى تۇرعىندارىنا كومەك رەتىندە 90 ملن. تەڭ­گە جينالدى. وبلىس اكى­مىنىڭ ءباسپاسوز قىزمەتى حابار­لا­عانداي, قازىر 330 وتباسىنا گۋ­ما­ني­تارلىق جاردەم بەرىل­گەن. تاعى 14 وتباسى جاتاقحا­ناعا ورنا­لاس­تىرىلعان. سول سياقتى 2 وت­با­سىعا ۋاقىتشا پاتەر ۇسى­نىلعان. ● وڭتۇستىك قازاقستاندا ءبىر كۇن ىشىندە 1600-دەن استام كوشەت وتىرعىزىلدى. ورمان كۇنىنە وراي «سايرام-وگەم» ۇلتتىق تابيعي پاركىنىڭ 4 گەكتارلىق اۋماعى جەمىس اعاشتارىنىڭ وسكىندەرىمەن تولىقتى. شاراعا ورمان قورى جەرىنە ىرگەلەس جاتقان اۋىل ازاماتتارى مەن مەكتەپ وقۋشىلارى, ۇلتتىق پارك قىزمەتكەرلەرى قاتىستى. ● قوستاناي وبلىسىنىڭ ىشكى ىستەر سالاسىنا بىردەن 114 وفيتسەر مەن سەرجانت قىزمەتكە الىندى. وسىلايشا وبلىستا ءتارتىپ ساقشىلارى كادرلىق قىزمەتكەرلەرىنىڭ تاپشىلىعى بەس ەسەگە ازايدى. جالپى, ۇمىتكەرلەر اراسىنان 600 ادام تالاپقا ساي كەلمەگەندىكتەن, وتپەي قالدى. دەپارتامەنت ءباسپاسوز قىزمەتىندە اتاپ وتكەندەي, كەزەكتەن تىس اتتەس­تاتتاۋدان كەيىن جەرگىلىكتى قۇقىقتىق ءتارتىپ ورگاندارىندا كادرلار جەتىسپەۋشىلىگى 500-دەن استام بىرلىكتى قۇراعان. ● جايىق-كاسپي باس­سەي­نىنىڭ سۋ ايدىنىندا 230 كگ قورتپا بالىعى ۇستالدى. قورشاعان ورتا جانە سۋ رەسۋرستارى مينيسترلىگىنىڭ باس­پاسوز قىزمەتى ءمالىم ەتكەندەي, ايماقتا  «بەكىرە-2014» اكتسيا­سى باستالعالى بەرى جالپى سال­ماعى 1112 كگ قۇراعان 33 بەكىرە تۇقىمداس بالىق اۋلاندى. BNews.kz, Alau.kz, Altaynews.kz, Egemen.kz اقپارلارى, وبلىستىق اكىمدىكتەر سايتتارى بويىنشا دايىندالدى.