بلوگشىلار شىمكەنت قالاسىمەن تانىستى

  وڭتۇستىك قازاقستان وبلىسى اكىمدىگىنىڭ قولداۋىمەن, وبلىستىق جاستار ساياساتى باسقارماسى مەن "وڭتۇستىكتىڭ كرەاتيۆ جاستارى" قوعامدىق بىرلەستىگىنىڭ ۇيىمداستىرۋىمەن بىر توپ بلوگشىلار شىمكەنت قالاسىندا بولىپ قايتتى. شارا بارىسىندا شىمكەنت قالاسىنىڭ كورنەكى جەرلەرىمەن قاتار, "بال تەكستيل", "Oxy textille" ءوندىرىس ورىندارىندا, جاڭادان بوي كوتەرگەن "وتىرار" كىتاپحاناسىندا, "بايدىبەك بابا" ەسكەرتكىشى, "تاۋەلسىزدىك الاڭى", "ورداباسى الاڭى" سەكىلدى قالا كوركىنە كورىك قوسىپ وتىرعان ورىندارمەن تانىستى. وبلىس اكىمىنىڭ ءباسپاسوز حاتشىسى بەرىك ءۋالي جوعارىدا اتالعان ءوندىرىس ورىندارى سەكىلدى كاسىپورىنداردىڭ اسەرىنەن جالپى وڭىرلىك ءونىم 4 جىلدا 2 ەسەگە كوتەرىلىپ, 10 ورىننان 5 ورىنعا, جەرگىلىكتى بيۋدجەت كىرىستەرى - 2013 جىلى 1,7 پايىزعا, ينۆەستيتسيا - 1,9 ەسەگە, اۋىل شارۋشىلىعى ونىمدەرى - 2,2 ەسەگە, ونەركاسىپ ءونىمىنىڭ كولەمى 2 ەسەگە وسكەنىن, تەك بۇل ەمەس, 3 جىلدا 71,8 000 ادام جۇمىسپەن قامتىلىپ, جاستار اراسىنداعى جۇمىسسىزدىق دەڭگەيى 6,3 پايىزدان 3,5 پايىزعا تومەندەگەنىن حابارلادى. 19 ساۋىردە جۋرناليستتەر مەن بلوگشىلار جانە جاستار ۇيىمدارى اراسىندا شاعىن فۋتبولدان تۋرنير ءوتتى. ويىن ناتيجەسىندە وتىرار تەلەارناسى - 1, وقو اكىمدىگىنىڭ ءباسپاسوز قىزمەتى - 2, وڭتۇستىك قازاقستان وبلىسىنىڭ جاستار باسقارماسى 3 ورىن الدى. دانيار الان.