وقۋ ورداسىنىڭ ۇجىمى مەن ستۋدەنتتەرىمەن كەزدەسۋ بارىسىندا دەپۋتاتتار رەسپۋبليكالىق رەفەرەندۋمنىڭ ماڭىزى جانە كونستيتۋتسياعا ەنگىزۋگە ۇسىنىلعان وزگەرىستەر مەن تولىقتىرۋلار تۋرالى قاتىسۋشىلارعا ايتىپ بەردى.
«جاڭعىرۋ رەفورمالارىن ىسكە اسىرۋدا جانە مەملەكەتتى ودان ءارى دامىتۋدا جاس ۇرپاق ءرولىنىڭ ماڭىزى اسا زور. 27 جىل ىشىندە ءولىم جازاسىنا العاش رەت تولىقتاي تىيىم سالۋ, كونستيتۋتسيالىق سوت قۇرۋ, ءماجبۇرلى ەڭبەك ماسەلەلەرىن رەتتەۋ جانە باسقا دا مەملەكەتتەگى ماڭىزدى ماسەلەلەر قازاقستان ازاماتتارىنىڭ پىكىرىن ەسكەرە وتىرىپ شەشىلەتىن بولادى», دەدى كوميتەت توراعاسى ۆلاديمير ۆولكوۆ.
كوميتەت حاتشىسى قاناتبەك سافينوۆ جەرگە مەنشىك قۇقىعىنا قاتىستى تۇزەتۋ تۋرالى كەزدەسۋگە قاتىسۋشىلاردى حاباردار ەتتى جانە باسقا دا ۇسىنىلىپ وتىرعان وزگەرىستەر قازاقستاندىقتاردىڭ ءومىر ءسۇرۋ ساپاسىن جاقسارتۋعا باعىتتالعانىن اتاپ ءوتتى.
«رەفەرەندۋم – بۇل كونستيتۋتسيالىق قۇقىعىڭدى ءوز بولاشاعىڭدى تاڭداۋعا پايدالانۋدىڭ مۇمكىندىگى. سىزدەر, جاس ازاماتتار ءۇشىن رەفەرەندۋمعا قاتىسۋ تاريحي وقيعا», دەپ اتاپ ءوتتى سەناتور اندرەي لۋكين.
سەناتورلار كەزدەسۋ قورىتىندىسى بويىنشا الداعى رەفەرەندۋمعا عانا ەمەس, جۇرگىزىلىپ جاتقان رەفورمالارعا دا بەلسەندى قاتىسۋعا شاقىردى جانە ۋنيۆەرسيتەت ستۋدەنتتەرىنىڭ سۇراقتارىنا جاۋاپ بەردى.
سەنات دەپۋتاتى اقمارال ءالنازاروۆا ەلوردالىق مەديتسينا ۋنيۆەرسيتەتىنىڭ ستۋدەنتتەرىمەن جانە ۇجىمىمەن كەزدەسىپ, بولاشاق دارىگەرلەرمەن بىرگە كونستيتۋتسياعا ەنگىزىلەتىن تۇزەتۋلەردى تالقىلادى.
سەناتور كەزدەسۋگە قاتىسۋشىلارعا كونستيتۋتسياعا ەنگىزىلەتىن وزگەرىستەر مەن تولىقتىرۋلار تۋرالى ايتىپ, الداعى رەفەرەندۋمدى وتكىزۋ ماسەلەلەرىن تالقىلادى.
«كونستيتۋتسياعا ەنگىزۋ كوزدەلىپ وتىرعان وزگەرىستەر قازاقستاندا تاريحي وقيعا جانە ەل ازاماتتارىنىڭ كوپ جىلعى تالاپتارى بولىپ وتىر. وسىعان بايلانىستى حالىقتىڭ مەملەكەتتى باسقارۋعا تىكەلەي قاتىسۋىنا اكەلەتىن وزگەرىستەر وتە كوپ», دەدى اقمارال ءالنازاروۆا.
ول سونىمەن قاتار مەديتسينالىق سالا قىزمەتكەرلەرى مەن ستۋدەنت جاستاردىڭ رەفەرەندۋمعا بەلسەندى قاتىسۋىنىڭ ماڭىزدىلىعىن اتاپ ءوتىپ, جۇرگىزىلىپ جاتقان كونستيتۋتسيالىق رەفورمادا كوتەرىلگەن ماسەلەلەردىڭ زور اۋقىمىنا قاتىسۋشىلاردىڭ نازارىن اۋداردى.
ۋنيۆەرسيتەت ستۋدەنتتەرى مەن وقىتۋشىلارى ءوز كەزەگىندە رەسپۋبليكالىق رەفەرەندۋمعا قاتىسۋعا دايىن ەكەندىكتەرىن ءبىلدىرىپ, كونستيتۋتسياعا ەنگىزىلەتىن تۇزەتۋلەردى قولدايتىندارىن ايتتى.
