وبلىستىق ءبىلىم باسقارماسىنىڭ ايماقتىق دەنە تاربيەسى مەتوديكالىق ورتالىعى ۇيىمداستىرعان سايىسقا وبلىس اۋداندارىنان 38 كوماندا قاتىسىپ, باقتارىن سىنادى. ورتالىق بەكىتكەن تورەشىلەر القاسى كوماندالار ويىنىنا باعا بەردى.
مەكتەپ وقۋشىلارى اراسىندا ۇزدىك قۇرامانى انىقتاپ, جاس جەتكىنشەكتەردى دەنە تاربيەسى جانە ۇلتتىق سپورت تۇرلەرىمەن تۇراقتى شۇعىلدانۋعا بەيىمدەۋدەن بولەك سپورت رەزەرۆتەرىن دايىنداپ, سپورتشىلار شەبەرلىگىن ارتتىرۋدى ماقسات ەتكەن سايىستىڭ جوعارى دەڭگەيدە وتۋىنە «قامباش» وليمپيادالار جانە قوسىمشا ءبىلىم بەرۋ ورتالىعىنىڭ دا قوسقان ۇلەسى ۇلكەن.
توعىزقۇمالاق, لاڭگى تەبۋ, بۇقا تارتىس, جاياۋ جارىس, مەرگەندىك سىناۋ, اسىق اتۋ, بەس اسىق, ارقان تارتۋ, شوقپارلاسۋ, گىر تاسىن كوتەرۋ, قول كۇرەس سەكىلدى 11 جارىستىڭ باسىن قوسقان سپارتاكيادا قاتىسۋشىلارى كومانداسىن جەڭىسكە جەتكىزۋ ءۇشىن بارىن سالدى.
ەكى كۇندىك جارىس ناتيجەسىندە ءبىرىنشى ورىندى قازالى اۋدانى كومانداسى السا, ەكىنشى ورىنعا ارالدىقتار, ال ءۇشىنشى ورىن تۇعىرىنا قارماقشىلىق وقۋشىلار كوتەرىلدى.
قىزىلوردا
