ايماقتار • 31 مامىر، 2022

ەل دامۋىنىڭ جاڭا كەزەڭى

17 رەت كورسەتىلدى

پارلامەنت ءماجىلىسىنىڭ دەپۋتاتى ەدىل جاڭبىرشين ماڭعىستاۋ وڭىرىندەگى ساپارى بارىسىندا تەمىرجولشىلارمەن كەزدەستى.

دەپۋتاتتىڭ ايتۋىنشا، جۇرەگى ەلىم، جەرىم، حالقىم دەپ سوعاتىن ءاربىر ازامات كونستيتۋتسيالىق وزگەرىستەردى تالقىلاۋعا بەلسەنە ارالاسىپ، رەفەرەندۋمعا قاتى­سىپ، ءوز تاڭداۋىن جاساۋى كەرەك.

تەمىرجولشىلار وزدەرىن تولعاندىرعان سۇراقتاردى العا تارتىپ، اتا زاڭعا ەنگىزى­لەتىن وزگەرىستەردىڭ جەكەلەگەن باپتارى بويىنشا ورتاق پىكىرلەرىن ايتتى.

وسى كۇنى ءماجىلىس دەپۋتاتى ءاليا ابسە­مەتوۆا جامبىل اۋدانى اقسەڭگىر اۋىلى­نىڭ تۇرعىندارىمەن كەزدەستى.

دەپۋتاتتىڭ پىكىرىنشە، رەفەرەندۋم وت­كىزۋ  – حالىققا دەگەن سەنىمنىڭ، ازاماتتاردى مەم­لەكەتتىك باسقارۋ ىسىنە كەڭى­نەن تارتۋ­دىڭ ايقىن بەلگىسى. ءوز كەزەگىن­دە اقسەڭگىر اۋىل­دىق وكرۋگى اقساقالدار كەڭەسىنىڭ توراعا­سى تۇرسىنعالي سارىباەۆ قازاق­ستاننىڭ بولاشاعىن ايقىندايتىن، ويىمىزدى اشىق جەتكىزۋگە مۇمكىندىك بەرەتىن رەفەرەندۋمدى تولىق قولدايمىز دەگەن پىكىر ءبىلدىردى.

سونداي-اق ءماجىلىس دەپۋتاتى دميتري كولودا وسى كۇنى سولتۇستىك قازاقستان وبلى­سى­­نا بارىپ، پەتروپاۆل قالاسىندا زاۋىت جۇ­مىس­شىلارمەن كەزدەسىپ، كونس­تيتۋتسيالىق رەفورما توڭىرە­گىندە مازمۇندى اڭگىمە ءوربىتتى.

س.كيروۆ اتىنداعى زاۋىت – كونە كاسىپ­ورىن­داردىڭ ءبىرى. زاماناۋي تەحنيكالىق قۇرالداردى وندىرەدى. كاسىپورىندا 500 ادام ەڭبەك ەتەدى، ولار كونستي­تۋ­تسيا­لىق تۇزەتۋ­لەرمەن تولىق­تاي تانىسقاندارىن جانە قولداي­تىندارىن ايتىپ، رەفەرەندۋمعا قىزىعۋشىلىق تانىتتى.

ايماقتارعا ساپار بارىسىندا دەپۋتاتتار رەفەرەندۋم قازاقستان دامۋىنىڭ جاڭا كەزەڭىندەگى تاريحي وقيعا ەكەنىن ايتىپ، ەل تۇرعىندارىن بەلسەنە قاتىسۋعا شاقىردى.

سوڭعى جاڭالىقتار

دوللار ارزاندادى

ەكونوميكا • بۇگىن، 16:52

قوسشىدا جاڭا مەكتەپ اشىلادى

ءبىلىم • بۇگىن، 16:25

ۇقساس جاڭالىقتار