ەكسپورتتىق الەۋەت ارتۋدا

اقمولا وبلىسىندا 243 شارۋا جانە فەرمەر مەملەكەتتىك «سىباعا» باعدارلاماسىنا قاتىسۋدا. بۇل تۋرالى وبلىس اكىمىنىڭ ءبىرىنشى ورىنباسارى راشيت اكىموۆ مال شارۋاشىلىعىن دامىتۋ باعدارلاماسىنىڭ ورىندالۋ بارىسى تۋرالى وتكىزگەن سەلەكتورلىق كەڭەستە كەڭىنەن ايتىلدى. وبلىستىڭ اۋىلشارۋاشىلىق قۇرى­لىم­دارىندا مال باسى سانىنىڭ ارتۋى مەن ونىڭ ساپالىق كورسەتكىشتەرىنىڭ جاقسارۋ ءۇردىسى بايقالادى. بىلتىر قولدا بار ەت باعىتىنداعى شەتەلدىك سەلەكتسياداعى 11,6 مىڭ باس ءىرى قارا مالعا قوسىمشا تاعى دا 593 اسىل تۇقىمدى مال اكەلىنگەن. وسىعان بايلانىستى اسىلداندىرۋ ءىسىن جەرگىلىكتى ءتول ەسەبىنەن مولايتۋ ماقساتىندا 19 شارۋاشىلىق قۇرىلىپ, جۇمىس ىستەۋدە. بۇل باعىتتاعى قىزمەتتىڭ قايتارىمىن 2013 جىلى وبلىس شارۋاشىلىقتارىنا جانە رەسپۋبليكانىڭ باسقا وڭىرلەرىنە 1,5 مىڭ باس اسىل تۇقىمدى ءتول ساتىل­عانىنان كورۋگە بولادى. كەشەندى جوسپارعا سايكەس, وبلىس­تا 13,5 مىڭ باسقا دەيىن مال ۇستاۋعا لايىقتالعان 5 بورداقىلاۋ الاڭى قۇرىل­دى (ەڭبەكشىلدەر اۋدانىنىڭ «KazBeef LTD»جشس, قورعالجىن اۋدانىنىڭ «اگرو ەكسپەرت لتد» جشس, جاقسى اۋدانىنىڭ «نوۆوكيەنكا» جشس, اتباسار اۋدانىنىڭ «باستاۋ» جشس, استراحان اۋدانىنىڭ «كولۋتون-04» جشس). سونداي-اق, بۇل ىسكە شارۋا جانە فەرمەرلىك قوجالىقتاردى كەڭىنەن تارتۋ اۋىل ءومىرىن جاقسارتۋعا ىقپال ەتكەنىن اتاپ ءوتۋ قاجەت. وبلىس باسشىلىعى بۇل رەتتە, ءىرى قارا سانىن 17,2 مىڭ باسقا كوبەيتۋدى كوزدەپ, بۇل ىسكە كەمىندە 230 شارۋا قوجالىعىن تارتۋدى جوسپارلاعان. جەرگىلىكتى بيلىك پەن «سىباعا» باعدارلاماسىنىڭ قولداۋى ناتيجەسىندە, بيىل وبلىستاعى 243 شارۋا قوجالىعى 15300 سيىرعا كۇتىم جاساۋدا. باقبەرگەن امالبەك, «ەگەمەن قازاقستان». اقمولا وبلىسى.