الماتى قالاسى – دوستىق پەن بىرلىكتىڭ, تاتۋلىق پەن تۇراقتىلىقتىڭ التىن بەسىگىنە اينالعان قۇت مەكەن. قازاق ەلىنىڭ رۋحاني, ەكونوميكالىق جانە ىسكەرلىك استاناسى عانا ەمەس, بۇل شاھار حالىقارالىق بايلانىستار مەن جىلى قارىم-قاتىناستىڭ وشاعى رەتىندە دە قالىپتاسىپ, تالاي تاريحي شارالاردىڭ باستاۋى دا بولىپ كەلەدى.
تاتۋلىق پەن باۋىرلاستىقتى تۋ ەتكەن الماتى قالاسىنداعى حالىقارالىق باسقوسۋلار مەن ۇلتارالىق ءوزارا ۇنقاتىسۋ شارالارى ۇنەمى قالا تورىندەگى دوستىق ۇيىندە جوعارى دەڭگەيدە جۇزەگە اسىپ جاتادى. قازاق ەلىمەن رۋحاني بايلانىستاعى وزگە مەملەكەتتەردىڭ تۋلارى ساپ تۇزەي تىگىلگەن ەڭسەلى شاڭىراققا الەمنىڭ ءار تۇكپىرىنەن كەلگەن قۇتتى قوناقتار اتباسىن تىرەپ, وسى كيەلى وردانىڭ مىنبەرىنەن بەيبىتشىلىك پەن ىنتىماقتىڭ ماقساتتى اڭگىمەسى جەر-جاھانعا تاراپ جاتادى. ءارتۇرلى ۇلتتىڭ وكىلدەرى شۇرقىراي تابىسىپ, ارقايسىسى ءوز انا تىلىندە سويلەسە دە, بارلىعىنىڭ جۇرەگىنەن قازاقتاي قاسيەتتى ەلدىڭ كەڭ قۇشاعى مەن كۇللى الەمگە ناسيحات بولعان بەيبىت تىرلىگى, ادامزات بالاسىن بىرلىككە, تىرلىككە شاقىرعان اقجارما پەيىلى تۇيدەك-تۇيدەگىمەن تىلەككە اينالىپ تىڭداۋشىسىنا جەتىپ جاتادى.
الاتاۋدىڭ اياسىندا ورنالاسقان دوستىق ءۇيى 1972 جىلى ساۋلەتشىلەر ر.سەيدالين, ل.تيمچەنكو مەن ح.ياكۋپباەۆتىڭ جوباسى بويىنشا سالىنعان ەكەن. 1974 جىلى جوباعا قازاق كسر مەملەكەتتىك سىيلىعى بەرىلىپتى. اتالمىش عيماراتتا قازاقستان حالقى اسسامبلەياسىنىڭ باسشىلىق ورگاندارى, 19 ەتنومادەني بىرلەستىكتىڭ كەڭسەسى, مەملەكەتتىك جانە تۋعان تىلدەرىن وقىتۋمەن اينالىساتىن 9 جەكسەنبىلىك مەكتەپ ورنالاسقان. حالىقارالىق ءمانى زور كەزدەسۋلەر مەن ماڭىزدى كەلىسسوز جۇرگىزۋ ءىسى دە وسى جەردە وتكىزىلىپ تۇرادى.
2006 جىلدىڭ 29 جەلتوقسانىندا «دوستىق ءۇيى» رمك بازاسىندا ۇلتارالىق قاتىناستار پروبلەماسىن زەرتتەۋ ورتالىعى قۇرىلىپ, الەمدىك تاجىريبەگە ۇلكەن ۇلەس قوسارلىق ماڭىزدى زەرتتەۋلەر جاسالىپ, يگى شارالار رەتى قالىپتاستى. ۇلتارالىق قاتىناستار پروبلەماسىن زەرتتەۋ ورتالىعى قازاقستان حالقىنىڭ تىلدەرى مەن مادەنيەتىن جانداندىرۋ جونىندەگى الەۋمەتتىك باعدارلامالاردى جۇزەگە اسىرۋعا, ۇلتارالىق قاتىناستار مەن قوعامداعى ەتنومادەني بايلانىستاردى نىعايتۋ ماسەلەلەرى بويىنشا عىلىم مەن مادەنيەت سالاسىندا عىلىمي-زەرتتەۋ قىزمەتىن جۇرگىزۋگە اتسالىسىپ كەلەدى.
كۇنى بۇگىن دوستىق ۇيىندە ءارتۇرلى ەتنوس وكىلدەرىنىڭ قاتىسۋىمەن مەملەكەتتىك ءتىل بويىنشا جىل سايىن فەستيۆالدار, كونفەرەنتسيالار, بايقاۋلار مەن دوڭگەلەك ۇستەلدەر جانە مادەني شارالار وتكىزىلەدى.
قانات ەسكەندىر,
«ەگەمەن قازاقستان».
الماتى.
تاتۋلىق پەن باۋىرلاستىقتى تۋ ەتكەن الماتى قالاسىنداعى حالىقارالىق باسقوسۋلار مەن ۇلتارالىق ءوزارا ۇنقاتىسۋ شارالارى ۇنەمى قالا تورىندەگى دوستىق ۇيىندە جوعارى دەڭگەيدە جۇزەگە اسىپ جاتادى. قازاق ەلىمەن رۋحاني بايلانىستاعى وزگە مەملەكەتتەردىڭ تۋلارى ساپ تۇزەي تىگىلگەن ەڭسەلى شاڭىراققا الەمنىڭ ءار تۇكپىرىنەن كەلگەن قۇتتى قوناقتار اتباسىن تىرەپ, وسى كيەلى وردانىڭ مىنبەرىنەن بەيبىتشىلىك پەن ىنتىماقتىڭ ماقساتتى اڭگىمەسى جەر-جاھانعا تاراپ جاتادى. ءارتۇرلى ۇلتتىڭ وكىلدەرى شۇرقىراي تابىسىپ, ارقايسىسى ءوز انا تىلىندە سويلەسە دە, بارلىعىنىڭ جۇرەگىنەن قازاقتاي قاسيەتتى ەلدىڭ كەڭ قۇشاعى مەن كۇللى الەمگە ناسيحات بولعان بەيبىت تىرلىگى, ادامزات بالاسىن بىرلىككە, تىرلىككە شاقىرعان اقجارما پەيىلى تۇيدەك-تۇيدەگىمەن تىلەككە اينالىپ تىڭداۋشىسىنا جەتىپ جاتادى.
الاتاۋدىڭ اياسىندا ورنالاسقان دوستىق ءۇيى 1972 جىلى ساۋلەتشىلەر ر.سەيدالين, ل.تيمچەنكو مەن ح.ياكۋپباەۆتىڭ جوباسى بويىنشا سالىنعان ەكەن. 1974 جىلى جوباعا قازاق كسر مەملەكەتتىك سىيلىعى بەرىلىپتى. اتالمىش عيماراتتا قازاقستان حالقى اسسامبلەياسىنىڭ باسشىلىق ورگاندارى, 19 ەتنومادەني بىرلەستىكتىڭ كەڭسەسى, مەملەكەتتىك جانە تۋعان تىلدەرىن وقىتۋمەن اينالىساتىن 9 جەكسەنبىلىك مەكتەپ ورنالاسقان. حالىقارالىق ءمانى زور كەزدەسۋلەر مەن ماڭىزدى كەلىسسوز جۇرگىزۋ ءىسى دە وسى جەردە وتكىزىلىپ تۇرادى.
2006 جىلدىڭ 29 جەلتوقسانىندا «دوستىق ءۇيى» رمك بازاسىندا ۇلتارالىق قاتىناستار پروبلەماسىن زەرتتەۋ ورتالىعى قۇرىلىپ, الەمدىك تاجىريبەگە ۇلكەن ۇلەس قوسارلىق ماڭىزدى زەرتتەۋلەر جاسالىپ, يگى شارالار رەتى قالىپتاستى. ۇلتارالىق قاتىناستار پروبلەماسىن زەرتتەۋ ورتالىعى قازاقستان حالقىنىڭ تىلدەرى مەن مادەنيەتىن جانداندىرۋ جونىندەگى الەۋمەتتىك باعدارلامالاردى جۇزەگە اسىرۋعا, ۇلتارالىق قاتىناستار مەن قوعامداعى ەتنومادەني بايلانىستاردى نىعايتۋ ماسەلەلەرى بويىنشا عىلىم مەن مادەنيەت سالاسىندا عىلىمي-زەرتتەۋ قىزمەتىن جۇرگىزۋگە اتسالىسىپ كەلەدى.
كۇنى بۇگىن دوستىق ۇيىندە ءارتۇرلى ەتنوس وكىلدەرىنىڭ قاتىسۋىمەن مەملەكەتتىك ءتىل بويىنشا جىل سايىن فەستيۆالدار, كونفەرەنتسيالار, بايقاۋلار مەن دوڭگەلەك ۇستەلدەر جانە مادەني شارالار وتكىزىلەدى.
قانات ەسكەندىر,
«ەگەمەن قازاقستان».
الماتى.
