گەوساياسي وقيعالاردىڭ اۋەل باسىندا جەلىلەر ەۋروپا, بەلارۋس جانە رەسەي ارقىلى لوگيستيكالىق تىزبەكتەردىڭ بۇزىلۋ ماسەلەسىن بولجادى. قازاقستان ەكونوميكاسى رەسەيمەن تىعىز ينتەگراتسيالانعان. يمپورتتىڭ باسىم بولىگى ەل اۋماعىنا رەسەي پورتتارى نەمەسە ەۋروپا ارقىلى اۆتوجولدارمەن كىرەدى. سانكتسيالار كۇشىنە ەنە باستاعاندا كوپتەگەن تاسىمالداۋشى رەسەي ارقىلى ءترانزيتتى توقتاتتى. ويتكەنى ساۋدا جەلىلەرى تاۋار الۋعا بايلانىستى قيىندىقتارعا دۋشار بولۋدان سەسكەندى. ماسەلەن, وسى جىلدىڭ ناۋرىز ايىندا تەڭىز, تەمىرجول جانە اۆتوموبيل جولدارى ارقىلى جەتكىزىلەتىن كەيبىر تەحنيكانىڭ جەتىسپەۋشىلىگىنە تاپ بولامىز دەپ كۇدىكتەندىك.
«قازىرگى تاڭدا دا لوگيستيكاداعى جاعداي كۇردەلى. بىراق نارىق قازىرگى ناقتى جاعدايعا بەيىمدەلىپ كەلەدى. تاۋارلاردىڭ 70-75%-عا دەيىنگى ۇلەسى قازاقستانداعى جەتكىزۋشىلەردىڭ قويمالارىنان الىنادى. تاۋاردىڭ ءبىر بولىگىن ءبىز DDP جانە CIP جەتكىزۋ شارتتارىندا الامىز, ياعني جەتكىزۋشى بىزگە تاۋاردى قويماعا ءوزى جەتكىزەدى. ەگەر كورشى مەملەكەتكە قاتىستى ەنگىزىلگەن سانكتسيالار تۋرالى ايتاتىن بولساق, بۇل ءبىزدىڭ قورجىنىمىزدا ماڭىزدى شامادا ۇلەسكە يە قىتايدان كەلەتىن جۇكتەردىڭ تاريفتىك قۇنى مەن ترانزيتتىك ۋاقىتىنا اسەر ەتكەن جوق. ايتا كەتۋ كەرەك, اقپان جانە ناۋرىز ايلارىمەن سالىستىرعاندا, بۇل باعىتتاعى تاريفتەر ەلەۋلى شامادا تومەندەدى. رەسەيدەن دە تاۋارلار ەشبىر قيىندىقسىز جەتكىزىلەدى, ءبىز بۇل ونىمدەرگە دەگەن تاپشىلىقتى سەزبەيمىز. ءبىز سونداي-اق ەۋروپادان «ەسكى» باعامەن تاۋار اكەلىپ ۇلگەردىك, كۇرت تاپشىلىق جوق. ەۋروپادان اكەلىنەتىن تاۋارلارعا تاريفتەر 30-دان 50%-عا دەيىن ءوستى, تاريفتەرگە باعامنىڭ ۇلكەن قۇبىلمالىلىعى اسەر ەتتى, قازىر جاعداي ءبىرشاما تۇزەلدى جانە مولشەرلەمەلەر تۇراقتاندى. سونداي-اق قيىندىق رەسەي جانە بەلارۋس نومىرلەرىنە يە كولىكتەردىڭ ەو اۋماعىنا كىرگىزىلمەۋىنەن كورىنەدى. ويتكەنى ولار ەەك پەن ەو اراسىنداعى جۇك تاسىمالىنىڭ نەگىزگى كولەمىن جۇزەگە اسىرۋشى ەدى. قازاقستان باعىتىندا قازاقستاندىق جانە قىرعىز نومىرلەرى بار ماشينالار فراحتالادى, بىراق بۇل كولىكتەر پاركى قاجەتتىلىكتى تولىق وتەي الاتىنداي ۇلكەن دارەجەدە ەمەس. الايدا جوعارىدا ايتىپ وتكەنىمدەي, لوگيستيكالىق كومپانيالار بەيىمدەلىپ كەلەدى جانە اۆتوكولىك پاركى ۇلعايا تۇسۋدە.
جالپى العاندا, تاۋاردىڭ كۇرت تاپشىلىعى سەزىلمەيدى, تاۋاردى جەتكىزۋ بويىنشا بارلىق سۇرانىستاردى جاۋىپ وتىرمىز. اعىمداعى گەوساياسي جاعداي جەتكىزۋشىلەردىڭ كەز كەلگەن باعىتتان تاۋارلار جەتكىزۋىنە ەلەۋلى اسەر ەتە قويعان جوق. وسىنداي تەحنيكانىڭ اراسىندا تەلەديدارلار, توڭازىتقىشتار, پليتالار مەن تۇمشاپەشتەر, كىر جۋعىش ماشينالار بار. ارينە, قازاقستاندىقتار ايفونسىز قالمايدى. ۇساق جانە قىمبات جابدىقتار بۇرىن دا اۋە قاتىناسى ارقىلى جەتكىزىلىپ كەلگەن. سوندىقتان مۇندا ەشنارسە وزگەرە قويعان جوق», دەيدى Evrika كومپانياسىنىڭ لوگيستيكا جونىندەگى ديرەكتورى ۆلاديمير تاتارينوۆ.
الماتى
