قازاقستاندا مەملەكەتتىك ورگانداردا پەرسونالدى باسقارۋ جۇيەسىن اۆتوماتتاندىرۋدا نيدەرلاندىنىڭ P-Direkt كومپانياسىنىڭ تاجىريبەسى پايدالانىلاتىن بولادى. بۇل تۋرالى egemen.kz ءتىلشىسى حابارلادى.
مۇنىڭ جايى بۇگىن, 17 ءساۋىر كۇنى استانادا «مەملەكەتتىك قىزمەت سەكتورىندا ادامي رەسۋرستاردى باسقارۋدىڭ اۆتوماتتاندىرىلعان جۇيەلەرى» تاقىرىبىندا وتكەن سەمينار بارىسىندا بەلگىلى بولدى. مەملەكەتتىك قىزمەت ىستەرى اگەنتتىگى مەن ەۋروپا وداعى «قازاقستان ۇكىمەتى مەملەكەتتىك قىزمەت رەفورماسى جانە مودەرنيزاتسياسى»
جوباسىنىڭ قولداۋىمەن وتكىزىلگەن سەميناردا اگەنتتىك توراعاسى ءاليحان بايمەنوۆ وسىنىڭ جاىن ءسوز ەتتى.
«مەملەكەتتىك قىزمەتتە زاماناۋي تەحنولوگيالاردى پايدالانۋدا ءبىزدىڭ ەلىمىز الەمدەگى وزىق تاجىريبەلەردى زەردەلەۋدە. بۇل رەتتە نيدەرلاندى ۇكىمەتى ەڭ الدىڭعى ورىندا. سول سەبەپتەن دە, ءبىزدىڭ ماماندارىمىز نيدەرلاندىعا بارىپ, P-Direkt مەملەكەتتىك كومپانياسىنىڭ جۇمىسىن زەرتتەپ, مىنە بۇگىن بارلىق مينيسترلىكتەردىڭ پەرسونالدى باسقارۋ قىزمەتتەرىنىڭ وكىلدەرىن جيناپ, مەملەكەتتىك ورگانداردا وسى «ە-قىزمەت» جۇيەسى قالاي دامۋى كەرەك, ول نە بەرەدى, قانداي ارتىقشىلىقتارى بار دەگەن باعىتتا سەمينار وتكىزدىك» دەدى ءاليحان بايمەنوۆ.
مەملەكەتتىك قىزمەتتە ادام رەسۋرستارىن ۇنەمدەپ, ولاردى مازمۇندى جۇمىسقا باعىتتاۋعا مۇمكىندىك بەرەتىن «ە-قىزمەت» جوباسىن ەنگىزۋدىڭ دايىندىق جۇمىستارى ەلىمىزدە وسىدان 3 جىل بۇرىن قولعا الىنعان بولاتىن. قازىرگى كەزەڭدە نەگىزگى دايىندىقتىڭ سوڭعى كەزەڭى وتۋدە, ال 2015 جىلدان باستاپ, پيلوتتىق رەجىمدە وسى قىزمەت ەنە باستايدى.
انار تولەۋحانقىزى.
دەرەككوز: egemen.kz.
فوتو: قازاقپارات.
