كۇنى كەشە پارلامەنت سەناتىنىڭ دەپۋتاتى اقىلبەك كۇرىشباەۆ پەن «قازاق قىزى» قوعامدىق ۇيىمىنىڭ توراعاسى قاراقات ابدەن جوعارى كولىك جانە كوممۋنيكاتسيا كوللەدجىنىڭ قىزمەتكەرلەرى جانە ستۋدەنتتەرىمەن كەزدەسىپ, «رەفەرەندۋم – دەموكراتيالىق قوعامنىڭ ماڭىزدى قۇرالى» تاقىرىبى توڭىرەگىندە اڭگىمە ءوربىتتى.
كەزدەسۋ بارىسىندا ەلورداداعى تەحنيكالىق جانە كاسىپتىك ءبىلىم بەرۋ مەكەمەلەرى ديرەكتورلار كەڭەسىنىڭ توراعاسى, كونستيتۋتسيالىق رەفورمالاردى ءتۇسىندىرۋ جونىندەگى نۇر-سۇلتان قالاسى بويىنشا رەسپۋبليكالىق قوعامدىق شتابتىڭ باسشىسى زۇلپۇحار عايىپوۆ ءسوز الىپ, ساياسي رەفورمانىڭ ءمان-ماڭىزىنا توقتالدى.
سەناتور اقىلبەك قاجىعۇل ۇلى جالپىحالىقتىق رەفەرەندۋمنىڭ جاڭا قازاقستاندى قالىپتاستىرۋداعى ماڭىزىنا كەڭىنەن توقتالدى. سونداي-اق ول ءوز سوزىندە رەفەرەندۋمعا ەنگىزىلۋگە ءتيىس وزگەرىستەر مەن تولىقتىرۋلار مەملەكەتىمىزدىڭ قاراپايىم ازاماتىنىڭ ءومىر ءسۇرۋ داعدىسىنا قانشالىقتى وڭ اسەر ەتەتىنى جونىندە دە ناقتى مىسالدار ارقىلى پىكىرىن ءبىلدىردى.
كەزدەسۋ بارىسىندا قاتىسۋشىلار تاراپىنان قويىلعان ساۋالدارعا ناقتى جاۋاپ بەرگەن سەنات دەپۋتاتى ءار باپ بويىنشا ەنگىزىلۋى ىقتيمال وزگەرىستەرگە جەكە-جەكە توقتالدى. كەيىننەن ءسوز سويلەگەن قاراقات جاقسىلىققىزى ەڭبەك ۇجىمىنا داۋىس بەرۋدىڭ ەرەجەلەرى مەن شارتتارىن ءتۇسىندىرىپ, رەفەرەندۋمعا بەلسەنە قاتىسۋعا شاقىردى.
