قىزىلوردادا قوعامدىق قوردىڭ 27 ملن. تەڭگەسى قولدى بولعان

قىزىلوردا وبلىسىنداعى «بوتا» قايىرىمدىلىق قورىنان ەكى جىل بويىنا 27 ملن. تەڭگەگە جۋىق قارجىنىڭ قولدى بولعانى انىقتالدى. بۇل تۋرالى قىزىلوردا وبلىستىق پروكۋراتۋراسىنىڭ ءباسپاسوز قىزمەتى حابارلادى. قوعامدىق قوردىڭ اقشالاي قاراجاتىن تەكسەرۋ جۇمىستارى قوعامدىق ۇيىم باسشىلىعىنىڭ قىزىلوردا قالالىق ىشكى ىستەر باسقارماسىنا جاساعان شاعىمى بويىنشا جۇرگىزىلدى. وسىنىڭ ناتيجەسىندە پوليتسەيلەر «كەلىسىلگەن اقشالاي جاردەماقىلار باعدارلاماسى» كەڭسەسىنىڭ قىزمەتكەرلەرىنىڭ ۇستىنەن قىلمىستىق ءىس قوزعادى. تەرگەۋ-تەكسەرۋ بارىسىندا بەلگىلى بولعانداي, كۇدىكتىلەر 2012-2013 جىلدارى وبلىس ازاماتتارىنا اقشالاي جاردەم بەرۋ ءۇشىن جاسالعان بانك كارتوچكالارى ارقىلى  ارەكەت ەتكەن. وسىنىڭ سالدارىنان اتالمىش قور 26 ملن. 760 مىڭ تەڭگە كولەمىندە زيان شەككەن. ال تۇرعىندار كۇدىكتىلەرگە قۇجاتتارىن ءوز ەرىكتەرىمەن بەرگەن. بىراق قۇجاتتارىنىڭ قور قىزمەتكەرلەرىنە نە ءۇشىن كەرەك بولعانىنا نازار اۋدارماعان. جولدىباي بازار. دەرەككوز: قىزىلوردا وبلىستىق پروكۋراتۋراسىنىڭ ءباسپاسوز قىزمەتى. فوتو: كاpital.kz.