ءوزارا تاجىريبە الماستى

پوگودين اتىنداعى ورىس دراما تەاترىندا اۋدان, اۋىلدىق وكرۋگ اكىمدەرىنىڭ, اگروقۇرىلىم, ۆەدوموستۆو باسشىلارىنىڭ, ينۆەستورلار مەن فيرما وكىلدەرىنىڭ جانە رەسەيمەن شەكارالاس ايماقتاعى قورعان, ومبى وبلىستارى عالىمدارىنىڭ قاتىسۋىمەن كوكتەمگى دالا جۇمىستارىن ۇيىمشىلدىقپەن وتكىزۋگە ارنالعان اۋىل شارۋاشىلىعى قىزمەتكەرلەرىنىڭ سەمينار-كەڭەسى ءوتىپ, ءوزارا تاجىريبە الماستى. جيىنعا قاتىسۋشىلار اۋىل شارۋاشىلىعى كورمەسىن تاماشالاپ, زاماناۋي تەحنيكالار ۇلگىلەرىمەن تانىستى. القالى باسقوسۋدى ايماق باسشىسى سامات ەسكەن­دىروۆ اشىپ, اگروونەركاسىپ كەشەنىن دامىتۋعا ارنال­عان «اگروبيزنەس-2020» باعدارلاماسىن ورىنداۋ جو­لىن­داعى مىندەتتەرگە توقتالىپ, ۇكىمەت تاراپىنان ەگىن­شىلەردى قولداۋ دايەكتى جالعاستىرىلاتىنىن جەتكىزدى. وبلىس اكىمىنىڭ ءبىرىنشى ورىنباسارى ايداربەك ساپاروۆ جەرگە ءدان ءسىڭىرۋ ناۋقانىن ۇيىمشىلدىقپەن اتقارۋ شارالارىن بايانداپ بەردى. بيىل ەگىستىك القابى 4,3 ميلليون گەكتاردى قۇراسا, 3,8 ميلليون گەكتارىنا ءداندى داقىلدار سەبۋ جوسپارلانعان. 520 مىڭ توننا تۇقىم دايىندالعان. كوكتەمگى ەگىسكە 14500 تراكتور, 16500 سەيالكا, 1100 سەبۋ كەشەنى, 2 مىڭعا جۋىق اۆتوموبيل قاتىساتىن بولادى. 71 مىڭ توننا ديزەل وتىنىنىڭ 11 مىڭ توننا بەنزيننىڭ, 3,2 مىڭ توننا موتور مايىنىڭ ۇشتەن ءبىرى جەڭىلدەتىلگەن باعامەن بوساتىلىپ, شارۋاشىلىقتارعا جونەلتىلگەن. ءسىبىر عىلىمي-زەرتتەۋ ينستيتۋتىنىڭ باس ديرەكتورى يۆان حرومتسوۆ, سولتۇستىك قازاقستان مال جانە وسىمدىك شارۋاشىلىعى عىلىمي-زەرتتەۋ ينستيتۋتىنىڭ ءبولىم مەڭگەرۋشىسى ۆلاديمير مەششەتيچ, «باراەۆ اتىنداعى استىق شارۋاشىلىعى عىلىمي-وندىرىستىك ورتالىعىنىڭ باسشىسى جەكسەنباي قاسقىرباەۆ, ءسىبىر تاجىريبە ستانساسىنىڭ جەتەكشىسى يۆان لوشكوموينيكوۆ, «تايىنشا-استىق» جشس ديرەكتورى اناتولي رافالسكي, تاعى باسقالارى ءداندى, مايلى, جەمشوپ داقىلدارىن ەگۋ ەرەكشەلىكتەرى, رەسۋرس ۇنەمدەۋ تەحنولوگياسىن جەتىلدىرۋ جايلى ويلارىمەن ءبولىستى.  ومىر ەسقالي, «ەگەمەن قازاقستان». سولتۇستىك قازاقستان وبلىسى.