كەشە ورتالىق كوممۋنيكاتسيالار قىزمەتىندە قارجى ۆيتسە-ءمينيسترى بەرىك شولپانقۇلوۆ پەن سالىق كوميتەتىنىڭ توراعاسى ءانۋار جۇمادىلداەۆ بريفينگ وتكىزدى. وندا ينتەگراتسيالىق ۇدەرىستەگى سالىق پەن سالىق سالۋ جانە مەملەكەتتىك ساتىپ الۋلارعا قاتىستى ماسەلەلەر ءسوز بولدى.
الداعى مامىر ايىندا قۇرىلاتىن ەۋرازيالىق ەكونوميكالىق وداقتىڭ ءمان-ماڭىزى تۋرالى بايانداعان ب.شولپانقۇلوۆ, وداق اياسىندا بولاتىن سالىق تارتىپتەرى تۋرالى اڭگىمەلەدى. ءسويتىپ, ءسوز كەزەگىن سالىق كوميتەتىنىڭ ءتوراعاسىنا بەردى. «ەلباسىنىڭ ستراتەگيالىق باستامالارىنىڭ ءبىرى – ەۋرازيالىق وداق يدەياسىنا بيىل 20 جىل تولدى. وسى ۋاقىت ارالىعىندا قازاقستان, رەسەي, بەلارۋس مەملەكەتتەرى اراسىنداعى ينتەگراتسيالىق يگىلىكتەر ءتيىستى دامۋ ساتىسىنان ءوتتى. الداعى مامىر ايىندا ءۇش ەلدىڭ باسشىلارى كەلىسىمگە قول قويادى دەپ كۇتىلۋدە. ەۋرازيالىق ينتەگراتسيا مەملەكەتتەردىڭ ءوزارا ەكونوميكالىق قارىم-قاتىناسى ماسەلەلەرىن عانا قامتيدى. سوندىقتان, بۇل ورايدا سالىقتىق اكىمشىلەندىرۋ ماسەلەلەرى دە ەرەكشە ورىن الاتىنىن اتاپ وتكىم كەلەدى», دەدى ءا.جۇمادىلداەۆ.
بۇعان دەيىن ەۋرازيالىق ەكونوميكالىق وداقتىڭ كەدەن وداعىنا مۇشە ءۇش مەملەكەتتىڭ اۋماقتارىندا ەلدەردىڭ ەكونوميكاسىنىڭ تۇراقتى جانە ءتيىمدى دامۋىنا جاعدايلار جاساۋعا جانە حالىقتىڭ ءومىر ءسۇرۋ دەڭگەيىن ارتتىرۋ ءۇشىن قۇرىلعان ءبىرتۇتاس ەكونوميكالىق كەڭىستىك جۇمىس ىستەي باستاعان-دى. ءبىرتۇتاس ەكونوميكالىق كەڭىستىك وراسان زور نارىق قۇرۋعا, بيزنەستى دامىتۋدى ىنتالاندىرۋعا, سونداي-اق باسەكەگە قابىلەتتى تاۋارلار مەن قىزمەتتەردى ءوندىرۋدى وسىرۋگە باعىتتالعانى ءمالىم. وسى جۇمىستاردى سارالاعان كوميتەت توراعاسى, كاسىپكەرلەرگە تاۋار ساپاسىن جاقسارتۋ كەرەكتىگىن ايتتى. «ەلىمىزدىڭ بيزنەس وكىلدەرى 170 ميلليوندىق نارىققا شىعىپ وتىر. وسىنىڭ ءوزى وندىرىلگەن تاۋارلاردى وتكىزۋگە ۇلكەن مۇمكىندىك جاسايدى. بىراق بۇل, رەسەي مەن بەلارۋس ەلدەرى ءبىزدىڭ كاسىپكەرلەردى قۇشاق جايىپ كۇتىپ وتىر دەگەندى بىلدىرمەيدى. ناقتى ناتيجەگە قول ارتۋ ءۇشىن ەلىمىزدىڭ بيزنەس وكىلدەرى باسەكەلەستىككە قاۋقارلى بولىپ, تاۋاردىڭ ساپاسىن جاقسارتىپ, وسى اۋقىمدى نارىقتى ەركىن يگەرۋى وتە ماڭىزدى», دەدى كوميتەت توراعاسى.
كاسىپكەرلەر كەدەن وداعى اياسىندا ەلگە اكەلگەن تاۋارلارىنا تولەنەتىن سالىقتى 50 كۇننىڭ ىشىندە تولەپ, ەسەپ-قيسابىن وتكىزۋى ءتيىس ەكەن. نەگىزى, تاۋار ەلگە كىرگەننەن كەيىن سول ساتتەن باستاپ كەلەسى ايدىڭ 20-سىنا دەيىن ءوزىنىڭ جاناما جانە قوسىمشا سالىقتارى تولەنۋى كەرەك. ماسەلەن, كاسىپكەر تاۋارىن ايدىڭ ءبىرىنشى كۇنى كىرگىزسە, كەلەسى ايدىڭ 20-سىنا دەيىن 50 كۇن ۋاقىتى بولادى. بۇل كەدەن وداعىنىڭ ەڭ وڭتايلى تۇسى كورىنەدى. كوميتەت توراعاسى كاسىپكەرلەرگە وسى قاعيدالاردى ەسكەرىپ, ءوز پايدالارىنا جاراتۋعا كەڭەس بەردى. سەبەبى, بۇعان دەيىن كاسىپكەرلەرگە ەلگە تاۋارىن كىرگىزۋ ءۇشىن ءتيىستى سالىقتاردىڭ بارلىعىن الدىن الا تولەۋى قاجەت ەدى. جاڭا ءتارتىپتىڭ ارقاسىندا ولار بۇدان بىلاي سالىقتارىن تولەمەي تۇرعان كەزدە-اق, اكەلگەن تاۋارلارىن بىردەن نارىققا شىعارۋلارىنا جول اشىلىپتى. وسىلايشا, كاسىپكەرلىكتىڭ كەڭىستىگى تاعى دا كەڭەيە تۇسەدى.
نۇرباي ەلمۇراتوۆ,
«ەگەمەن قازاقستان».
كەشە ورتالىق كوممۋنيكاتسيالار قىزمەتىندە قارجى ۆيتسە-ءمينيسترى بەرىك شولپانقۇلوۆ پەن سالىق كوميتەتىنىڭ توراعاسى ءانۋار جۇمادىلداەۆ بريفينگ وتكىزدى. وندا ينتەگراتسيالىق ۇدەرىستەگى سالىق پەن سالىق سالۋ جانە مەملەكەتتىك ساتىپ الۋلارعا قاتىستى ماسەلەلەر ءسوز بولدى.
الداعى مامىر ايىندا قۇرىلاتىن ەۋرازيالىق ەكونوميكالىق وداقتىڭ ءمان-ماڭىزى تۋرالى بايانداعان ب.شولپانقۇلوۆ, وداق اياسىندا بولاتىن سالىق تارتىپتەرى تۋرالى اڭگىمەلەدى. ءسويتىپ, ءسوز كەزەگىن سالىق كوميتەتىنىڭ ءتوراعاسىنا بەردى. «ەلباسىنىڭ ستراتەگيالىق باستامالارىنىڭ ءبىرى – ەۋرازيالىق وداق يدەياسىنا بيىل 20 جىل تولدى. وسى ۋاقىت ارالىعىندا قازاقستان, رەسەي, بەلارۋس مەملەكەتتەرى اراسىنداعى ينتەگراتسيالىق يگىلىكتەر ءتيىستى دامۋ ساتىسىنان ءوتتى. الداعى مامىر ايىندا ءۇش ەلدىڭ باسشىلارى كەلىسىمگە قول قويادى دەپ كۇتىلۋدە. ەۋرازيالىق ينتەگراتسيا مەملەكەتتەردىڭ ءوزارا ەكونوميكالىق قارىم-قاتىناسى ماسەلەلەرىن عانا قامتيدى. سوندىقتان, بۇل ورايدا سالىقتىق اكىمشىلەندىرۋ ماسەلەلەرى دە ەرەكشە ورىن الاتىنىن اتاپ وتكىم كەلەدى», دەدى ءا.جۇمادىلداەۆ.
بۇعان دەيىن ەۋرازيالىق ەكونوميكالىق وداقتىڭ كەدەن وداعىنا مۇشە ءۇش مەملەكەتتىڭ اۋماقتارىندا ەلدەردىڭ ەكونوميكاسىنىڭ تۇراقتى جانە ءتيىمدى دامۋىنا جاعدايلار جاساۋعا جانە حالىقتىڭ ءومىر ءسۇرۋ دەڭگەيىن ارتتىرۋ ءۇشىن قۇرىلعان ءبىرتۇتاس ەكونوميكالىق كەڭىستىك جۇمىس ىستەي باستاعان-دى. ءبىرتۇتاس ەكونوميكالىق كەڭىستىك وراسان زور نارىق قۇرۋعا, بيزنەستى دامىتۋدى ىنتالاندىرۋعا, سونداي-اق باسەكەگە قابىلەتتى تاۋارلار مەن قىزمەتتەردى ءوندىرۋدى وسىرۋگە باعىتتالعانى ءمالىم. وسى جۇمىستاردى سارالاعان كوميتەت توراعاسى, كاسىپكەرلەرگە تاۋار ساپاسىن جاقسارتۋ كەرەكتىگىن ايتتى. «ەلىمىزدىڭ بيزنەس وكىلدەرى 170 ميلليوندىق نارىققا شىعىپ وتىر. وسىنىڭ ءوزى وندىرىلگەن تاۋارلاردى وتكىزۋگە ۇلكەن مۇمكىندىك جاسايدى. بىراق بۇل, رەسەي مەن بەلارۋس ەلدەرى ءبىزدىڭ كاسىپكەرلەردى قۇشاق جايىپ كۇتىپ وتىر دەگەندى بىلدىرمەيدى. ناقتى ناتيجەگە قول ارتۋ ءۇشىن ەلىمىزدىڭ بيزنەس وكىلدەرى باسەكەلەستىككە قاۋقارلى بولىپ, تاۋاردىڭ ساپاسىن جاقسارتىپ, وسى اۋقىمدى نارىقتى ەركىن يگەرۋى وتە ماڭىزدى», دەدى كوميتەت توراعاسى.
كاسىپكەرلەر كەدەن وداعى اياسىندا ەلگە اكەلگەن تاۋارلارىنا تولەنەتىن سالىقتى 50 كۇننىڭ ىشىندە تولەپ, ەسەپ-قيسابىن وتكىزۋى ءتيىس ەكەن. نەگىزى, تاۋار ەلگە كىرگەننەن كەيىن سول ساتتەن باستاپ كەلەسى ايدىڭ 20-سىنا دەيىن ءوزىنىڭ جاناما جانە قوسىمشا سالىقتارى تولەنۋى كەرەك. ماسەلەن, كاسىپكەر تاۋارىن ايدىڭ ءبىرىنشى كۇنى كىرگىزسە, كەلەسى ايدىڭ 20-سىنا دەيىن 50 كۇن ۋاقىتى بولادى. بۇل كەدەن وداعىنىڭ ەڭ وڭتايلى تۇسى كورىنەدى. كوميتەت توراعاسى كاسىپكەرلەرگە وسى قاعيدالاردى ەسكەرىپ, ءوز پايدالارىنا جاراتۋعا كەڭەس بەردى. سەبەبى, بۇعان دەيىن كاسىپكەرلەرگە ەلگە تاۋارىن كىرگىزۋ ءۇشىن ءتيىستى سالىقتاردىڭ بارلىعىن الدىن الا تولەۋى قاجەت ەدى. جاڭا ءتارتىپتىڭ ارقاسىندا ولار بۇدان بىلاي سالىقتارىن تولەمەي تۇرعان كەزدە-اق, اكەلگەن تاۋارلارىن بىردەن نارىققا شىعارۋلارىنا جول اشىلىپتى. وسىلايشا, كاسىپكەرلىكتىڭ كەڭىستىگى تاعى دا كەڭەيە تۇسەدى.
نۇرباي ەلمۇراتوۆ,
«ەگەمەن قازاقستان».
سوڭعى جاڭالىقتار
تۇلعا • كەشە
اۋا رايى • كەشە
يران ورمۇز بۇعازىن قايتا جاپتى
الەم • كەشە
يران اۋە كەڭىستىگىن ءىشىنارا اشتى
الەم • كەشە
ءال-فارابي داڭعىلىندا جول ەرەجەسىن ورەسكەل بۇزعاندار ۇستالدى
ايماقتار • كەشە
جەردە ماگنيتتىك داۋىل باستالدى
وقيعا • كەشە
