قالاعا جاڭا اكىم تاعايىندالدى

ءوڭىر باسشىسى قانات بوزىم­باەۆ قالا اكىمدىگىنىڭ اكتيۆىنە جاڭا اكىمنىڭ كانديداتۋراسىن ۇسىندى. بولات باقاۋوۆتىڭ شاعىن جانە ورتا بيزنەس سالاسىندا باسقارۋشىلىق تاجىريبەسى مول. وسى ۋاقىت ىشىندە ول ءوزىن كاسىبي قابىلەتى جوعارى, بىلىكتى باسقارۋشى جانە ۇيىمداستىرۋشىلىق قابىلەتى بار باسشى رەتىندە تانىتا ءبىلدى, دەپ اتاپ ءوتتى وبلىس اكىمى. جاڭا اكىم – 44 جاستا. بۇعان دەيىن پاۆلودار قالا­سىنىڭ اكىمى بولعان ورازكەلدى قايىرگەلدينوۆ وبلىس اكىمىنىڭ اپپاراتىنا باسقارۋشىلىق قىزمەتكە اۋىستى. جالپى, ورازكەلدى ءالي­عازى ۇلى – قاشىر اۋدانىن, اقسۋ قالاسىن باس­قارعان جۇمىس تاجىريبەسى مول باسشى. سايكەستىگى سول,  بۇعان دەيىن بولات باقاۋوۆ تا   قايىرگەلدينوۆتەن كەيىن قاشىر اۋدانىن, اقسۋ قالاسىن باسقاردى. اكتيۆ جينالىسىندا وبلىس اكىمى جاڭادان تاعايىندالعان قالا اكىمى بولات باقاۋوۆقا وبلىس ورتالىعىن الەۋمەتتىك-ەكو­نو­ميكالىق تۇرعىدان دامىتۋ, قالانى اباتتاندىرۋ جۇمىستارىن ودان ءارى جالعاستىرۋ جونىندە بىرقاتار تاپسىرمالار بەردى. فاريدا بىقاي, «ەگەمەن قازاقستان». پاۆلودار.