وندىرىسشىلەر سەنىمى جوعارى

مەملەكەت باسشىسى نۇرسۇلتان نازار­باەۆ­تىڭ اتىنا «قازاقستاندىق ءونىمدى جاسايىق» V فو­رۋمىنا قاتىسۋشىلاردان حات كەلدى, دەپ حابارلادى پرەزيدەنتتىڭ باس­پاسوز قىزمەتى. اۆتورلار بۇل فورۋم جۇمىسىنا 500-دەن استام دەلەگات – 10 مىڭنان اسا ادام جۇمىس ىستەيتىن 200-دەن استام وتاندىق كومپانيا وكىلدەرى قاتىسقانىن ءمالىم­دەگەن. «فورۋم دەڭگەيى ءىرى كومپانيانىڭ ءبىرىنىڭ جەرگى­لىكتى جەتكىزۋشىلەرمەن ءوزارا قارىم-قاتىناسىن تالقىلاۋ شەڭبەرىنەن اسىپ ءتۇستى. بۇل كەزدەسۋ جالپى رەسپۋبليكالىق ۇنقاتىسۋ الاڭىنا اينالدى, ونىڭ باستى ماقساتى – قازاقستانداعى شاعىن جانە ورتا بيزنەسكە جۇيەلى ءارى ءتيىمدى قولداۋ كورسەتۋ, ونى ءارتاراپتاندىرۋ», – دەلىنگەن حاتتا. حات سوڭىندا وتاندىق وندىرۋشىلەر فورۋمىنا قاتىسۋشىلار مەملەكەت باسشىسىنا قازاقستاندىق ۇلەستى دامىتۋ ماسەلەلەرىنە ەرەكشە كوڭىل ءبولىنىپ وتىرعانى ءۇشىن ريزاشىلىقتارىن بىلدىرگەن. «ءبىز بۇل باستاماعا سالالىق ۆەدومستۆولار مەن ءىرى كومپانيالاردىڭ وراسان مول كۇش-جىگەرى جۇمىلدىرىلعانىن تۇسىنەمىز جانە ءوز تاراپىمىزدان قازاقستاندىق وندىرۋشىلەرگە ارتىلعان سەنىمدى اقتاۋعا دايىنبىز», – دەپ اتاپ وتكەن اۆتورلار.