قازاقستانداعى قارجى سەكتورىنىڭ دامۋى تۇراقتى

كەشە مەملەكەت باسشىسى نۇرسۇلتان نازارباەۆ وتكىزگەن كەڭەستە ۇلتتىق بانكتىڭ ەسەبى قارالدى, دەپ حابارلادى پرەزيدەنتتىڭ ءباسپاسوز قىزمەتى. كەڭەسكە پرەزيدەنت اكىم­شى­لىگىنىڭ باسشىسى ن.نىع­ما­تۋلين, ۇلتتىق بانك توراعاسى ق.كەلىمبەتوۆ, پرەمەر-مي­نيستردىڭ ورىنباسارى – قا­ر­جى ءمينيسترى ب.سۇلتانوۆ, پرەزي­دەنتتىڭ ەكونوميكالىق ماسە­لە­لەر جونىندەگى كومەكشىسى ە.ورىن­­باەۆ, ەكونوميكا جانە بيۋد­­جەتتىك جوسپارلاۋ ءمينيسترى ە.دو­ساەۆ, سونداي-اق, ۇلتتىق بانك توراعاسىنىڭ ورىنباسارلارى قا­تىستى. كەڭەس بارىسىندا ەلىمىزدىڭ قار­جى سەكتورىنىڭ قازىرگى ءما­سە­لەلەرى مەن مىندەتتەرى تالقى­لا­نىپ, ۇلتتىق بانكتىڭ 2013 جىلعى جانە 2014 جىلدىڭ العاشقى توق­سانىنداعى ەسەبى تىڭدالدى. مەملەكەت باسشىسى جالپى بۇگىنگى كۇنى ەلدەگى قارجى سەك­تورىنىڭ دامۋىن تۇراقتى دەپ سيپاتتاۋعا بولاتىنىن اتاپ ءوتتى. – ەكونوميكاداعى نەسيەلەر وتكەن جىلمەن سالىستىرعاندا 13%-عا ءوستى. حالىقتىڭ دە­پو­­زيت­تەرىنىڭ كولەمى 10 تريلليون تەڭگەگە جەتتى. ءبىزدىڭ ەكو­نو­­ميكالىق قاۋىپسىزدىگىمىزدىڭ كەپىلى بولىپ سانالاتىن ۇلتتىق قور­دىڭ قاراجاتى ءبىر جىل ىشىندە 22%-عا دەرلىك ارتىپ, 70 ميلليارد دوللارعا ۇلعايدى. زەينەتاقى اكتيۆتەرىن بىرىڭعاي جيناقتاۋشى زەينەتاقى قورىنا بىرىكتىرۋ ۇدەرىسى اياقتالدى. ساقتاندىرۋ نارىعى دا ءوسىپ جاتىر, ونىڭ اكتيۆتەرى ەسەپتى كەزەڭدە 18%-عا ارتتى. قارجى سالاسىن ودان ءارى نىعايتۋدا جۇيەلى قادامدار جاساۋ ءۇشىن ۇلتتىق بانك ۇكىمەتپەن بىرلەسىپ, قارجى سەكتورىن دامىتۋدىڭ 2030 جىلعا دەيىنگى تۇ­جىرىمداماسىن ازىرلەۋدە. بۇل جۇمىستى بيىلعى ماۋسىمعا قاراي اياق­تاۋ كەرەك, – دەدى نۇرسۇلتان نازارباەۆ. ق.كەلىمبەتوۆ ۇلتتىق بانككە جۇكتەلگەن مىندەتتەردىڭ ورىندالۋ بارىسى تۋرالى, اتاپ ايتقاندا, قارجى-نەسيە ساياساتىن ىسكە اسى­رۋ جانە قارجى جۇيەسىنىڭ تۇراق­تىلىعىن قامتاماسىز ەتۋ جونىندە باياندادى. كەڭەس قورىتىندىسىندا مەملەكەت باسشىسى ۇلتتىق بانك پەن ۇكىمەتكە ەكىنشى دەڭگەيدەگى بانكتەر پورتفەلىندەگى جۇمىس ىستەمەيتىن نەسيەلەر دەڭگەيىن ازايتۋ, بانك سەكتورىن بازەل III كاپيتالى ستاندارتتارىنا وتكىزۋدى قامتاماسىز ەتۋ, قارجىلىق قىزمەت كورسەتۋدە تۇتىنۋشىلار قۇقىعىن قورعاۋدى كۇشەيتۋ جانە ولاردىڭ ساپاسىن ارتتىرۋ, سونداي-اق, قۇندى قاعازدار نارىعىن دامىتۋ جونىندە بىرقاتار تاپسىرمالار بەردى. ----------------------------------------- سۋرەتتى تۇسىرگەندەر س.بوندارەنكو, ب.وتارباەۆ.