ۇلدار اراسىندا 48 كيلودا سىنعا تۇسكەن اكرامات دولگيەۆ قارسىلاس شاق كەلتىرمەي, توپ جارسا, قىزدار اراسىندا 49 كيلوداعى ريتا باكيشەۆا مەن 55 كيلوداعى ازيزا قارادجانوۆا التىننان القا تاقتى. ايتا كەتەرلىگى, بۇل سىنعا قارادجانوۆا ۇلتتىق قۇرامانىڭ باس باپكەرى باتىربەك ەسداۋلەتوۆتىڭ قاراماعىندا دايىندالدى. ال 44 كيلودا نارگيز مەيرامبەك پەن 73 كيلوداعى بەكارىس بەكەنوۆ وقۋشىلار سىنىندا قولا جۇلدەگە قول جەتكىزدى. وسىلايشا, ۇلتتىق قۇرامامىز جالپىكوماندالىق ەسەپتە بەس جۇلدەمەن كوش باستادى.
ايتا كەتەيىك, بيىلعى گيمنازياداعا الەمنىڭ 64 ەلىنەن 3600 سپورتشى قاتىسىپ جاتىر. ولار سپورتتىڭ 17 تۇرىنەن جانە پاراليمپيادالىق ءۇش سىننان جۇلدەگە تالاسادى. قازاقستان وقۋشىلار اراسىنداعى سپورت الامانىنا ءبىرىنشى رەت قاتىسىپ جاتىر. ەلىمىزدەن فرانتسياعا 17 سپورت تۇرىنەن 234 وقۋشى اتتانعان. جارىس 22 مامىردا اياقتالادى.
