ەربول قاراشوكەەۆ اۋىل شارۋاشىلىعى سالاسىنداعى قازاقستان-تۇركيا قاتىناستارىنىڭ تۇراقتى دامىپ جاتقانىن اتاپ ءوتتى.
قازاقستان ءداندى جانە مايلى داقىلداردى ءوندىرۋ جانە ەكسپورتتاۋ بويىنشا جەتەكشى ورىنعا يە بولا وتىرىپ, بۇكىل ورتالىق ازيا وڭىرىندە ازىق-ت ۇلىك قاۋىپسىزدىگىن قامتاماسىز ەتۋدەگى نەگىزگى ەل بولىپ سانالادى.
«قازاقستان بيداي مەن ۇن ەكسپورتى بويىنشا الەمدىك كوشباسشىلاردىڭ قاتارىنا كىرەدى. ءبىزدىڭ استىق جوعارى ساپالى كورسەتكىشتەرمەن سيپاتتالادى. جايىلىمدارى مەن ءوزىنىڭ جەم-ءشوبىنىڭ بولۋى جانە شالعايداعى مال شارۋاشىلىعىنا قول جەتىمدىلىك ەت ونىمدەرىن ءوندىرۋدىڭ وسۋىنە ىقپال ەتەدى جانە حالال تالاپتارىنا سايكەس كەلەدى. گەوگرافيالىق ورنالاسۋىن, باي جەر رەسۋرستارىن, سونداي-اق قولايلى كليماتتىق جاعدايلاردى نازارعا الا وتىرىپ, قازاقستاننىڭ اگروونەركاسىپتىك كەشەنى بولاشاقتا الەمدەگى ازىق-ت ۇلىك جاعدايىن تۇراقتاندىرۋ مەن جاقسارتۋدا ماڭىزدى ءرول اتقارا الادى», دەدى ۆەدومستۆو باسشىسى.
مينيستر پاندەمياعا قاراماستان قوس ەل اراسىنداعى ساۋدا كورسەتكىشتەرىنىڭ تۇراقتى وسكەنىن جەتكىزدى.
2022 جىلعى قاڭتار-اقپاندا تۇركيامەن اوك ونىمدەرى بويىنشا تاۋار اينالىمى شامامەن 37 ملن دوللار بولدى, بۇل 2021 جىلعى كەزەڭمەن سالىستىرعاندا 62% ارتىق (22,7 ملن دوللار). ەكسپورت 55% ارتىپ, 19,5 ملن دوللار بولسا, ال يمپورت 69% ارتىپ, 17,1 ملن دوللارعا جەتتى.
ءمينيستردىڭ ايتۋىنشا, قوس ەل اراسىنداعى ساۋدانى دامىتۋدىڭ الەۋەتى زور. وسىعان بايلانىستى قازاقستان ەت ونىمدەرىنىڭ, وسىمدىك مايلارىنىڭ جانە جانۋارلاردان الىناتىن باسقا دا ونىمدەردىڭ ەكسپورتىن ۇلعايتۋعا مۇددەلى. سونداي-اق قازاقستاندا تۇرىك جەمىستەرى مەن كوكونىستەرىنە, تسيترۋس جەمىستەرىنە جانە تاعى باسقا ونىمدەرگە سۇرانىس بار.
كەزدەسۋ بارىسىندا ەربول قاراشوكەەۆ قازاقستان مەن تۇركيا اراسىنداعى ىنتىماقتاستىقتىڭ باسىم باعىتتارىن ۇسىندى. بۇل اۋىل شارۋاشىلىعى شيكىزاتىن قايتا وڭدەۋ, سونداي-اق ساپالى, قولجەتىمدى جانە باسەكەگە قابىلەتتى ازىق-ت ۇلىك ونىمدەرىن ءوندىرۋ.
سونداي-اق قازاقستان باسىمدىق بەرەتىن سالالاردىڭ ءبىرى – ەت پەن ءسۇت, كارتوپ, قانت قىزىلشاسى, مايلى داقىلدار, جەمىستەر, كوكونىستەر, بىلعارى شيكىزاتىن قايتا وڭدەۋ سالاسىنا شەتەلدىك ينۆەستورلاردى تارتۋ دەپ اتاپ ءوتتى مينيستر.
