فوتوگالەرەيا • 08 مامىر، 2022

التايداعى الامان - فوتورەپورتاج

649 رەت كورسەتىلدى

قۇلانقارا، بۇلانقارا، جەلمايا سىندى تۇلپارلار تۇياعىنىڭ ءىزى قالعان التايدىڭ بوكتەرىندە ءدۇبىرلى بايگە ءوتتى. وتان قورعاۋشىلار جانە ۇلى جەڭىس كۇنىنە وراي ۇيىمداستىرىلعان شارادا 100 شاقىرىمدىق الامان، تاي جارىس، جورعا، اۋدارىسپاق، كۇرەس، ارقان تارتۋ سىندى ۇلتتىق سپورت تۇرلەرىنەن اتبەگىلەر، بالۋاندار باق سىناستى، باپ سىناستى. 

اۋدان ورتالىعىنىڭ ورتالىق يپپودرومىندا اقشاڭقى كيىز ۇيلەر تىگىلىپ، قازان كوتەرىلدى. بۇرق-سارق ساماۋىر قاينادى...

.

سايگ ۇلىكتەردىڭ ءبىرى قارا ۇزە شاپسا، ەندى ءبىرى شاڭ قاپتى. قۇيرىق تىستەسە كەلگەندەرى دە بولدى. جۇزدەن جۇيرىكتەرى مارە سىزىعىن ءبىرىنشى قيىپ، باپكەرلەرى مەن ات يەلەرى بورىكتەرىن اسپانعا اتتى.    

.

.

بالۋانداردىڭ بەلدەسۋى دە تارتىستى ءوتتى. جاۋىرىنى جەرگە تيمەگەن ازات سماعۇلوۆ تۇيە بالۋان اتانسا، راحات ناريمانوۆ ەكىنشى ورىن الدى. ءۇشىنشى ورىندى سەرىكبول قابديەۆ قاناعات تۇتتى.

.

.

ەكى جىلعى شەكتەۋ شارالارىنان سوڭ حالىق ءاي ءبىر سەرپىلىپ قالدى عوي دەيمىن. «اعايىننىڭ اتى وزعانشا، اۋىلداستىڭ تايى وزسىن» دەپ بايگەگە شاپقاندارعا تاقىم قىستى، بەلدەسكەندەرگە قيقۋ قوستى.

.

.

تاقىمى مىقتى، بىلەگى قارۋلى جىگىتتەر اۋدارىسپاققا شىقتى. ات-ماتىمەن ج ۇلىپ العان بىلەكتىلەردى دە كوردىك.

.

اۋدان اكىمىنىڭ جۇلدەسىنە ۇيىمداستىرىلىپ جاتقان الامانعا اۆتوكولىك جانە اقشالاي سىيلىقتار تىگىلگەن. تاي جارىس، ۇشقىر بايگە، جورعا سىندى سايىسقا قاتىسقان جۇلدەگەرلەر دە باعالى سىيلىقتارعا يە بولدى.

 

100 شاقىرىمدىق الاماندا وق بويى وزىپ كەلگەن رۋسلان شايىرعازيننىڭ جيرەن قاسقاسى ەدى. ءسويتىپ، اۆتوكولىك ساماردان كەلگەن اتبەگىنىڭ ەنشىسىندە كەتتى. شىعىس قازاقستان وبلىسى كاتونقاراعاي اۋدانى

سوڭعى جاڭالىقتار

ۇقساس جاڭالىقتار