قازاقستان • 05 مامىر، 2022

«جاڭا قازاقستان» يدەياسىنا قولداۋ ءبىلدىردى

135 رەت كورسەتىلدى

ەلوردادا «اۋىل» حالىقتىق-دەموكرا­تيالىق پات­ريوت­تىق پارتياسى ساياسي كەڭەسىنىڭ كەڭەيتىلگەن وتىرى­سى ءوتتى. باسقوسۋعا پارتيانىڭ وڭىرلەردەگى فيليال­دارىنىڭ توراعالارى، ساياسي كەڭەس مۇشەلەرى قاتىستى.

ساياسي كەڭەستىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقاەۆتىڭ «جاڭا قازاقستان: جاڭارۋ مەن جاڭ­­عىرۋ جولى» اتتى حالىققا ارنا­عان جولداۋىنداعى ساياسي رەفورمالار لەگى نەگىزگى تاقىرىپقا اينالدى. سونداي-اق باسقوسۋدا پارتيانىڭ جاڭا باستامالارى زەردەلەندى. جيىنعا قاتىسۋشىلار پرەزيدەنتتىڭ كونستيتۋتسيالىق وزگەرىستەر جونىندەگى جانە وزگە دە ەل دامۋىنا قاتىستى رەفورمالارىن تولىق قولدايتىندارىن جەتكىزدى.

پارتيا ساياسي كەڭەسىنىڭ مۇشە­لەرى «جاڭا قازاقستان» يدەياسى ەلىمىز­دەگى ەڭ وزەكتى ماسەلەلەردى نازاردان تىس قال­دىر­ماۋعا باعىت­تالعانىنا، دەموكراتيالىق ۇدەرىس­تەردى دامىتۋعا جاعداي تۋعىزا­تىنىنا بەك سەنىمدى. سونداي-اق پارتيا مۇشەلەرى مەملەكەت باسشى­سىنىڭ باستاماسىمەن قولعا الىنىپ جات­قان ساياسي وزگەرىستەر «اۋىل» پارتياسىنىڭ ساياسي ورتادا باسەكەلەستىككە قابىلەت­تىلىگىن ارتتىرىپ، جاڭا دەڭگەيگە كوتەرى­لۋىنە مۇمكىندىك تۋعىزادى دەگەن پىكىردە. باسقوسۋدا ساياسي كەڭەس تاراپىنان پارتيا­نى جاڭعىرتۋ جونىندەگى بىرنەشە ۇسىنىس­تىڭ قولداۋ تابۋى دا سول ويمەن ساباقتاسىپ جاتسا كەرەك.

«اۋىل» پارتياسىنىڭ جەتەك­شىلەرى ءبىرىنشى كەزەكتە سايلاۋ كوميسسيالارىنىڭ قۇرامىنان ءوز ىسىنە بەرىلگەن پارتيا مۇشە­لەرىن كورگىسى كەلەدى. سونىمەن قاتار، پارتيا باسشىلىعى سانى بار، ساپاسى جوق مۇشەلەرىن ۇيىم قۇرا­مىنان شىعارىپ، ولاردىڭ ور­نىن قوعامدىق ماسەلەلەرگە بەي­جاي قارامايتىن، وزىندىك ۇستا­نىمى بار ازاماتتارمەن تولىقتىرۋعا نيەتتەنىپ وتىر.

سونىمەن قاتار، «اۋىل» پارتياسىنان سايلانعان دەپۋتاتتار مەن اكىمدەردىڭ قىزمەتىن باعا­لاۋدىڭ تسيفرلىق پلاتفورماسىن قۇرۋ ماڭىزدىلىعى ايتىلدى. تسيفرلىق پلاتفورما ءاربىر دەپۋتات پەن اكىمنىڭ قىزمەتى پارتيا مۇشەلەرى مەن سايلاۋشىلار الدىندا ەسەپ بەرەتىندەي ەتىپ قۇرىلادى. بۇل تسيفرلىق پلاتفور­ما «اۋىل رەيتينگ» دەگەن اتاۋمەن 2022 جىلدىڭ 1 شىلدەسىنەن باستاپ تەستىلىك رەجىمدە ىسكە قوسىلماق.

«وتكەن جىلى پارتيالىق ءتىزىم بويىن­شا ءتۇرلى دەڭگەيدەگى ءماسليحاتتار مەن ءماجىلىس سايلاۋى ءوتتى. بۇل ءبىز ءۇشىن جاڭا تاجىريبە بولدى. ارينە، دەپۋ­تات­تىققا كانديداتتاردى ساپالى ىرىكتەۋگە ۋاقىت از بولعانىن مو­يىنداۋ كەرەك. وسىعان وراي ۇمىتكەرلەردى ىرىكتەۋ ءۇشىن تاعى ءبىر تسيفرلىق پلاتفورما – «اۋىل ازاماتى» پلاتفورماسىن قۇرۋدى ۇسىنامىن. ونىڭ كومەگىمەن كەز كەلگەن قازاقستاندىق ءوزىن تانىتىپ، ەڭبەگى مەن الەۋەتىن كورسەتە الا­دى، سونداي-اق الدا­عى سايلاۋ ناۋ­قانىندا ءوزىن پار­تيالىق رەزەرۆ­كە كانديدات رەتىن­دە ۇسىنا الادى»، دەدى پارتيا توراعاسى ءالي بەكتاەۆ.

جيىن بارىسىندا اۋىل شا­رۋاشىلىعى سالاسىن دامىتۋعا قاتىستى ماسەلەلەر، اتاپ ايتقان­دا، اۋىل شارۋاشىلىعى سالا­سىن قولداۋعا ارنالعان سۋبسيديا­لار­دىڭ ازدىعى، شارۋالاردى مەملە­كەتتىك قولداۋ تەتىكتەرىنىڭ جەتىل­دىرىلمەگەندىگى ءسوز بولدى. پارتيا ۇزاق جىلدار بويى اگروبانك قۇرۋ ماسەلەسىن كوتەرىپ كەلەدى. وسى ورايدا پارتيانىڭ ساياسي كەڭەسى پرەمەر-ءمينيستردىڭ اتىنا اگرو­ونەركاسىپتىك كەشەن­دى قولداۋعا بە­رىلەتىن سۋبسيديالار كولە­مىن ەكى ەسەگە ۇلعايتۋ جانە شاعىن جانە ورتا شارۋاشىلىقتارعا بولى­نەتىن نەسيە­لەر­دىڭ جىلدىق ۇستە­مەسىن 1-2%-دان اسىر­ماۋ تۋرالى ۇسىنىستارمەن اشىق حات جول­داماق.

ساياسي كەڭەستىڭ كەڭەيتىلگەن وتىرىسىندا «جاڭا قازاق­ستان­داعى جاڭا اۋىل» جوباسىن ىسكە اسىرۋدىڭ ماڭىزى ءسوز بولدى. بۇل جوبادا «اۋىل» پارتياسىنان سايلانعان ءماسليحات دەپۋتاتتارى مەن پارتيا دەمەۋشىلەرى تاراپىنان حالىققا ماتەريالدىق كومەك كورسەتۋ، الەۋمەتتىك جوبالاردى ىسكە اسىرۋ، اۋىلدى كورىكتەندىرۋ سياقتى ءىس-شارالار كەشەنىن جۇزەگە اسىرۋ جوسپارلانباق.

باسقوسۋ سوڭىندا «جاڭا قازاق­­ستان» تۇجىرىمداماسىنا نەگىز بولاتىن قو­عام­دىق قۇندى­لىق­تاردى قالىپتاستىرۋ بو­يىن­شا «اۋىل» پارتياسىنىڭ ۇندەۋىن پار­تيا حاتشىسى اناس باققوجاەۆ تانىس­تىردى.

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

ۇقساس جاڭالىقتار