اقتوبە توپىراعىندا قازاندىق, ۋفالىق جانە قاسىمدىق تاتارلار, نيجەگورود جانە ساراتوۆ گۋبەرنيالارىنان قونىس اۋدارعان ميشارلار تۇرادى. قازاق حالقىمەن قاشاننان قارىم-قاتىناسى قالىپتاسقان تاتارلار مەن باشقۇرتتاردىڭ تاتۋلىق تامىرى تىم تەرەڭدە جاتىر. وبلىستاعى «شاتلىق» تاتار-باشقۇرت ەتنومادەني بىرلەستىگى ۇلتارالىق تاتۋلىق پەن بىرلىكتىڭ ىرگەتاسىن بەكىتۋ باعىتىندا ءبىرقاتار شارالارعا مۇرىندىق بولۋدا.
– وبلىستا 9 مىڭنان استام تاتار تۇرادى. ءبىزدىڭ بىرلەستىككە كەلسەك, ون ءبىر ادامنان قۇرىلعان باستاماشى توپتىڭ ۇيعارىمىمەن قۇرىلىپ, رەسمي ءتۇردە 1999 جىلى تىركەلدى. بىرلەستىك قۇرۋداعى ماقسات – ۇلتتىق تامىرىنان اجىراپ بارا جاتقان كەيىنگى جاس ۇرپاققا ەتنوستىق قۇندىلىقتارىمىزدى, مادەنيەتىمىزدى ۇيرەتۋ, انا ءتىلىمىزدى ساقتاۋ جانە ءوز حالقىمىزدىڭ سالت-ءداستۇرىن دامىتۋ بولىپ تابىلادى, – دەيدى «شاتلىق» تاتار-باشقۇرت ەتنومادەني ءبىرلەستىگىنىڭ توراعاسى راۆيل قۇربانعاليەۆ.
بىرلەستىكتىڭ ۇيىتقى بولۋىمەن جاقىندا تاعى ءبىر مادەني ماڭىزى زور شارا وتكىزىلدى. «شاتلىق» تاتار-باشقۇرت ەتنومادەني بىرلەستىگى ۇيىمداستىرعان «50 جىل بىرگە» مەرەكەلىك سالتاناتتى كەشىنە جينالعاندار قاتارى كوپ بولدى. بۇل مادەني شارا «يازعى موڭنار» حالىقتىق ءان-بي ءانسامبلىنىڭ قۇرىلعانىنا 50 جىل, «شاتلىق» تاتار-باشقۇرت ەتنومادەني بىرلەستىگىنە 15 جىل, عاينان قۇرماشەۆ اتىنداعى جەكسەنبىلىك مەكتەپكە 15 جىل, «ميراس» جاستار قاناتىنىڭ قۇرىلعانىنا 10 جىل تولۋىنا ارنالىپ وتكىزىلدى. سالتاناتتى كەشكە تاتارستاننان, باشكۇرتستاننان شاقىرۋلى قوناقتار جانە قازاقستاننىڭ ءتۇرلى ەتنومادەني بىرلەستىكتەرىنىڭ ۇجىمدارى قاتىستى. كەش شىمىلدىعى دوستىق ءۇيى جانىنداعى «دوستىق سازى» قازاق حالىق اسپاپتارى انسامبلىنىڭ ورىنداۋىنداعى كۇيمەن اشىلدى. ودان كەيىن ساحناعا «يازعى موڭنار» تاتار حالىق ءان-بي ءانسامبلىنىڭ ورىنداۋىنداعى «پارلى بي» تاتار بيىمەن جالعاستى.
مەرەكەلىك كەشتى وبلىس اكىمىنىڭ ورىنباسارى سارا نۇرقاتوۆا ءسوز ءسويلەپ اشىپ, تاتار-باشقۇرت حالقى وكىلدەرىنىڭ وڭىردەگى وزگە ۇلتتارمەن ءبىرگە ەلىمىزدىڭ, ايماقتىڭ ەكونوميكالىق-الەۋمەتتىك, مادەني دامۋىنا ەلەۋلى ۇلەس قوسىپ كەلە جاتقانىنا توقتالدى جانە تاتۋلىق پەن ءوزارا ىنتىماقتاستىقتى نىعايتۋعا دا اتسالىسىپ جۇرگەنىن جەتكىزدى. ۇلتتار مەن ۇلىستار اراسىنداعى دوستىقتى نىعايتۋعا باعىتتتالعان شارالاردىڭ ءبىرى بۇگىنگى مەرەكەلىك كەش ەكەنىن اتاپ ءوتتى. مەرەكەلىك كەشكە تاتارستان رەسپۋبليكاسىنىڭ قازاقستان رەسپۋبليكاسىنداعى وكىلەتتى وكىلى ايرات حاسانوۆتىڭ, شەتەلدەردەگى تاتار قوعامدىق ۇيىمدارىمەن جۇمىس جونىندەگى ءبولىم باستىعى لەنارا كۋتەەۆا مەن تاتارستان رەسپۋبليكاسى ءبىلىم جانە عىلىم مينيسترلىگى حالىقتىق ءبىلىم بەرۋ باسقارماسىنىڭ باستىعى دەنيس شاكيروۆتىڭ قاتىسۋى جانە ولاردىڭ ەڭبەك پەن قوعامدىق جۇمىستا وزىپ شىققان ءبىر توپ ازاماتتى ماراپاتتاۋى شارانىڭ سالتاناتىن ارتتىرا ءتۇستى.
تاتارستان رەسپۋبليكاسىنىڭ ەڭبەك سىڭىرگەن ءارتىسى فاتحي فەرديناندتىڭ ورىنداۋىنداعى تاتار حالقىنىڭ ءانى دە جينالعان جۇرتشىلىقتى ءبىر سەرپىلتىپ تاستادى. مەرەكەلىك كەشتە تاتار, باشقۇرت جانە قازاق حالىقتارىنىڭ اندەرى شىرقالىپ, بيلەرى بيلەندى. شاراعا جينالعاندار ادەمى دەمالىپ, رۋحاني ءلاززات الىپ قايتتى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
– وبلىستا 9 مىڭنان استام تاتار تۇرادى. ءبىزدىڭ بىرلەستىككە كەلسەك, ون ءبىر ادامنان قۇرىلعان باستاماشى توپتىڭ ۇيعارىمىمەن قۇرىلىپ, رەسمي ءتۇردە 1999 جىلى تىركەلدى. بىرلەستىك قۇرۋداعى ماقسات – ۇلتتىق تامىرىنان اجىراپ بارا جاتقان كەيىنگى جاس ۇرپاققا ەتنوستىق قۇندىلىقتارىمىزدى, مادەنيەتىمىزدى ۇيرەتۋ, انا ءتىلىمىزدى ساقتاۋ جانە ءوز حالقىمىزدىڭ سالت-ءداستۇرىن دامىتۋ بولىپ تابىلادى, – دەيدى «شاتلىق» تاتار-باشقۇرت ەتنومادەني ءبىرلەستىگىنىڭ توراعاسى راۆيل قۇربانعاليەۆ.
بىرلەستىكتىڭ ۇيىتقى بولۋىمەن جاقىندا تاعى ءبىر مادەني ماڭىزى زور شارا وتكىزىلدى. «شاتلىق» تاتار-باشقۇرت ەتنومادەني بىرلەستىگى ۇيىمداستىرعان «50 جىل بىرگە» مەرەكەلىك سالتاناتتى كەشىنە جينالعاندار قاتارى كوپ بولدى. بۇل مادەني شارا «يازعى موڭنار» حالىقتىق ءان-بي ءانسامبلىنىڭ قۇرىلعانىنا 50 جىل, «شاتلىق» تاتار-باشقۇرت ەتنومادەني بىرلەستىگىنە 15 جىل, عاينان قۇرماشەۆ اتىنداعى جەكسەنبىلىك مەكتەپكە 15 جىل, «ميراس» جاستار قاناتىنىڭ قۇرىلعانىنا 10 جىل تولۋىنا ارنالىپ وتكىزىلدى. سالتاناتتى كەشكە تاتارستاننان, باشكۇرتستاننان شاقىرۋلى قوناقتار جانە قازاقستاننىڭ ءتۇرلى ەتنومادەني بىرلەستىكتەرىنىڭ ۇجىمدارى قاتىستى. كەش شىمىلدىعى دوستىق ءۇيى جانىنداعى «دوستىق سازى» قازاق حالىق اسپاپتارى انسامبلىنىڭ ورىنداۋىنداعى كۇيمەن اشىلدى. ودان كەيىن ساحناعا «يازعى موڭنار» تاتار حالىق ءان-بي ءانسامبلىنىڭ ورىنداۋىنداعى «پارلى بي» تاتار بيىمەن جالعاستى.
مەرەكەلىك كەشتى وبلىس اكىمىنىڭ ورىنباسارى سارا نۇرقاتوۆا ءسوز ءسويلەپ اشىپ, تاتار-باشقۇرت حالقى وكىلدەرىنىڭ وڭىردەگى وزگە ۇلتتارمەن ءبىرگە ەلىمىزدىڭ, ايماقتىڭ ەكونوميكالىق-الەۋمەتتىك, مادەني دامۋىنا ەلەۋلى ۇلەس قوسىپ كەلە جاتقانىنا توقتالدى جانە تاتۋلىق پەن ءوزارا ىنتىماقتاستىقتى نىعايتۋعا دا اتسالىسىپ جۇرگەنىن جەتكىزدى. ۇلتتار مەن ۇلىستار اراسىنداعى دوستىقتى نىعايتۋعا باعىتتتالعان شارالاردىڭ ءبىرى بۇگىنگى مەرەكەلىك كەش ەكەنىن اتاپ ءوتتى. مەرەكەلىك كەشكە تاتارستان رەسپۋبليكاسىنىڭ قازاقستان رەسپۋبليكاسىنداعى وكىلەتتى وكىلى ايرات حاسانوۆتىڭ, شەتەلدەردەگى تاتار قوعامدىق ۇيىمدارىمەن جۇمىس جونىندەگى ءبولىم باستىعى لەنارا كۋتەەۆا مەن تاتارستان رەسپۋبليكاسى ءبىلىم جانە عىلىم مينيسترلىگى حالىقتىق ءبىلىم بەرۋ باسقارماسىنىڭ باستىعى دەنيس شاكيروۆتىڭ قاتىسۋى جانە ولاردىڭ ەڭبەك پەن قوعامدىق جۇمىستا وزىپ شىققان ءبىر توپ ازاماتتى ماراپاتتاۋى شارانىڭ سالتاناتىن ارتتىرا ءتۇستى.
تاتارستان رەسپۋبليكاسىنىڭ ەڭبەك سىڭىرگەن ءارتىسى فاتحي فەرديناندتىڭ ورىنداۋىنداعى تاتار حالقىنىڭ ءانى دە جينالعان جۇرتشىلىقتى ءبىر سەرپىلتىپ تاستادى. مەرەكەلىك كەشتە تاتار, باشقۇرت جانە قازاق حالىقتارىنىڭ اندەرى شىرقالىپ, بيلەرى بيلەندى. شاراعا جينالعاندار ادەمى دەمالىپ, رۋحاني ءلاززات الىپ قايتتى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
