سەنات دەپۋتاتى ۆلاديمير ۆولكوۆ رەفەرەندۋمدى تاۋەلسىزدىك تاريحىنداعى ەلىمىزدە جۇرگىزىلىپ جاتقان وزگەرىستەردىڭ جاڭا كەزەڭى جانە «حالىق ۇنىنە قۇلاق اساتىن مەملەكەت» قاعيداسىنىڭ ناقتى كورىنىسى دەپ بىلەدى.
«كونستيتۋتسياعا ەنگىزىلەتىن وزگەرىستەردە دەموكراتيالىق قايتا قۇرۋعا دەگەن ادالدىقتى كورسەتەتىن ماڭىزدى ساياسي رەفورمالار بار ەكەنىن اتاپ وتكەن ءجون. شىن مانىندە جاڭا وزگەرىستەر مەملەكەتتىلىكتىڭ جاڭا ۇلگىسى – جاڭا قازاقستاندى دامىتۋعا سەرپىن بەرەدى جانە قازاقستان ازاماتتارى رەسپۋبليكالىق رەفەرەندۋمدا ماڭىزدى شەشىم قابىلدايتىن بولادى», دەيدى دەپۋتات ۆلاديمير ۆولكوۆ.
سەناتور ولگا بۋلاۆكينا قازىرگى كەزدە قازاقستاندا بولىپ جاتقان رەفورمالار ەلەۋلى ساياسي ترانسفورماتسيانى تالاپ ەتەتىنىن اتاپ ءوتتى.
«قازاقستاندىق قوعامىنىڭ قۋاتتىلىعى, ونىڭ ءپرينتسيپتى ۇستانىمدارى قاڭتار وقيعاسىنان كەيىن باستاۋ العان قازاقستاننىڭ جاڭا تاريحي كەزەڭىنىڭ كورىنىسى بولادى. ازاماتتاردىڭ ەركىن بىلدىرۋىنە نەگىزدەلگەن جالپىحالىقتىق رەفەرەندۋم – ەل پرەزيدەنتى جۇرگىزىپ وتىرعان ساياسي قايتا قۇرۋدىڭ ايتۋلى جەتىستىكتەرىنىڭ ءبىرى, قوعامدى دەموكراتيالاندىرۋدى نىعايتۋعا باعىتتالعان قادامدار رەتتىلىگىنىڭ كورىنىسى», دەدى سەناتور ولگا بۋلاۆكينا.
