«ەلەكتر ەنەرگەتيكاسى تۋرالى» زاڭنىڭ 15-6 بابىنا سايكەس «كوكشەتاۋ قالاسىندا جەو سالۋ» جوباسى بويىنشا جاڭادان پايدالانۋعا بەرىلەتىن گەنەراتسيالايتىن قوندىرعىلاردى (جاڭا ەلەكتر ستانتسياسى) سالۋعا تەندەر وتكىزەدى. جاڭا جىلۋ-ەلەكتر ورتالىعى ەلەكتر جانە جىلۋ ەنەرگياسىن ءوندىرۋ ءۇشىن سالۋ جوسپارلانعان» دەپ جازىلعان حابارلامادا.
ازىرلەنگەن تەحنيكالىق-ەكونوميكالىق نەگىزدەمەگە (تەن) سايكەس جاڭا ەلەكتر ستانتسياسىنىڭ تالاپ ەتىلەتىن تەحنيكالىق پارامەترلەرى: ەلەكتر قۋاتى – كەمىندە 240 مۆت; جىلۋ قۋاتى – كەمىندە 520 گكال/ساع. جىلۋ-ەنەرگيا ورتالىعىنىڭ قۇرىلىسىن 2 كەزەڭگە ءبولۋ قاراستىرىلادى. تەن-دە كورسەتىلگەن تەحنيكالىق سيپاتتامالار بويىنشا تولىق اقپاراتپەن تانىسۋ ءۇشىن وسى سىلتەمەگە ءوتۋ قاجەت.
تەندەر «ەلەكتر ەنەرگەتيكاسى تۋرالى» قر زاڭىنا جانە جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا تەندەر وتكىزۋ قاعيدالارىنا سايكەس وتكىزىلەتىن بولادى. «تەندەردى وتكىزۋ جانە جوبانى ىسكە اسىرۋعا قاتىستى سۇراقتاردى 2022 جىلدىڭ 31 مامىرىنا دەيىن بايلانىس تەلەفونى 87172 74-06-03, 87172 74-11-55 نەمەسە a.tukenov@energo.gov.kz جانە murat.abulkalykov@energo.gov.kz ەلەكتروندىق پوشتاسىنا جىبەرۋلەرىڭىزدى سۇرايمىز», دەلىنگەن قازاقستان رەسپۋبليكاسى ەنەرگەتيكا مينيسترلىگىنىڭ ءباسپاسوز قىزمەتىنىڭ حابارلاماسىندا.
