شارانىڭ اشىلۋىنا نۇر-سۇلتان قالاسىنىڭ دەنە شىنىقتىرۋ جانە سپورت باسقارماسىنىڭ باسشىسى سامات سابيت ۇلى جانە نۇر-سۇلتان قالاسىنىڭ جاستار ساياساتى ماسەلەلەرى باسقارماسى باسشىسى قايرات قامباروۆ قاتىسىپ, سپورتشىلارعا ساتتىلىك تىلەدى.
«بۇگىن نۇر-سۇلتان قالاسىنىڭ جوعارى وقۋ ورىندارى ستۋدەنتتەرىنىڭ اراسىندا جىل سايىنعى «ۋنيۆەرسيادا» باستالدى. بيىلعى ۋنيۆەرسيادا قازاقستان رەسپۋبليكاسىنىڭ مەملەكەتتىك رامىزدەرىنە 30 جىلدىعىنا ارنالىپ وتىر. ەلوردانىڭ 9 جوعارى وقۋ ورنىنىڭ ستۋدەنتتەرى سپورتتىڭ 4 ءتۇرى بويىنشا ءوزارا باسەكەگە تۇسەتىن بولادى. ەلوردادا ۋنيۆەرسيادا ەلىمىزدىڭ تاۋەلسىزدىك العان كۇنىنەن باستاپ 31-رەت وتكىزىلىپ كەلەدى.
ۋنيۆەرسيادانىڭ ماقساتى جاستار مەن جاسوسپىرىمدەردى سپورتقا ىڭتالاندىرۋ, سالاۋاتتى ءومىر سالتىن ناسيحاتتاۋ, بۇقارالىق سپورتتى دامىتۋ, سول سياقتى جاستاردىڭ بەلسەندىلىگىنىڭ دامۋىنا ىقپال ەتۋ.
جارىس سونىڭدا ۋنيۆەرسيادانىڭ قورىتىندىسى شىعارىلىپ, جەڭىمپازدار مەن جۇلدەگەرلەر ماراپاتتالاتىن بولادى», دەيدى نۇر-سۇلتان قالاسىنىڭ دەنە شىنىقتىرۋ جانە سپورت باسقارماسىنىڭ باسشىسى سامات جىلقىباەۆ.
ەلوردانىڭ 9 ۋنيۆەرسيتەتى, ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى, س.سەيفۋللين اتىنداعى قازاق اگروتەحنيكالىق ۋنيۆەرسيتەتى, استانا مەديتسينا ۋنيۆەرسيتەتى, قازاق تەحنولوگيا جانە بيزنەس ۋنيۆەرسيتەتى, قازاق ەكونوميكا, قارجى جانە حالىقارالىق ساۋدا ۋنيۆەرسيتەتى, تۇران - استانا ۋنيۆەرسيتەتى مەن م.س. نارىكباەۆ اتىنداعى كازگيۋ ۋنيۆەرسيتەتىنىڭ ستۋدەنتتەرى مەن ماگيسترانتتارى ۇزدىك سپورت كومانداسى اتاعى ءۇشىن تالاسادى.
«ۋنيۆەرسيادا» جارىسىنا بيىل 120-عا جۋىق جوعارى وقۋ ورنىنىڭ ستۋدەنتتەرى سپورتتىڭ 4 تۇرىنەن سىنعا ءتۇستى.
ولار:
-
ستريتبول (ۇلدار-قىزدار)
• اسىق اتۋ (ۇلدار), بەس اسىق (قىزدار)
• قول كۇرەس 10 سالماق بويىنشا (55, 60, 65, 70, 75, 80, 85, 90, 100, +100 كگ)
• جازعى پرەزيدەنتتىك كوپسايىس ء(بىر ورىننان ۇزىندىققا سەكىرۋ جانە 100 مەتر ۋاقىتقا جۇگىرۋ: ۇزاق قاشىقتىققا جۇگىرۋ (ەرلەر – 300 م) جانە (ايەلدەر – 2000 م).
«نۇر-سۇلتان قالاسىنىڭ نامىسىن قورعايتىن قۇرمەت كەز-كەلگەن كومانداعا تاپسىرماسى انىق. ەڭ ماڭىزدىسى, الماتى قالاسىندا وتەتىن رەسپۋبليكالىق دارەجەدەگى جارىستى ابىرويمەن قورعاپ, جەڭىسپەن ورالۋ. بۇگىن مىنە وزدەرىڭىز كۋا بولعانداي, الدا وتەتىن رەسپۋبليكالىق ۋنيۆەرسياداعا قازاتۋ ۋنيۆەرسيتەتى جولداما الدى. بارشا جەڭىمپازدار مەن جۇلدەگەرلەردى شىن جۇرەكتەن قۇتتىقتايمىن! جۇلدەلەرىڭىز قۇتتى بولسىن!» دەدى نۇر-سۇلتان قالاسىنىڭ جاستار ساياساتى ماسەلەلەرى باسقارماسى باسشىسى قايرات قامباروۆ.
ايتا كەتەيىك, جارىستاردىڭ العاشقى لەگى ءساۋىر ايىندا قىزدار اراسىندا ۆولەيبول ويىنىمەن باستالعان بولاتىن.
ۋنيۆەرسيادا قورىتىندىسى بويىنشا, جالپى كوماندالىق ەسەپتە 1-ورىندى ساكەن سەيفۋللين اتىنداعى قازاق اگروتەحنيكالىق ۋنيۆەرسيتەتى يەلەنسە, تۇران استانا ۋنيۆەرسيتەتى 2-ورىندى قانجىعاسىنا بايلادى. ال ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى 3-ورىنعا جايعاستى.
