«كونستيتۋتسياعا ەنگىزىلەتىن وزگەرىستەر قازىر كونستيتۋتسيالىق كەڭەستە. پرەزيدەنت ارنايى جيىن وتكىزگەنىن بىلەسىزدەر. سول جيىندا ءبارىن تالقىلاپ, جۇمىس توبىنىڭ ەسەبىن تىڭدادى, سودان كەيىن كونستيتۋتسيالىق كەڭەسكە جىبەردى. كونستيتۋتسيالىق كەڭەس سول جوبانى جاريالادى. جۇمىس توبى قانداي باپتار ۇسىنىپ وتىرعانىن جاقسى بىلەسىزدەر. سونىڭ ىشىندە قازىر ءسىز سۇراپ وتىرعان باپ ەلباسىنىڭ مارتەبەسى تۋرالى عوي. بۇل جەردە ەلباسىنىڭ مارتەبەسى, ارتىقشىلىقتارى الىنىپ تاستالدى. تەك قانا وسى مەملەكەتتىڭ نەگىزىن قالاۋشى دەگەن تاريحي ءرولى عانا سول كونستيتۋتسيادا قالدى. ال بۇل نورما قابىلدانعانننان كەيىن تۇڭعىش پرەزيدەنت تۋرالى كونستيتۋتسيالىق زاڭ كۇشىن جويادى دەپ كۇتىلۋدە», دەدى ءماجىلىس سپيكەرى باق وكىلدەرىنە ءباسپاسوز الاڭىندا بەرگەن سۇحباتىندا.
«كونستيتۋتسياداعى ەكس-پرەزيدەنت تۋرالى نورما بۇرىنعى پرەزيدەنتكە قانداي قۇزىرەتتەر بەرەدى؟» دەپ سۇرادى باق وكىلدەرى.
«بىرىنشىدەن, ار-نامىسى مەن ابىرويىن قورعاۋعا قۇزىرەت بەرەدى. ەكىنشىدەن, الەۋمەتتىك جاعىنان قورعاۋ, زەينەتاقىسى بار, كولىگى بار, كۇزەتى بار, وسى ماسەلەلەردى قامتاماسىز ەتۋ مەملەكەت تاراپىنان. وسىنداي قۇزىرەت بەرىلەدى», دەدى ەرلان قوشانوۆ.
