كوللاجدى جاساعان امانگەلدى قياس, «ەQ»
«ForteBank اق بويىنشا رەيتينگ تە «تۇراقتى» بولجامىمەن «ۆا2» دەڭگەيىندە راستالدى. بۇل كاپيتالداندىرۋ, پايدا تابۋ مەن وتىمدىلىكتىڭ ناتيجەسىندە بانكتىڭ ينفلياتسيانىڭ ارتۋى جانە قارجى نارىقتارىنداعى جاعدايدىڭ قيىنداۋى اياسىندا ورىن الۋى مۇمكىن اكتيۆتەر ساپاسىنىڭ ىقتيمال السىرەۋ تاۋەكەلدەرىن ءتيىمدى باسقارا الاتىنىن بىلدىرەدى. سونداي-اق Moody’s «قازاقستاننىڭ دامۋ بانكى» اق-تىڭ ۇزاق مەرزىمدى رەيتينگىن «ۆاا2» دەڭگەيىندە راستادى. رەيتينگ بويىنشا بولجام «تۇراقتى» بولىپ وزگەرتىلدى. قدب رەيتينگتەرىنىڭ «Baa2» دەڭگەيىندە راستالۋى «بايتەرەك» حولدينگى ارقىلى «قازاقستان ۇكىمەتى تاراپىنان بانكتى ىقتيمال سىرتقى قولداۋىنا قاتىستى بەلگىسىزدىكتىڭ ازايعانىن كورسەتەدى». Moody’s بەلگىسىزدىكتىڭ تومەندەۋىنىڭ دامۋ ينستيتۋتى جۇزەگە اسىرىپ جاتقان ترانسفورماتسيالىق وزگەرىستەرمەن, اتاپ ايتقاندا جوعارى باسشىلىق قۇرامىنداعى كادرلاردىڭ وزگەرۋىمەن, سونداي-اق كرەديتتىك ساياساتتى قايتا باعدارلاۋمەن بايلانىستى دەپ تۇسىندىرەدى», دەپ مالىمدەدى قارجى نارىعىن رەتتەۋ جانە دامىتۋ اگەنتتىگى.
Moody’s-ءتىڭ ءبىزدىڭ بانكتەردىڭ جاعدايىن «تۇراقتى» بولجامىمەن راستاۋى – وتاندىق قارجى ينستيتۋتتارىندا ورنىقتى كىرىستىلىك پەن جوعارى وتىمدىلىكتىڭ بار ەكەنىن اڭعارتادى. اگەنتتىكتىڭ حابارلاۋىنشا, قازىرگى ۋاقىتتا قازاقستاننىڭ بانك سەكتورىندا ۇزدىكسىز قىزمەتتى قامتاماسىز ەتۋ جانە بانك قىزمەتتەرىنىڭ تولىق تىزبەسىن كورسەتۋ ءۇشىن مەنشىكتى كاپيتال مەن وتىمدىلىكتىڭ ەداۋىر قورى بار.
بانكتەر اگەنتتىكپەن بىرلەسىپ ۇزاق مەرزىمدى تۇراقتىلىقتى قامتاماسىز ەتۋ بويىنشا ونىڭ ىشىندە بانكتەردىڭ كەڭەيتىلگەن ءتىزىمى بويىنشا 2022 جىلدان باستاپ جىل سايىنعى نەگىزدە جوسپارلانعان تولىق اۋقىمدى قاداعالاپ سترەسس-تەستىلەۋ شەڭبەرىندە جۇيەلى جۇمىس جۇرگىزىپ جاتىر.
«قاداعالاپ سترەسس-تەستىلەۋدى تولىققاندى ەنگىزۋ بانكتەردەگى تاۋەكەلدەردى باسقارۋدىڭ ىشكى پروتسەستەرىن جاقسارتادى, سونداي-اق 2023 جىلدان باستاپ ەكونوميكا دامۋىنىڭ سترەستىك ستسەناريلەرىن ىسكە اسىرعان جاعدايدا ىقتيمال شىعىنداردى جابۋ ءۇشىن جەتكىلىكتى دەڭگەيدە كاپيتال بويىنشا تالاپتاردى قالىپتاستىرۋعا مۇمكىندىك بەرەدى, بۇل قازاقستاندىق بانكتەردىڭ رەيتينگتەرىن ودان ءارى جاقسارتۋعا ىقپال ەتەتىن بولادى», دەپ ءتۇسىندىردى اگەنتتىك.
