زەينەتاقى جيناقتارىنىڭ نەگىزگى بولىگى مىندەتتى زەينەتاقى جارنالارى ەسەبىنەن قۇرالعان – 12,6 ترلن تەڭگە (سوڭعى 12 ايداعى ءوسىم 2,6 پايىز). مىندەتتى كاسىپتىك زەينەتاقى جارنالارى بويىنشا زەينەتاقى جيناقتارى 376,6 ملرد تەڭگەنى ء(وسىم 19,2 پايىز) قۇرادى. ال ەرىكتى زەينەتاقى جارنالارى بويىنشا زەينەتاقى جيناقتارىنىڭ جالپى كولەمى شامامەن 1,8 ملرد تەڭگەگە تەڭ.
وسى جىلدىڭ ءۇش ايىندا قور سالىمشىلارى بىلتىرعى ءدال وسى كەزەڭمەن سالىستىرعاندا 84,6 ملرد تەڭگەگە كوپ قاراجات سالعان. 2022 جىلدىڭ 1 ساۋىرىنە قاراي سالىمشىلاردىڭ شوتتارىنا شامامەن 383,5 ملرد تەڭگە كولەمىندە زەينەتاقى جارناسى ءتۇستى. بۇل 2021 جىلدىڭ سايكەس كەزەڭىندەگى كورسەتكىشتەن 28 پايىزعا ارتىق. جارنالاردىڭ جالپى كولەمىنىڭ 94,9 پايىزى مىندەتتى زەينەتاقى جارنالارىنىڭ ۇلەسىندە – 364,1 ملرد تەڭگە (سوڭعى 12 ايداعى ءوسىم 28 پايىز). مىندەتتى كاسىپتىك زەينەتاقى جارنالارى بويىنشا 19,1 ملرد تەڭگە ء(وسىم 38 پايىز) ءتۇستى. ەرىكتى زەينەتاقى جارنالارى بويىنشا 304 ملن تەڭگە ء(وسىم 87 پايىز) اۋدارىلدى.
سالىمشىلاردىڭ جارنالارىنان باسقا, زەينەتاقى جيناقتارىنىڭ ءوسىمى تازا ينۆەستيتسيالىق تابىس ارقىلى قامتاماسىز ەتىلگەن. 2022 جىلدىڭ 1 قاڭتارى مەن 1 ءساۋىرى ارالىعىندا بۇل كورسەتكىش 295,8 ملرد تەڭگەگە تەڭ بولدى.
وسى جىلدىڭ 1 ساۋىرىنە قاراي قورداعى جەكە زەينەتاقى شوتتارىنىڭ سانى 11,7 ملن بىرلىككە جەتتى. شوتتاردىڭ ەڭ كوپ ۇلەسى مىندەتتى زەينەتاقى جارنالارى ەسەبىنەن اشىلدى – 10 868 993 بىرلىك. مىندەتتى كاسىپتىك زەينەتاقى جارنالارى ارقىلى قالىپتاسقان شوتتار – 562 481 بىرلىك. ال ەرىكتى زەينەتاقى شوتتارى ەسەبىنەن قالىپتاسقان شوتتار سانى قازىر 69 188 بىرلىككە تەڭ.
جىل باسىنان بەرى قور ءوز سالىمشىلارىنا 886,7 ملرد تەڭگە تولەگەن. ونىڭ باسىم بولىگىن تۇرعىن ءۇي جاعدايىن جاقسارتۋ جانە ەمدەۋ ماقساتتارىنا ارنالعان بىرجولعى زەينەتاقى تولەمدەرى قۇرايدى – 822,1 ملرد تەڭگە. جاسىنا بايلانىستى تولەمدەر – 26,8 ملرد تەڭگە, مۇراگەرلىك بويىنشا تولەمدەر – 16,9 ملرد تەڭگە, قازاقستان شەگىنەن تىس تۇراقتى تۇرۋعا كەتۋگە بايلانىستى تولەمدەر – 12 ملرد تەڭگە, ساقتاندىرۋ ۇيىمدارىنا اۋدارىمدار – شامامەن 6,9 ملرد تەڭگە, جەرلەۋگە ارنالعان تولەمدەر – 1,4 ملرد تەڭگە جانە مۇگەدەكتىك بويىنشا تولەمدەر – 0,6 ملرد تەڭگە.
بىرىڭعاي جيناقتاۋشى زەينەتاقى قورىنان كەستە بويىنشا اي سايىنعى ورتاشا تولەم (زەينەت جاسىنا تولۋىنا بايلانىستى) 29 372 تەڭگەنى, ال اي سايىنعى ەڭ جوعارى تولەم 707 326 تەڭگەنى قۇرادى.
