جۋرناليستيكا مەكتەپتەرى ستۋدەنتتەرىنىڭ پاندىك وليمپياداسى اياسىندا ۇيىمداستىرىلعان سالتاناتتى جيىنعا تۇركىستان وبلىسى اكىمىنىڭ ورىنباسارلارى مەن باسقارما باسشىلارى, جوعارى وقۋ ورىندارىنىڭ رەكتورلارى, 30 جوبانىڭ سەرىكتەس مەكەمەلەرى, قوعامدىق جانە ۇكىمەتتىك ەمەس ۇيىمداردىڭ وكىلدەرى, وبلىستىق, قالالىق ارداگەرلەر كەڭەسى مەن اقساقالدار القاسىنىڭ وكىلدەرى, قالا تۇرعىندارى, ۋنيۆەرسيتەت ۇجىمى مەن ستۋدەنتتەر قاتىستى.
ۋنيۆەرسيتەت رەكتورى جانار تەمىربەكوۆا وقۋ ورنىنىڭ قۋانىشىنا ورتاقتاسىپ كەلگەن ءاربىر جانعا ريزاشىلىعىن ءبىلدىرىپ, 30 جوبانىڭ ماقساتتارى مەن مىندەتتەرىنە توقتالدى.
«ۋنيۆەرسيتەتتىڭ نەگىزگى ميسسيالارى – ءبىلىم بەرۋ جانە عىلىم-يننوۆاتسيانى دامىتۋ. بىراق تاعى ءبىر ماڭىزدى ميسسيا بار – قوعامعا پايدالى بولۋ. بۇگىن سىزدەرگە تانىستىرعالى وتىرعان 30 جوبا وسى يدەيا نەگىزىندە پايدا بولعان. سان سالانى قامتيتىن بۇل جوبالاردىڭ ماقساتى: ۋنيۆەرسيتەتتىڭ ماتەريالدىق-تەحنيكالىق بازاسىن نىعايتۋ, ءبىلىم بەرۋ ساپاسى مەن عىلىمي الەۋەتتى جانە وبلىس پەن قالا حالقىنىڭ كاسىبي بىلىكتىلىگىن ارتتىرۋ», دەدى رەكتور.
ال رەكتور وكىلى جەنگيز تومار مەن ۆيتسە-رەكتورلار ءار جوبانى جەكە تانىستىردى. جوبا تۋرالى يدەيا قايدان شىققانى, قانشا قاراجات كەتكەنى, قانداي سەرىكتەستەرمەن جۇمىس اتقارىلعانى تۋرالى تولىق ءارى اشىق اقپارات بەردى.
ماڭىزدى 30 جوبا قۇرامىندا «انا جۇرتتان اتا جۇرتقا – دەنساۋلىق كوپىرى», «انا جۇرتتان اتا جۇرتقا – ءبىلىم كوپىرى: 100 وقۋلىق», «انا جۇرتتان اتا جۇرتقا – «التىن بىلەزىك» كاسىبي ءبىلىم كۋرستارى» جانە تەولوگيا فاكۋلتەتىن اشۋ, «ياساۋي كوكتەمگى مەكتەبى», «تۇراقتى دامۋ عىلىمي-زەرتتەۋ ورتالىعى», ۋنيۆەرسيتەتتىڭ 300 ستۋدەنتىنىڭ تۇركيا رەسپۋبليكاcىنا جازعى مەكتەپكە جىبەرىلۋى, 100 ستۋدەنتتىڭ تۇركيادا تۋريزم سالاسى بويىنشا تاعىلىمدامادان ءوتۋى سىندى جانە تاعى باسقا دا ماڭىزدى جوبالار بار. قازىرگى تاڭدا بۇل جوبالار كەزەڭ-كەزەڭىمەن جۇزەگە اسىرىلىپ كەلەدى.
تانىستىرىلىم ءراسىمى كونتسەرتتىك باعدارلاما فورماتىندا ءوتىپ, ونەرپازدار بي بيلەدى, ءان ايتتى, اسپاپتاردا ويناپ, كۇي تارتتى.
