مەديتسينا • 25 ءساۋىر، 2022

كوش باستاعان كلينيكا

59 رەت كورسەتىلدى

بۇگىنگى مەديتسينانىڭ ءىشىنارا بولسا دا ادام تانىماستاي وزگەرگەنىن مويىنداۋ كەرەك. ۋاقىتتىڭ تالابىنا ساي قىزمەت ەتۋدى باستى ماقسات قىلعان بۇل سالاداعى وڭ وزگەرىستەر، سەرپىندى جوبالار سۇيسىندىرمەي قويمايدى. جاسىراتىنى جوق، قازىرگى تاڭدا مەديتسينالىق قىزمەتكە تابىستى كاسىپتىڭ كوزى رەتىندە قاراۋ تۋراسىنداعى كوزقاراستىڭ دا بەتى بەرى قاراعان. ياعني الەمدىك ءۇردىستىڭ كوشىنە ىلەسكەن ءبىزدىڭ مەديتسينانى دا جارقىن بولاشاق كۇتىپ تۇر دەپ سەنىممەن ايتۋعا بولادى.

جوعارىدا ايتىلعان وزگەرىستەرگە مىسالدى الىستان ىزدەپ كەرەگى دە جوق. كەنشىلەر استاناسىنداعى «مي­راس» اتتى جەكەمەنشىك كلي­ني­كانىڭ اشىلعانىنا بيىل ءتورت جىلعا جۋىق ۋاقىت بولدى. بۇگىن­دە بۇل مەديتسينالىق مەكەمە ما­تەريال­دىق-تەحنيكالىق تۇرعىدا جاراق­تان­دىرىلۋ، بىلىكتى كادرلارمەن تو­لىق­تىرىلۋ جانە ساپالى قىزمەت كور­سەتۋ جاعىنان كوش باستاۋشىلار قا­تارىندا تۇر.

مىنە، وسى جۇمىستاردىڭ ءبارىن ۇيلەس­تىرىپ وتىرعان بىلىكتى دە تا­جىري­­بەلى باسشى، دەنساۋلىق ساق­تاۋ سالاسىنىڭ ۇزدىگى روزا سابيتول­لاقىزى رازيەۆا دەپ سەنىم­مەن اي­تۋ­عا بولادى. مەديتسينا سالا­سى­نىڭ مايتالمان مامانى بۇل كليني­كانى قابىرعاسى قالانعاننان بەرى باس­قارىپ كەلەدى. ال وعان دەيىن قارا­عان­دى­دا­عى №1 ەمحانانىڭ ديرەكتورى بولىپ 2004 جىلدان باستاپ 2020 جىلعا دەيىن جەمىستى ەڭبەك ەتتى.

روزا سابيتوللاقىزى باس­قار­عان جىلدارى اتالعان ەمحانا رەس­­­پۋب­لي­كاداعى توپ-5 ەمدەۋ مە­كە­­­مە­لە­رىنىڭ قاتارىنا ەندى. ال 2013 جىلى №1 ەمحانا وبلىستا العاش­قى­لاردىڭ ءبىرى بولىپ مە­دي­تسي­نالىق ۇيىمداردىڭ حا­لىق­ارالىق اككرەديتاتسياسىنان وتكەن بولاتىن.

جالپى، روزا رازيەۆانىڭ «مي­راس» كلينيكاسىنىڭ دۇنيەگە كەلۋىنە تىكەلەي قاتىسى بار. «2018 جىلى ماعان جەكە كاسىپكەر داۋلەت مىرزاعاليەۆ ەسىمدى ازامات كەلىپ جولىقتى، – دەپ ەسكە الادى روزا سابيتوللاقىزى. – ول ءوزىنىڭ مەديتسينا سالاسىنا ينۆەستيتسيا سالعىسى كەلەتىنىن ايتىپ، مەنەن اقىل-كەڭەس سۇرادى. ماعان بۇل يدەيا قاتتى ۇنادى. سودان شامام كەلگەنشە ول ازاماتقا ءوزىمنىڭ وي-پىكىرىمدى ايتىپ، اقىل-كەڭەسىمدى بەرىپ، مەديتسينا سالاسىنىڭ قىر-سىرى تۋرالى بىلەتىن بار ماعلۇماتپەن ءبولىستىم. داۋلەت مىرزاعاليەۆ شارۋانىڭ ەبىن بىلەتىن كاسىپكەر بولىپ شىقتى. ول ءوزىنىڭ ارىپتەستەرىمەن بىرگە از عانا ۋاقىتتىڭ ىشىندە ءۇش قاباتتى عيماراتتى سالىپ، كلينيكانى پاي­دا­لانۋعا بەردى».

ۆ

ايتا كەتۋ كەرەك، كاسىپكەر مە­ديتسي­نالىق نىساندى مەملەكەت-جەكەمەنشىك ارىپتەستىگى نەگىزىندە ەمەس، تازا ءوز قاراجاتىنا سالدى. عي­مارات قۇرىلىسى اياقتالعان سوڭ، كلينيكا ءىشى زاماناۋي مەديتسي­نا­لىق قۇر­ال-جابدىقتارمەن جاراقتان­دىرىلدى. سونان كەيىنگى ماسەلە مەكەمەگە باسشى تاۋىپ، ءىشىن مەديتسي­نا­لىق قىزمەتكەرلەرمەن تولىقتىرۋ بولدى. البەتتە، تاڭداۋ بىردەن روزا رازيەۆاداي ۇيىمداستىرۋشىلىق قابىلەتى زور، ءوز ءىسىنىڭ بىلگىر مامانىنا تۇسكەن ەدى.

­«ميراس» كلينيكاسىنا­ ­كە­­­­لەر­­دە تا­­جىري­بەلى باسشى­ قۇ­رىل­­تاي­شىلارعا بىرقاتار تالاپ قوي­دى. مەديتسينالىق قىز­مەت­كەر­لەر­گە ار­نالعان الەۋمەت­تىك پاكەت تولىق ساق­تالماسا، بۇل كلينيكاعا بىردە-ءبىر ماماننىڭ كەلمەيتىنى ايتىلدى. وسى جانە بۇدان دا باسقا تالاپ-تىلەكتى قۇرىلتايشىلار قۇپ كورگەن سوڭ، روزا سابيتوللاقىزى قىزمەتكە كىرىسكەن. ءبىر قىزىعى، №1 ەمحانانىڭ ۇجىمى باستىعىنا باۋىر باسىپ كەتكەن بولۋ كەرەك، تۇ­گەلدەي جاڭا نىسان – «ميراس» كلي­نيكاسىندا جۇمىس ىستەۋگە تىلەك ءبىلدىردى. ءبىر سوزبەن ايتقاندا، ەمحانا كلينيكاعا تۇتاستاي كوشىپ كەلگەن ەدى.

روزا رازيەۆانىڭ بولىمشەسى ءبىر جىلعا جۋىق ۋاقىت مەكەمەنى جالعا الىپ جۇمىس ىستەدى. ال كەلەسى جىلى كلينيكا ءوز الدىنا جەكە شىقتى. ءتىپتى عيمارات ءىشى تارلىق ەتكەننەن كەيىن، قۇرىلتايشىلار تەز ارادا عيماراتتى بيىكتەتىپ، تاعى ءبىر قاباتتى سالىپ تاستادى. سونىڭ ناتيجەسىندە قوسىمشا قۇرال-جاب­دىق­تار قويىلىپ، 26 ورىندىق كۇن­دىزگى ستاتسيونار، بىرقاتار كابينەتتەر اشۋعا مۇمكىندىك تۋدى.

بۇل كۇندە «ميراس» كلينيكاسى قولجەتىمدى قادامدىق ەمحانا قاعيداتىنا تولىقتاي ساي كەلەتىن جانە سول تالاپقا جاۋاپ بەرەتىن مەدي­تسينالىق مەكەمەگە اينالدى. كلينيكا جۇمىسىن باستاعان جىلى ورىن تەپكەن اۋماقتاعى 12 ۋچاسكە بويىنشا 22 مىڭ ادامعا قىزمەت كورسەتسە، قازىرگى ۋاقىتتا تىركەل­گەن­دەر­دىڭ سانى ەداۋىر كوبەيگەن.

قازىرگى تاڭدا «ميراس» كلينيكاسىندا 190-عا جۋىق ادام جۇمىس ىستەيدى. ونىڭ ىشىندە 40 دارىگەر، 96 مەدبيكە بار. مەديتسينالىق مەكەمەنىڭ قاراماعىندا ءۇش جەدەل جاردەم كولىگى، فەلدشەرلىك بريگادا تۇرعىندارعا ۋاقىتپەن ساناسپاي قىزمەت كورسەتەدى.

وسى ورايدا، تۇرعىندارعا مە­ديتسي­نالىق ساپالى قىزمەت كورسە­تىپ، ولاردان تەك العىس الىپ جۇرگەن مامانداردى اتاي كەتۋ ارتىق بولماس ەدى. كلينيكا ديرەكتورىنىڭ ورىنباسارى ايجان رىسبەكوۆا، ارناۋلى مە­ديتسينالىق كومەك بولىم­شەسىنىڭ مەڭ­گەرۋشىسى بايان اۋباكىروۆا، بو­لىم­شە مەڭگەرۋشىسى – جالپى تاجى­ري­بە دارىگەرى ينديرا ءجا­نادى­لوۆا، باس مەدبيبى روزا ارىس­تا­نوۆا، حيرۋرگ ساۋلە ەرعا­ليەۆا، ۋچا­س­كەلىك دارىگەرلەر باقىتگۇل دوسما­عامبەتوۆا، فەرۋزا ابدۋللا، الماگۇل مولداباەۆا، التىناي مەلدى­بەكوۆا، ياروسلاۆ يسكرا، گينەكولوگ نۇرگۇل جازىبەكوۆا، اعا بۋحگالتەر پەريزات ساعىندىقوۆا، اعا باع­دارلاماشى ايدىنگۇل باقتى­باە­ۆا جانە اعا مەدبيكە ەلميرا ءادىلوۆا سىندى ءوز ءىسىنىڭ كاسىبي ما­مان­دارى بۇل كۇندە «ميراس» كلي­ني­كاسىنىڭ مەرەيىن اسىرىپ ءجۇر.

الەۋمەتتىك پاكەت دەمەكشى، قۇ­رىلتايشىلار بەرگەن ۋادەدە تۇرىپ، ايتىلعان تىلەك-تالاپتىڭ ءبارىن دە ورىندادى. ءتىپتى كەيبىر جاع­­دايلاردا قىزمەتكەرلەرگە قو­سىمشا كومەك تۇرلەرىن دە قاراس­تىر­دى. مىسالى، ءوزىنىڭ مىندەتىنە جاۋاپكەرشىلىكپەن قاراپ، جۇمىسىن جاقسى ىستەگەن قىزمەتكەرلەرگە قو­سىمشا اقى تولەنە باستادى. جاس ماماندارعا دا ءتۇرلى قامقورلىق كورسەتىلىپ تۇرادى.

– ءبىزدىڭ كلينيكادا قاجەتتى مە­دي­تسينالىق قىزمەتكەرلەردىڭ ءبارى بار. جاس ماماندار دا كەلىپ جاتادى. دەگەنمەن ولاردىڭ اراسىندا رەزيدەنتۋراعا كەتىپ قالاتىندارى دا بولادى. سول كەزدەردە كادر تاپ­شىلىعى سەزىلىپ قالادى، – دەيدى روزا سابيتوللاقىزى.

«ميراس» كلينيكاسىنىڭ قۇرىل­تاي­شىلارى ءىستىڭ قيۋىن تاپسا، مەديتسينا سالاسى مەن بيزنەستىڭ قاتار ءومىر ءسۇرىپ، بىرگە داميتىنىن دالەلدەپ بەردى. اينالدىرعان ەكى-ءۇش جىلدىڭ ىشىندە سالىنعان ينۆەستيتسيا جەمىسىن بەرىپ، پايداسىن كورسەتە باستادى. مىسالى، تابىستىڭ بەلەسىنە شىققان كاسىپ­كەر­لەر قاراعاندىنىڭ ىرگەسىن­دەگى ۋزەنكا ەلدى مەكەنىندە سول ما­ڭايداعى 16 مىڭداي تۇرعىنعا قىزمەت كورسەتەتىن ەمحانا سالىپ، ءىشىن جوعارى ستاندارتتارعا جاۋاپ بەرەتىن مەديتسينالىق قۇرال، اپپاراتتارمەن جابدىقتاپ، مامىر ايىندا پايدالانۋعا بەرمەكشى.

قازىرگى كەزدە ساراپشىلار «مي­راس» سىندى زاتىنىڭ زاماناۋي سي­پاتى سۇيسىنتەتىن كلينيكالاردىڭ كوپ بولعانى بىزدەگى مەديتسينانىڭ مەرەيىن ءوسىرىپ، ابىروي-بەدەلىن كوتەرە تۇسەدى دەگەن پىكىر ايتادى. ول راس، ويتكەنى ساپالى جانە جو­عا­رى دارەجەدەگى مەديتسينالىق قىز­مەتكە دەگەن ادام بالاسىنىڭ سۇ­رانىسى – كۇن تارتىبىنەن ءومىرى تۇسپەيتىن تولعاقتى تاقىرىپتىڭ ءبىرى.

سوڭعى جاڭالىقتار

دوللار ارزاندادى

قارجى • بۇگىن، 15:58

ۇقساس جاڭالىقتار