Mozaik Education شەشىمىنىڭ تۇساۋكەسەرى

ءماجىلىستىڭ الەۋمەتتىك-مادەني دامۋ كوميتەتىنىڭ ءتورايىمى گۇل­نارا ىق­سانوۆانىڭ  جەتەكشىلىگىمەن كوميتەتتىڭ كەزەكتى كەڭەيتىلگەن وتى­رى­سى ءوتتى. ونىڭ جۇمىسىنا ءماجىلىس توراعاسىنىڭ ورىنباسارى داري­عا نازارباەۆا قاتىستى, دەپ حابارلادى وسى پالاتانىڭ ءباسپاسوز قىزمەتى. يننوۆاتسيالىق تسيفرلىق ءبىلىم بەرۋ Mozaik Education شەشىمىنىڭ تۇساۋكەسەرى (ۆەنگريا) جانە قازاقستان رەسپۋبليكاسىنىڭ باستاۋىش ءبىلىم بەرۋدىڭ مەملەكەتتىك جالپىعا مىندەتتى ستاندارت جوباسىنىڭ تانىستىرىلىمى جاسالدى. «Mozaik Education» (ۆەنگريا) كومپانياسى اتقارۋشى ديرەكتورىنىڭ ورىنباسارى پەتەر توروك «مەكتەپ ۇنەمى وزگەرمەلى الەمدە تابىستى بولۋعا قابىلەتتى ادامدى دايىنداۋعا تالپىنىس جاسايدى», دەپ گارۆارد ۋنيۆەرسيتەتىنىڭ (اقش) پروفەسسورى توني ۆاگنەردىڭ سوزىمەن باستاپ, اعىلشىن تىلىندە بايانداما جاسادى. قولدانىستاعى ءبىلىم بەرۋ جۇيەسىنىڭ نەگىزگى كەمشىلىكتەرى نەدە؟ ءبىلىم بەرۋ مازمۇنى, مۇعالىمنىڭ دايىن اقپاراتتى وقۋشىعا بەرۋى, وقۋشىنىڭ پاندەر بويىنشا ءبىلىم, بىلىك جانە داعدىلاردى قاراپايىم دەڭگەيدە مەڭگەرۋگە باع­دارلانۋى. ورتا ءبىلىم بەرۋ مازمۇنى نەلىكتەن جاڭارتىلۋى كەرەك؟ ساراپشىلاردىڭ پىكىرى بويىنشا, ءبىرىنشى سەبەپ – ەكو­نو­ميكالىق. بالالاردى ومىردە ءوز ورنىن تابۋعا ۇيرەتۋ كەرەك. ەكىنشى سەبەپ – مادەني. بالالاردى ءوز ۇلتىنا ءتان سەزىمىن دامىتۋعا ۇيرەتۋ كەرەك. تانىس­تىرىلىم بارىسىندا ءبىلىم جانە عىلىم ۆيتسە-ءمينيسترى ە.يمانعاليەۆ, «ح.جۇماتوۆ اتىنداعى گيگيەنا جانە ەپيدەميولوگيا عىلىمي ورتالىعى» رەسپۋبليكالىق مەملەكەتتىك قازىنالىق كاسىپورنى ديرەكتورىنىڭ ورىنباسارى ل.وراقباي, اباي اتىنداعى قازاق ۇلتتىق پەداگوگيكالىق ۋني­ۆەر­سيتەتىنىڭ پروفەسسورى, پەداگوگيكا عىلىمدارىنىڭ دوكتورى ءا.ءامىروۆا جانە قازاقستان پەداگوگيكالىق عى­لىم­دار اكادەمياسىنىڭ پرەزيدەنتى, پەداگوگيكا عىلىمدارىنىڭ دوكتورى ا.قۇسايىنوۆ ويلارىن ورتاعا سالدى. ءماجىلىس دەپۋتاتى گۇلميرا ءيسىم­باەۆا دا ءوزىنىڭ ۇزاق جىلعى ۇستازدىق ءتا­­جى­ريبەسىنەن كوتەرىلىپ وتىرعان تا­قى­رىپقا وراي ۇسىنىستارىن ءبىلدىردى.