سەسسيا اياسىنداعى جۇزدەسۋلەر

ەۋروپا كەڭەسى پارلامەنتتىك اسسامبلەياسىنداعى (ەكپا) جىل سايىنعى سەسسياسىنىڭ ەكىنشى بولىگى اياسىندا قازاقستان پارلامەنتى  دەلەگاتسياسىنىڭ جەتەكشىسى, پارلامەنت سەناتى توراعاسىنىڭ ورىنباسارى اسقار بەيسەنباەۆ ەكپا توراعاسى انن براسسەرمەن (ليۋكسەمبۋرگ) كەزدەستى, دەپ حابارلادى سەناتتىڭ ءباسپاسوز قىزمەتى. ەكپا توراعاسى ا.براسسەر قازاق­ستان پارلامەنتى مەن ەكپا اراسىنداعى ىنتىماقتاستىق تۋرالى كەلىسىمگە قول قويىلۋىنا 10 جىل تولعاندا وتكەن كەزدەسۋدىڭ ەرەكشەلىگىن اتاپ ءوتىپ, ەۋروپا كەڭەسى پارلامەنتتىك ينستيتۋتى مەن قازاقستان رەسپۋبليكاسى پارلامەنتىنىڭ اراسىنداعى ۇنقاتىسۋدىڭ ۇدەي تۇسەتىنىنە سەنىم ءبىلدىردى. سەنات توراعاسىنىڭ ورىنباسارى ەۋروپا كەڭەسىمەن ىنتىماقتاستىقتى دامىتۋ قازاقستان سىرتقى ساياساتىنداعى باسىمدىقتار قاتارىندا ەكەنىن اتاپ ءوتتى. قازاقستان پارلامەنتى مەن ەكپا اراسىنداعى ءىس-قيمىل ءوزارا تۇسىنىستىك پەن سەنىم اياسىندا دامۋدا ەكەنىن ايتىپ, قازاقستان رەسپۋبليكاسى سىرتقى ساياساتىنداعى باستامالارعا اسسامبلەيا باسشىلىعىنىڭ قولداۋ كورسەتىپ كەلە جاتقانىنا توقتالدى. ا.بەيسەنباەۆ ا.براسسەرگە قازاقستان با­س­شىسى ن.نازارباەۆ حالىققا جول­داۋىندا 2050 جىلى الەمنىڭ ەڭ دامىعان 30 ەلىنىڭ قاتارىنا كىرۋدى كوزدەيتىن «قازاقستان-2050» جاڭا مەملەكەتتىك ستراتەگياسىن جاريا ەتكەنىن جەتكىزدى. 2017 جىلى استانادا «بولاشاقتىڭ ەنەرگياسى» تاقىرىبى بويىنشا ەنەرگيا جيناقتاۋ جانە بالاما ەنەرگيا كوزدەرىن ەنگىزۋ ماسەلەلەرىنە ارنالعان دۇنيەجۇزىلىك ەكسپو-2017 مامانداندىرىلعان كورمەسى وتەدى. قازاقستان ەكولوگيالىق قاۋىپتەر مەن ەنەرگيا تاپشىلىعىنىڭ جاھاندىق ماسەلەلەرىن شەشۋگە ءوز ۇلەسىن قوسۋعا نيەتتەنىپ وتىر. ەنەرگيانىڭ بالاما كوزدەرىن دامىتۋداعى جانە جاڭا تەح­نولوگيا مەن بيووتىن وندىرۋدە يننو­ۆاتسيانى پايدالانۋداعى ليۋكسەم­بۋرگتىڭ تاجىريبەسىن ەسكەرە وتى­رىپ, قازاق­ستان رەسپۋبليكاسى پارلا­مەنتى دەلە­گا­تسياسىنىڭ جەتەكشىسى ا.بەي­سەن­باەۆ ليۋكسەمبۋرگ كومپانيالارىن كورمەگە بەلسەندى تۇردە قاتىسۋعا شاقىردى. كەزدەسۋگە سەناتورلار ۆلاديمير بوب­روۆ پەن ورىنباي راحمانبەرديەۆ قا­تىستى. سول كۇنى قازاقستاندىق دەلەگاتسيانىڭ مۇشەلەرى ەكپا-نىڭ بۇرىنعى توراعاسى, تۇركيانىڭ ەۋروپالىق وداقپەن باي­لانىستار جونىندەگى ءمينيسترى م.چا­ۆۋش­وعلۋمەن جانە ەكپا-داعى تۇرىك دەلە­گاتسياسىنىڭ مۇشەلەرىمەن كەزدەستى. م.چاۆۋشوعلۋ ساياسي تۇراقتىلىق جانە ەكونوميكالىق وركەندەۋ نەگىزىندە قازاقستاننىڭ قارقىندى دامۋىنا جوعارى باعا بەرىپ, تۇركىتىلدەس ەلدەردىڭ مويىندالعان ليدەرى رەتىندە پرەزيدەنت ن.ءا.نازارباەۆتىڭ ءرولىن اتاپ ءوتتى.