ورتالىق سايلاۋ كوميسسياسىنىڭ توراعاسى نۇرلان ءƏبدىروۆ, ورتالىق سايلاۋ كوميسسياسىنىڭ حاتشىسى مۇحتار ەرمان, سونداي-اق وسك مۇشەلەرى سəبيلا مۇستافينا مەن شاۆحات وتەمىسوۆ وتىرىسقا تالدىقورعان قالاسىنداعى جۇمىس ءىسساپارلارى بارىسىندا شاقىرىلدى.
ورتسايلاۋكوم توراعاسىنىڭ ورىنباسارى ك.پەتروۆ, وسك مۇشەلەرى ا.ششەگورتسوۆا جəنە ا.سماعۇلوۆ وتىرىسقا نۇر-سۇلتان قالاسىنان بەينەكونفەرەنتس بايلانىس رەجىمى ارقىلى قاتىستى. سونداي-اق وتىرىسقا الماتى وبلىسىنىڭ اۋماقتىق سايلاۋ كوميسسيالارىنىڭ مۇشەلەرى, الماتى وبلىسىنان سەنات دەپۋتاتتىعىنا كانديداتتار, ءوڭىردىڭ جاستارى مەن باق وكىلدەرى قاتىستى.
وتىرىستى اشقان ن.ءƏبدىروۆ وتىرىستى وسك-نىڭ كوشپەلى وتىرىسى العاش رەت وتكىزىلىپ وتىرعانىن اتاپ ءوتتى. وتىرىستا ورتسايلاۋكوم مۇشەلەرى سەنات دەپۋتاتتىعىنا كانديداتتاردى ۇسىنۋ جəنە تىركەۋ قورىتىندىلارى, پارلامەنت سەناتىنىڭ دەپۋتاتتىعىنا كانديداتتىڭ رەسپۋبليكالىق بيۋدجەت قاراجاتىنان وتەلەتىن شىعىستارىنىڭ مولشەرىن بەلگىلەۋ جəنە داۋىس بەرۋگە ارنالعان سايلاۋ بيۋللەتەندەرىن دايىنداۋ مəسەلەلەرىن ءسوز ەتتى.
وتىرىستىڭ ءبىرىنشى مəسەلەسى بويىنشا ءسوز سويلەگەن الماتى وبلىستىق سايلاۋ كوميسسياسىنىڭ توراعاسى تيمۋر ءدəۋىتوۆ ورتالىق سايلاۋ كوميسسياسىنىڭ مۇشەلەرىنە سايلاۋ ناۋقانى بارىسىندا ءوزىن-ءوزى ۇسىنۋ تəرتىبىمەن 7 كانديدات ۇسىنىلعانىن, ونىڭ ىشىندە 1 كانديداتتى پانفيلوۆ جəنە ۇيعىر اۋداندىق مəسليحاتتارى قولداعانىن باياندادى.
جەتى كانديداتتىڭ ىشىنەن 2 – قوعامدىق بىرلەستىكتەردىڭ, 2 – بيۋدجەتتىك ۇيىمداردىڭ قىزمەتكەرلەرى, 1 – وبلىستىق مəسليحات حاتشىسى, 1 – مەملەكەتتىك قىزمەتشى, 1 – بانك سەكتورىنىڭ قىزمەتكەرى. پارتياعا قاتىستىلىعى بويىنشا: 3 – Amanat پارتياسىنىڭ مۇشەلەرى, 1 – «اق جول» قدپ مۇشەسى, 3 – پارتيالىققا قاتىستىلىعىن كورسەتپەگەن. گەندەرلىك قۇرامى بويىنشا: ەرلەر – 5, əيەلدەر – 2.
الماتى وبلىسىنا ساپارى كەزىندە ن.ءƏبدىروۆ اۋماقتىق سايلاۋ كوميسسيالارى مۇشەلەرى, سەنات دەپۋتاتتىعىنا كانديداتتار, جاستار جəنە باق وكىلدەرىمەن كەزدەستى. وسك باسشىسى سونداي-اق ءوڭىر جاستارىمەن جەكە كەزدەسۋ وتكىزىپ, باسقوسۋ بارىسىندا قۇقىقتىق مəدەنيەتتى دامىتۋ جəنە جاستاردىڭ ەلەكتوراتتىق بەلسەندىلىگىن ارتتىرۋ مəسەلەلەرى تالقىلاندى.
كەزدەسۋدە وسك توراعاسى جاستاردى ءəرتۇرلى دەڭگەيدەگى سايلاۋدا قولدانىلاتىن سايلاۋ جۇيەلەرىمەن, ەلىمىزدەگى سايلاۋ ورگاندارىنىڭ جۇمىسىمەن, سايلاۋ كوميسسيالارىنىڭ قۇرامىن قالىپتاستىرۋدىڭ وكىلەتتىكتەرى مەن پرينتسيپتەرىمەن تانىستىردى.
سونداي-اق باسقوسۋ كەزىندە جاستار سايلاۋ پروتسەسىنىڭ نەگىزگى مəسەلەلەرى بويىنشا ونلاين ساۋالداماعا قاتىستى. ساۋالداما نəتيجەلەرى بويىنشا سۇرالعانداردىڭ 54,5%-ى كومپيۋتەر, سمارتفون, پلانشەتتەردى پايدالانا وتىرىپ, قاشىقتىقتان ەلەكتروندى داۋىس بەرۋدى ەنگىزۋدى قولدايتىنىن بىلدىرگەن. ال 27%ى ارالاس ەلەكتروندى (ستاتسيونارلىق جəنە قاشىقتىقتان) داۋىس بەرۋدى ءجون دەپ سانادى. رەسپوندەنتتەردىڭ 63,6%-ى پرەزيدەنتتىككە كانديدات مەملەكەتتىك ءتىلدى ءبىلۋى قاجەت جəنە لينگۆيستيكالىق ەمتيحان مىندەتتى دەپ سانايتىنىن العا تارتتى. سۇرالعانداردىڭ 54,5%-ى سوتتىلىعى بار ازاماتتى پرەزيدەنت, دەپۋتات, əكىمدەردىڭ سايلانبالى قىزمەتتەرىنە كانديدات رەتىندە ۇسىنۋعا بولمايدى دەپ جاۋاپ بەرگەن. رەسپوندەنتتەردىڭ 45,5%- ى پارتيالىق ءتىزىم بويىنشا سايلانعان دەپۋتاتتىڭ ءبىر پارتيادان ەكىنشىسىنە اۋىسۋىنا جول بەرىلمەۋگە كەرەك دەگەن ويلارىن ءبىلدىردى.
كەزدەسۋ سوڭىندا نۇرلان ءƏبدىروۆ جاستارعا العا قويعان ماقساتتارىنا قول جەتكىزۋ جولىندا تابىس تىلەپ, ولاردى كونستيتۋتسيامەن بەرىلگەن سايلاۋ قۇقىعىن بەلسەندى پايدالانۋعا شاقىردى.
جۇمىس ساپارى اياسىندا ن.ءƏبدىروۆ ءى.جانسۇگىروۆ اتىنداعى مəدەنيەت ۇيىندە ساياسي پارتيالار, ۇەۇ, باق وكىلدەرى, قوعامدىق كەڭەس مۇشەلەرى, قوعامدىق پىكىر كوشباسشىلارى, بلوگەرلەر جəنە الماتى وبلىسى سايلاۋ كوميسسياسىنىڭ مۇشەلەرىمەن كەزدەستى. ءتورت جۇزگە تارتا ادام قاتىسقان كەزدەسۋدە ەل پرەزيدەنتىنىڭ «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋىندا كوتەرىلگەن سايلاۋ پروتسەسىن جاڭعىرتۋ جونىندەگى ۇسىنىستارى تالقىلاندى.
وسى كۇنى ورتسايلاۋكوم وكىلدەرى كوكسۋ اۋدانىنىڭ مۇقىر اۋىلدىق وكرۋگىندە بولىپ, əكىمنىڭ اۋىلدى دامىتۋ جونىندەگى جۇمىسىمەن تانىستى, سونداي-اق اۋىل تۇرعىندارىمەن كەزدەستى. جالپى, اۋىل تۇرعىندارى وزدەرى سايلاعان əكىمنىڭ قىزمەتىنە وڭ باعا بەرىپ, اۋىل əكىمدىگىنىڭ بيۋدجەتىن قالىپتاستىرۋ كوزدەرىن كەڭەيتۋ بويىنشا ۇسىنىستارىن جەتكىزدى. سونداي-اق ورت سايلاۋكوم توراعاسى كوكسۋ اۋدانىنىڭ ەڭبەكشى اۋىلدىق وكرۋگىندە بولىپ, امانگەلدى اۋىلىنىڭ №664 ۋچاسكەلىك سايلاۋ كوميسسياسىنىڭ وسى جىلدىڭ 3 سəۋىرىنە بەلگىلەنگەن اۋىلدىق وكرۋگ əكىمىن سايلاۋ بويىنشا داۋىس بەرۋگە دايىندىق جۇمىستارىمەن تانىستى. كەزدەسۋ سوڭىندا ن.ءƏبدىروۆ سايلاۋ زاڭناماسىنا سəيكەس الداعى اۋىل əكىمى سايلاۋىنىڭ اشىقتىعىن قامتاماسىز ەتۋ قاجەتتىگىن اتاپ ءوتتى.
