بەس جىل بۇرىن ددۇ ءوز-وزىنە قول سالۋدىڭ الدىن الۋ ءۇشىن الەمدىك دەڭگەيدە ءوز باستاماسىن ىسكە قوستى. ءبىر نەمەسە بىرنەشە سۋيتسيد تۋرالى باق حابارلارىنا تىكەلەي بايلانىستى جۇزدەن استام زەرتتەۋلەر جۇرگىزىلگەن. ماماندار ءوز-وزىنە قول سالۋدى كەڭىنەن جاريالاۋ قوسىمشا سۋيتسيدتىك مىنەز-ق ۇلىق قالىپتاستىراتىنىن ايتۋدا. ءوز-وزىنە قول سالۋدىڭ قازىرگىدەي تارالۋى جانە قۇربان بولعانداردىڭ تۋىستارىنان سۇحبات الۋ, سۋيتسيدتەردىڭ ەگجەي-تەگجەيلى سيپاتتالۋى ونى قاراپايىم قۇبىلىس رەتىندە قابىلداۋعا يتەرمەلەيدى», دەدى قازاقستان مەديا اليانسى «باق-تىڭ ءسۋيتسيدتى جاۋاپتى جاريالاۋى» اتتى پانەلدىك سەسسيادا.
سوندىقتان بۇل جەردە باق-تىڭ, بلوگەرلەردىڭ, كوشباسشىلاردىڭ ءرولى وتە جوعارى ەكەنىن ايتتى. مۇنداي وقيعالاردى جاريالاۋدا ۇلكەن جاۋاپكەرشىلىك تانىتۋ كەرەك.
2021 جىلى قازاقستاندا ءسۋيتسيدتىڭ 3922 جاعدايى تىركەلگەن.
ايتا كەتەيىك, دەنساۋلىق ساقتاۋ مينيسترلىگى بىلتىردان بەرى بۇكىل وڭىردە كامەلەتكە تولماعاندار اراسىندا ءسۋيتسيدتىڭ الدىن الۋ باعدارلاماسىن ەنگىزە باستادى. باعدارلاما 6 وڭىردە قارقىندى ىسكە اسىرىلىپ جاتىر.
