«الەۋمەتتىك سالانىڭ بارلىق سۇراعىن شۇعىل, ءبىر-ەكى جىلدىڭ ىشىندە شەشۋ مۇمكىن ەمەس ەكەنى وزدەرىڭىزگە بەلگىلى. كەيبىر ماسەلەلەر ەلدىڭ ەكونوميكالىق مۇمكىندىكتەرى ەسكەرىلە وتىرىپ, كەزەڭ-كەزەڭىمەن جۇزەگە اسىرىلادى. سوندىقتان زەينەتاقى جۇيەسىنە قاتىستى, الەۋمەتتىك تولەمدەردىڭ كولەمىنە قاتىستى ناقتى سۇراقتار ازىرلەنىپ جاتقان الەۋمەتتىك كودەكس اياسىندا, وزدەرىڭىزبەن بىرگە قاراستىرىلاتىن بولادى», دەدى توعجانوۆ.
بايانداماشىنىڭ سوزىنە سۇيەنسەك, دەپۋتاتتار مەن ۇكىمەتكە كەلىپ جاتقان وتىنىشتەردىڭ ءمانى بىردەي – ناقتى تابىستى ارتتىرۋعا, كەدەيلىك دەڭگەيىن تومەندەتۋگە قاتىستى.
دەپۋتاتتاردىڭ وڭىرلەرگە ساپارى بارىسىندا ەكى مىڭعا جۋىق سۇراقتار كوتەرىلگەن. ۇكىمەتكە ازاماتتاردان 1800 ءوتىنىش تىكەلەي كەلىپ تۇسكەن.
