اتاپ ايتقاندا, ءبىرىنشى, مەديتسينالىق ۇيىمداردى وفتالمولوگيالىق جانە سۋردولوگيالىق سكرينينگكە جانە اۋرۋلاردى ەرتە دياگنوستيكالاۋعا ارنالعان جابدىقپەن قامتاماسىز ەتۋ باعدارلامالارى. بۇل سكرينينگ مۇگەدەكتىك قاۋپى بار بالالاردى ەرتە انىقتاۋعا باعىتتالعان. قور دەنساۋلىق ساقتاۋ مينيسترلىگىمەن جانە وبلىستىق دەنساۋلىق ساقتاۋ باسقارمالارىمەن بىرلەسە وتىرىپ, جابدىققا دەگەن قاجەتتىلىكتى انىقتاپ, وسى سالاداعى دارىگەرلەردىڭ قۇزىرەتتىلىگىن ارتتىرۋدى قولعا الماق;
ەكىنشى, ورفاندىق اۋرۋلارى بار ناۋقاستاردى ءدارى-دارمەكپەن قامتاماسىز ەتۋ جوباسى. قور دەنساۋلىق ساقتاۋ مينيسترلىگىمەن جانە جەرگىلىكتى اتقارۋشى ورگاندارمەن بىرلەسە وتىرىپ, ورفاندىق (سيرەك كەزدەسەتىن, ومىرگە قاۋىپ توندىرەتىن) اۋرۋلارى بار بالالاردى ءدارى-دارمەكپەن قامتاماسىز ەتۋ بويىنشا تىزىمدەرىن قالىپتاستىرۋ جانە جاۋاپكەرشىلىكتى ءبولۋ بويىنشا جۇمىستاردى جۇرگىزۋدە;
ءۇشىنشى, اعزالار مەن تىندەردى ترانسپلانتاتسيالاۋدى قاجەت ەتەتىن ناۋقاستارعا, سونداي-اق ونكولوگيالىق جانە ونكوگەماتولوگيالىق پاتولوگيالارى بار ناۋقاستارعا قايىرىمدىلىق كومەك كورسەتۋ جوبالارى. قور قايىرىمدىلىق كومەك كورسەتۋدى شەتەلدە ەمدەلۋگە نۇسقاۋ تۋرالى قورىتىندى بەرىلگەن جاعدايلاردا جانە ونى مەملەكەتتىك بيۋدجەت قاراجاتى ەسەبىنەن شەتەلگە جىبەرۋگە وبەكتيۆتى سەبەپتەر بولعان جاعدايدا عانا قارايدى. قور دەنساۋلىق ساقتاۋ مينيسترلىگىمەن, رەسپۋبليكالىق عىلىمي ۇيىمدارمەن بىرلەسە وتىرىپ, دونورلىق ورتالىقتاردى جاراقتاندىرۋ جانە ترانسپلانتاتسيالىق ۇيلەستىرۋشىلەردى وقىتۋ, سونداي-اق سۇيەك كەمىگىنىڭ حالىقارالىق بانكتەرىمەن ينتەگراتسيالانعان دونورلىق مالىمەتتەر بازاسىن ۇيىمداستىرۋ, جەرگىلىكتى كادرلاردى ەمدەۋدىڭ جاڭا ادىستەرىنە وقىتۋ بويىنشا جۇمىستاردى جۇرگىزەتىن بولادى. دارىلىك زاتتارمەن قامتاماسىز ەتۋدى قارجىلاندىرۋ, ەگەر بۇل قاراجات قازاقستان رەسپۋبليكاسىندا تىركەلمەسە نەمەسە بەلگىلى ءبىر سەبەپتەرمەن قازاقستان رەسپۋبليكاسىندا ساتىپ الىنباسا, بىراق پاتسيەنتتى ەمدەۋ حاتتامالارىندا كوزدەلگەن بولسا, قور قاراستىرادى. بۇل تاسىلدەر قوردىڭ سايتىندا جاريالانعان.
قامقورشىلىق كەڭەس جۇيەلەندىرۋ جانە اشىقتىقتى قامتاماسىز ەتۋ ماقساتىندا دەنساۋلىق ساقتاۋ, ءبىلىم بەرۋ, الەۋمەتتىك قامسىزداندىرۋ, مادەنيەت جانە سپورت سالالارىندا قايىرىمدىلىق كومەك كورسەتۋ جوبالارى مەن باعدارلامالارىن ىرىكتەۋ كريتەريلەرىن بەكىتتى. وسى كريتەريلەرگە سايكەس الەۋمەتتىك سالاداعى ماسەلەلەردى شەشۋگە باعىتتالعان ۇكىمەتتىك ەمەس ۇيىمداردىڭ وتىنىمدەرىنە كونكۋرستىق ىرىكتەۋ جۇرگىزىلەدى. بەكىتىلگەن قۇجات قوردىڭ سايتىندا جاريالانعان.
«قايىرىمدىلىق تۋرالى» قازاقستان رەسپۋبليكاسىنىڭ زاڭىنا سايكەس قامقورشىلىق كەڭەسى قوردىڭ 2022 جىلعا ارنالعان جۇمىس جوسپارىن بەكىتتى. جوسپار مەملەكەت باسشىسىنىڭ كەڭەس وتىرىسىندا سويلەگەن سوزىندە ايقىنداعان ماقساتتار مەن مىندەتتەرگە سۇيەنە وتىرىپ قالىپتاستىرىلدى. سونداي-اق قازاقستان رەسپۋبليكاسى پارلامەنتى ءماجىلىسى 2022 جىلعى 11 قاڭتاردا ۇكىمەتتىڭ 2022 جىلعى 8 اقپانداعى كەڭەيتىلگەن وتىرىسى, اقپاندا «حازىرەت سۇلتان» مەشىتىندە قاڭتار وقيعاسى قۇرباندارىن ەسكە الۋ ءراسىمى ءوتتى. 2022 جىلعى 13 قاڭتاردا 2022 جىلعى 21 قاڭتاردا وتاندىق بيزنەس وكىلدەرىمەن كەزدەسۋ, سونداي-اق قامقورشىلىق كەڭەس مۇشەلەرىنىڭ, ۇەۇ, مەملەكەتتىك ورگانداردىڭ, سالالىق ساراپشىلاردىڭ, باسقا دا مۇددەلى تاراپتاردىڭ قاتىسۋىمەن وتكەن ستراتەگيالىق وتىرىستاردىڭ قورىتىندىلارى بويىنشا جانە ازاماتتاردىڭ وتىنىشتەرىن تالداۋ پروتسەستەرى ەسكەرىلدى.
وسى جوسپار قور قىزمەتىنىڭ باعىتتارى ازىرلەنىپ, جاڭا مىندەتتەر پايدا بولۋىنا, جوبالار مەن باعدارلامالاردى ىرىكتەۋ ناتيجەلەرىنە قاراي جاڭارتىلاتىن جانە تولىقتىرىلاتىن بولادى. جوسپار قوردىڭ سايتىندا ورنالاستىرىلعان.
قامقورشىلىق كەڭەس 2022 جىلعى 25 ناۋرىزداعى جاعداي بويىنشا قور باسقارماسىنىڭ كورسەتىلگەن قايىرىمدىلىق كومەك تۋرالى ەسەبىن قارادى. قوردان قايعىلى قاڭتار وقيعاسىندا زارداپ شەككەندەرگە جالپى سوماسى 495 ملن تەڭگەگە قايىرىمدىلىق كومەك كورسەتىلدى, ونىڭ ىشىندە:
- قازا تاپقان اسكەري قىزمەتكەرلەردىڭ, ىشكى ىستەر جانە ۇلتتىق قاۋىپسىزدىك ورگاندارى قىزمەتكەرلەرىنىڭ وتباسىلارىنا – 133 ملن تەڭگە.
- اۋىر جاراقات العان اسكەري قىزمەتكەرلەرگە, ىشكى ىستەر جانە ۇلتتىق قاۋىپسىزدىك ورگاندارىنىڭ قىزمەتكەرلەرىنە – 318 ملن تەڭگە.
- قاڭتار وقيعاسىنىڭ كەزدەيسوق قۇربانى بولعان قازاقستان رەسپۋبليكاسى ازاماتتارىنىڭ وتباسىلارىنا – 35 ملن تەڭگە.
- قاڭتار وقيعاسى كەزىندە زارداپ شەككەن بالالاردىڭ وتباسىلارىنا – 9 ملن تەڭگە.
بۇل باعىتتاعى جۇمىستار ءالى دە جالعاسۋدا, ازاماتتاردىڭ ءولىمىنىڭ ءمان-جايىن قۇزىرلى ورگاندار انىقتاپ جاتىر.
ومىرتقا بۇلشىقەتىنىڭ اتروفياسىنا شالدىققان 4 بالاعا قازاقستان رەسپۋبليكاسىندا تىركەلمەگەن Onasemnogene Abeparvovec (ZOLGENSMA) پرەپاراتىن ساتىپ الۋ ءۇشىن جالپى سوماسى 3,7 ملرد تەڭگەنى قور تولەدى. ناۋقاستار اۋرۋحاناعا جاتقىزىلدى, ءار ناۋقاس ءۇشىن جەكە دارىلىك زاتتى ءوندىرۋ ءۇشىن بارلىق ناۋقاستان بيوماتەريال الىندى. ءبىرىنشى بالاعا پرەپارات 26 ناۋرىزدا ەنگىزىلدى, قالعاندارىن 8 ساۋىرگە دەيىن ەنگىزۋ جوسپارلانۋدا.
قامقورشىلىق كەڭەس قور باسقارماسى تۋرالى ەرەجەنى بەكىتتى, atamekenim.kz ونلاين-پلاتفورماسىنا كەلىپ تۇسكەن وتىنىشتەردى قاراۋ, قور جانىنان قۇرىلعان كونسۋلتاتيۆتىك-كەڭەسشى ورگانداردىڭ جۇمىسى تۋرالى اقپاراتتى, سونداي-اق قور كەڭەسى تۋرالى اقپاراتتى نازارعا الدى.
قامقورشىلىق كەڭەس باسقارماعا حالىقتىڭ الەۋمەتتىك جاعىنان وسال ساناتتارى – كوپبالالى وتباسىلار, ااك الۋشىلار, مۇگەدەكتەر جانە باسقا دا ساناتتار اراسىنان اتاۋلى كومەك الۋشىلار – ازاماتتار ساناتتارىن ايقىنداۋ تاسىلدەرى مەن ناقتى كريتەريلەرىن ازىرلەۋ ءۇشىن جۇمىس توبىن قۇرۋدى تاپسىردى.
بەكىتىلگەن قۇجاتتار بويىنشا باسقارماعا دا ءتيىستى تاپسىرمالار بەرىلدى. قامقورشىلىق كەڭەستىڭ قابىلدانعان شەشىمدەرى قورعا جوبالار مەن باعدارلامالاردى ىرىكتەۋ, قۇرىلىمداۋ جانە قايىرىمدىلىق كومەك كورسەتۋ بويىنشا جۇيەلى ءىس-شارالاردى باستاۋعا مۇمكىندىك بەرەدى.
«قازاقستان حالقىنا» قق قامقورشىلىق كەڭەسى 2022 جىلعى 15 قاڭتارداعى قۇرىلتايشىلاردىڭ جالپى جينالىسىنىڭ شەشىمىمەن قۇرىلدى. قامقورشىلىق كەڭەس مۇشەلەرى تۋرالى اقپارات قوردىڭ ۆەب-سايتىندا بەرىلگەن, دەپ حابارلادى اتالعان قوردىڭ ءباسپاسوز قىزمەتى.
